ມີເດຍລາວແຂວງຫຼວງນ້ຳທາ ຂ່າວ: ສົມພອນ ຂຸນດາວົງ ວັນທີ 1 ກໍລະກົດ 2021 ນີ້ຢູ່ທີ່ຫ້ອງປະຊຸມຫ້ອງວ່າການແຂວງຫຼວງນ້ຳທາຄະນະໂຄສະນາອົບຮົມແຂວງຫຼວງນ້ຳທາໄດ້ຈັດກອງປະຊຸມປຶກສາຫາລືວຽກງານແນວຄິດ-ຫາງສຽງຂອງສັງຄົມ, ໂດຍການເຂົ້າຮ່ວມຂອງທ່ານ ຈັນທອງ ແກ້ວປະເສີດ ຮອງເລຂາຄະນະບໍລິຫານງານພັກແຂວງ ແຂວງໆຫຼວງນ້ຳທາ, ມີຮອງຫົວໜ້າພະແນກການອ້ອມຂ້າງ,ຫົວໜ້າຂະແໜງການ, 2 ກອງບັນຊາການ, ລັດວິສາຫະກິດ ແລະ ພະນັກງານລັດຖະກອນເຂົ້າຮ່ວມ.

ທ່ານ ບຸນມາ ພັນດາວົງ ກໍາມະການພັກແຂວງ ຫົວໜ້າຄະນະໂຄສະນາອົບຮົມແຂວງ ກໍ່ໄດ້ຜ່ານຂໍ້ຕົກລົງຂອງທ່ານເຈົ້າແຂວງວ່າດ້ວຍແຕ່ງຕັ້ງຄະນະຮັບຜິດຊອບເກັບກຳສະພາບແນວຄິດ-ຫາງສຽງສັງຄົມ ແລະ ວຽກງານໂຄສະນາປາຖະກະຖາ.ກອງປະຊຸມການປຶກສາຫາລືຄັ້ງນີ້ກ່ຽວກັບສະພາບການຈັດຕັ້ງເຜີຍແຜ່,ເຊື່ອມຊືມແນວທາງ,ແຜນນະໂຍບາຍ,ມະຕິ,ຄຳສັ່ງຂອງພັກ,ລະບຽບກົດໝາຍຂອງລັດໃຫ້ແກ່ສະມາຊິກພັກພະນັກງານ-ລັດຖະກອນ,ກຳລັງປະກອບອາວຸດ ແລະ ປະຊາຊົນບັນດາເຜົ່າໃນຄວາມຮັບຜິດຊອບຂອງຂະແໜງການຕົນໄລຍະຜ່ານມາເປັນຄືແນວໃດ?,ການຕິດຕາມ,ເກັບ ກໍາສະພາບແນວຄິດຫາງສຽງສັງຄົມໃນຂະແໜງການຂອງຕົນຮັບຜິດຊອບໃນໄລຍະຜ່ານມາມີຄືແນວໃດ? , ປະ ກົດການຫຍໍ້ທໍ້ທີ່ພົ້ນເດັ່ນ ແລະ ມີຫາງສຽງຕໍ່ສັງຄົມມີຄືແນວໃດ? ທ່ານມີວິທີແກ້ໄຂແນວໃດ?.

ໃນປະຈຸບັນມີສະພາບການ ແລະ ປະກົດການຕ່າງໆທີ່ເກີດຂື້ນເຊິ່ງມີຫຼາຍຢ່າງກະທົບ ແລະ ສົ່ງຜົນສະທ້ອນເຖິງແນວຄິດຂອງສະມາຊິກພັກ,ພະນັກງານ,ທະຫານ,ຕຳຫຼວດ ແລະ ປະຊາຊົນທາງດ້ານຕັ້ງໜ້າ ແລະ ດ້ານຫຍໍ້ທໍ້,ລວມທັງການບິດເບືອນໃສ່ຮ້າຍປ້າຍສີຈາກຜູ້ບໍ່ຫວັງດີຕໍ່ປະເທດຊາດ,ຕໍ່ການນໍາພາຂອງພັກ-ລັດ ແລະ ເພື່ອຈັດຕັ້ງຜັນຂະຫຍາຍ ແລະ ປະຕິບັດຕາມທິດຊິ້ນຳໃນການປັບປຸງຍົກສູງຄູນນະພາບ,ປະສິດທິຜົນວຽກງານແນວຄິດ-ທິດສະດີຂອງພັກກໍ່ຄືການປ່ຽນແປງໃໝ່ດ້ານເນື້ອໃນ ແລະ ຮູບການເພື່ອຍົກສູງຄູນນະພາບຂອງວຽກງານສຶກສາອົບຮົມນຳພາແນວຄິດ ,ກຳໄດ້ສະພາບແນວຄິດ-ຫາງສຽງທີ່ເກີດຂື້ນໃຫ້ຄົບຖ້ວນ ແລະ ທົ່ວເຖິງເພື່ອມີທິດເສີມຂະຫຍາຍສິ່ງທີ່ຕັ້ງໜ້າ ແລະ ຄົ້ນຄວ້າວິທີແກ້ໄຂສິ່ງທີ່ຫຍໍ້ທໍ້ໃຫ້ທັນກັບສະພາບ,ຖືກຕ້ອງຕາມແນວທາງນະໂຍບາຍຂອງພັກ,ລະບຽບ, ກົດໝາຍຂອງລັດເຮັດໃຫ້ມີການປ່ຽນແປງທາງທີ່ຕັ້ງໜ້າດ້ານພຶດຕິກຳຂອງບຸກຄົນ ຫຼື ກຸ່ມທີ່ກໍ່ໃຫ້ເກີດມີເຫດການທີ່ເປັນຕົ້ນເຫດຂອງຫາງສຽງສັງຄົມ ແລະ ເພື່ອປະ ສານສົມທົບກັບຂະແໜງການທີ່ກ່ຽວຂ້ອງໃນການຕິດຕາມ,ເກັບກຳສະພາບແນວຄິດ-ຫາງສຽງຂອງສັງຄົມ ແລະ ຮ່ວມກັນແກ້ໄຂບັນຫາດັ່ງກ່າວໃນຂອບເຂດຄວາມຮັບຜິດຊອບຂອງຄະນະພັກແຕ່ລະຂັ້ນຢ່າງເປັນເຈົ້າການ.