ມີເດຍລາວແຂວງວຽງຈັນ ( ຂ່າວ: ເມືອງກາສີ ) ໃນວັນທີ 30 ມິຖຸນາ 2021 ນີ້, ຢູ່ທີ່ສະໂມສອນຂອງເມືອງກາສີ ແຂວງວຽງຈັນ ໄດ້ຈັດກອງປະຊຸມປັບປຸງແຜນພັດທະນາເສດຖະກິດ-ສັງຄົມ 5 ປີ ຂອງເມືອງ. ໂດຍການເປັນປະທານຂອງ ທ່ານ ຄຳອ້ວນ ສຸວັນທອງ ກຳມະການພັກເມືອງ ຮອງເຈົ້າເມືອງໆກາສີ, ມີທ່ານ ບຸນທະສິນ ຈິດວິລະພົນ ຫົວໜ້າຂະແໜງແຜນການ ພະແນກແຜນການ ແລະ ການລົງທຶນແຂວງວຽງຈັນ ແລະ ທ່ານ ສີພັນ ຈັນທະບູນ ກຳມະການພັກເມືອງ ຫົວໜ້າຫ້ອງການແຜນການ ແລະ ການລົງທຶນເມືອງກາສີ, ເຂົ້າຮ່ວມມີຫົວໜ້າຂະແໜງ, ວິຊາການ ຂອງພະແນກແຜນການ ແລະ ການລົງທຶນແຂວງ ແລະ ສູນສະຖິຕິປະຈໍາແຂວງ, ມີບັນດາຫົວໜ້າ-ຮອງຫົວໜ້າຫ້ອງການ ພ້ອມດ້ວຍວິຊາການຜູ້ຮັບຜິດຊອບວຽກງານສະຖິຕິແຜນການ ຂອງບັນດາຫ້ອງການພາຍໃນເມືອງ.

ທ່ານຮອງເຈົ້າເມືອງໆກາສີ ໄດ້ໃຫ້ກຽດຂື້ນກ່າວເປີດກອງປະຊຸມ ເຊີ່ງທ່ານໄດ້ກ່າວວ່າ: ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີIII ຂອງເມືອງ ທີ່ຜ່ານມານັ້ນ ເຖິງວ່າພວກເຮົາສາມາດຍາດໄດ້ຜົນງານໃນດ້ານຕ່າງໆ ແຕ່ພວກເຮົາກໍບໍ່ປາສະຈາກໄດ້ຫຼາຍບັນຫາຫຍຸ້ງຍາກ ທີ່ສົ່ງຜົນກະທົບຕໍ່ການຈັດຕັ້ງປະຕິບັດຕົວຈິງ ເປັນຕົ້ນແມ່ນ ສະພາບຄວາມຫຍຸ້ງຍາກດ້ານງົບປະມານຂອງລັດ, ບັນຫາໜີ້ສິນໂຄງການລົງທຶນຂອງລັດ, ຜົນກະທົບຈາກໄພທຳມະຊາດ.

ນອກນີ້ ກໍແມ່ນການລະບາດຂອງພະຍາດໂຄວິດ-19 ທີ່ໄດ້ສົ່ງຜົນກະທົບທັງທາງກົງ ແລະ ທາງອ້ອມ ຕໍ່ການຈັດຕັ້ງປະຕິບັດໂຄງການຕ່າງໆ ກໍ່ຄືການພັດທະນາເສດຖະກິດ-ສັງຄົມຂອງເມືອງ ສະນັ້ນຈຶ່ງຈຳເປັນຕ້ອງໄດ້ມີການປັບປຸງດັດແກ້ແຜນພັດທະນາເສດຖະກິດ-ສັງຄົມຂອງເມືອງຄືນໃໝ່ ເພື່ອໃຫ້ແທດເໝາະສອດຄ່ອງຕາມຄວາມອາດສາມາດ ແລະ ຄວາມເປັນຈິງໃນປະຈຸບັນ. ໃນກອງປະຊຸມ ຍັງໄດ້ນຳສະເໜີບາງຕົວຊີ້ວັດຂອງແຜນພັດທະນາເສດຖະກິດ-ສັງຄົມ 5 ປີຄັ້ງທີ VI (2021-2025) ຂອງແຂວງວຽງຈັນ ໂດຍສົມທຽບໃສ່ແຜນພັດທະນາເສດຖະກິດ-ສັງຄົມ 5 ປີ ຄັ້ງທີIII (2020-2024) ຂອງເມືອງກາສີ. ຊຶ່ງໃນຄວາມເປັນຈິງແລ້ວ ໄລຍະຜ່ານມາແຜນພັດທະນາເສດຖະກິດ-ສັງຄົມ 5 ປີ ຂອງເມືອງແມ່ນໄດ້ຄົ້ນຄວ້າຮັບຮອງຢູ່ຂັ້ນເມືອງ ແລະ ລາຍງານໃຫ້ຂັ້ນແຂວງໃນປີຜ່ານມາແລ້ວ, ແຕ່ອີງໃສ່ມີການລະບາດຂອງພະຍາດໂຄວິດ-19 ຈຶ່ງເຮັດໃຫ້ບັນດາແຜນການທີ່ໄດ້ຮັບຮອງຈຶ່ງຄາດເຄື່ອນຍ້ອນຜົນກະທົບຈາກພະຍາດດັ່ງກ່າວ ແລະ ປັດໃຈດ້ານອື່ນໆ.

ເຊິ່ງລັດຖະບານ, ກະຊວງກ່ຽວຂ້ອງ ກໍ່ຄືອົງການປົກຄອງແຂວງ ໄດ້ມີນະໂຍບາຍຜ່ອນຜັນໃນຫຼາຍວຽກ-ຫຼາຍຂະແໜງການ ເພື່ອວາງກົນໄກຄຸ້ມຄອງ ແລະ ພັດທະນາເສດຖະກິດແຫ່ງຊາດ ເວົ້າລວມ, ເວົ້າສະເພາະແມ່ນຂອງທ້ອງຖິ່ນ ເພື່ອປັບປຸງຟື້ນຟູລະບົບເສດຖະກິດໃຫ້ສາມາດດໍາເນີນໄປໄດ້ໃນສະພາບບ້ານເມືອງກໍາລັງພົບກັບວິກິດຂອງພະຍາດໂຄວິດ-19 ແລະ ຜົນກະທົບຈາກສະພາບແວດລ້ອມດ້ານອື່ນໆ. ກອງປະຊຸມຍັງໄດ້ຮັບຟັງການຜ່ານເອກະສານ ການພັດທະນາເມືອງຕາມແລວເສດຖະກິດ 443 ແລະ 421.

ຫຼັງຈາກ ຜູ້ເຂົ້າຮ່ວມກອງປະຊຸມ ໄດ້ຜັດປ່ຽນປະກອບຄໍາຄິດຄໍາເຫັນໃສ່ຮ່າງແຜນພັດທະນາເສດຖະກິດ-ສັງຄົມຂອງເມືອງ ແຕ່ນີ້ຫາປີ 2024 ໃຫ້ມີຄວາມສອດຄ່ອງກັບວຽກງານຕົວຈິງ ຫຼື ໃກ້ຄຽງທີ່ສຸດກັບການພັດທະນາຕາມທ່າແຮງບົ່ມຊ້ອນ ແລະ ຄວາມອາດສາມາດຂອງແຕ່ລະຂະແໜງການທີ່ສາມາດຮັບຮອງໄດ້ ເພື່ອໃຫ້ມີຄວາມເປັນເອກະພາບກັນ