ຕອນແລງວັນທີ 30 ມິຖຸນາ 2021 ນີ້, ທ່ານ ເພັດສະຫວັນ ສຸພາພອນ ຫົວໜ້າຫ້ອງການບໍລິຫານ ໂຮງຮຽນເຕັກນິກ-ວິຊາຊີບ ແຂວງບໍ່ແກ້ວ ພ້ອມດ້ວຍຄະນະ ໄດ້ລົງເຄື່ອນໄຫວແນະແນວຢູ່ທີ່ໂຮງຮຽນ ມສ ປາກທາ ເມືອງປາກທາ ແຂວງບໍ່ແກ້ວ ໂດຍການເຂົ້າຮ່ວມຂອງ ທ່ານ ຄຳອິນ ສອນສະຫວັນ ຮອງຫົວໜ້າຫ້ອງການສຶກສາທິການ ແລະ ກິລາເມືອງປາກທາ, ທ່ານ ອ່ອນແກ້ວ ຫຼວງພະບາງ ຮອງອຳນວຍການໂຮງຮຽນ ມສ ປາກທາ, ມີບັນດາຄູ-ອາຈານ, ພໍ່ແມ່ຜູ້ປົກຄອງນ້ອງນັກຮຽນ ຕະຫຼອດຮອດນ້ອງນັກຮຽນຊັ້ນ ມ4 ແລະ ມ7 ເຂົ້າຮ່ວມຮັບຟັງ.

ຈຸດປະສົງຂອງການແນະແນວໃນຄັ້ງນີ້ກໍ່ເພື່ອເຮັດໃຫ້ນ້ອງນັກຮຽນຮັບຮູ້, ເຂົ້າໃຈຕໍ່ກັບເນື້ອໃນ, ປະຫວັດຄວາມເປັນມາຂອງໂຮງຮຽນ, ລະບົບການສືກສາພາຍໃນໂຮງຮຽນເຕັກນິກ-ວິຊາຊີບ, ຫຼັກສູດການຮຽນ-ການສອນ, ເງື່ອນໄຂຜູ້ສະໝັກເຂົ້າຮຽນ ແລະ ນະໂຍບາຍຕ່າງໆຂອງນັກຮຽນ, ທັງເປັນການເຮັດໃຫ້ນ້ອງນັກຮຽນຊັ້ນ ມ4 ແລະ ມ7 ຮັບຮູ້ເຂົ້າໃຈກ່ຽວກັບລະບົບການສຶກສາໃນ ສປປ ລາວ, ມີຄວາມເຂົ້າໃຈ ແລະ ຕັດສິນໃຈໃນການຮຽນສາຍອາຊີວະສຶກສາແນ່ໃສ່ກໍ່ສ້າງແຮງງານໃຫ້ແກ່ສັງຄົມ ກໍ່ຄືຄວາມຕ້ອງການຂອງຕະລາດແຮງງານ ແລະ ເຮັດໃຫ້ຜູ້ປົກຄອງຂອງນ້ອງນັກຮຽນເຂົ້າໃຈບັນຫາ ແລະ ລາຍລະອຽດຕ່າງໆ ໃນສາຍວິຊາຊີບອີກດ້ວຍ.

ມີເດຍລາວແຂວງບໍ່ແກ້ວ ພາບ-ຂ່າວ: ວັນນະເດດ ວິໄລຄຸນ.