ມີເດຍລາວແຂວງຈຳປາສັກ ພາບ,ຂ່າວ, ຈັນທອນ ກົມໄຊຊະນະ ຖວທ ນະຄອນປາກຊ
ໃນຕອນເຊົ້າຂອງວັນທີ 1 ກໍລະກົດ 2021 4 ຫ້ອງການໃນ ນະຄອນປາກເຊ ຈັດກອງປະຊຸມທາບທາມບຸກຄະລາກອນເຂົ້າໃສ່ໂຄງປະກອບການຈັດຕັ້ງຂອງແຕ່ລະຫ້ອງການໃນນັ້ນມີ ຫ້ອງຫານ ຖວທ ນະຄອນປາກເຊ, ຫ້ອງການ ແຜນການ ແລະ ການລົງທືນ, ຫ້ອງການ ຊັບພະຍາກອນ ແລະ ສີ່ງແວດລ້ອມ, ຫ້ອງຫານ ກຳມະບານ, ກອງປະຊຸມໄດ້ຈັດຂື້ນທີ່ສະໂມສອນຂອງນະຄອນ ພາຍໃຕ້ການເປັນປະທານຂອງທ່ານ ຄອນສະຫວັນ ວັນນິວົງຄຳ ຮອງເລຂາພັກນະຄອນ ຜູ້ຊີ້ນຳວຽກງານແນວຄິດການເມືອງ ພ້ອມດ້ວຍ ຫົວໜ້າພະແນກການ, ຫົວໜ້າຫ້ອງການ, ພະນັກງານທັງ 4 ຫ້ອງການເຂົ້າຮ່ວມ

ໃນກອງປະຊຸມ ທ່ານ ສີຟອງ ສີິລິໂພຄຳ ກຳມະການ ພັກນະຄອນ ຫົວໜ້າ ຫ້ອງການພາຍໃນ ນະຄອນ ຄະນະກຳມະການ ທາບທາມບຸກຄະລາກອນຂັ້ນນະຄອນໄດ້ຂື້ນຜ່ານມາດຖານເງື່ອນໄຂອີງຕາມດຳລັດຂອງລັດຖະບານ ສະບັບເລກທີ 203/ລບ ວ່າດ້ວຍຕຳແໜ່ງບໍລິຫານຂອງ ພະນັກງານ – ລັດຖະກອນ ວ່າດ້ວຍຕຳແໜ່ງຮອງຫົວໜ້າຫ້ອງການ ແມ່ນຕຳແໜ່ງບໍລິຫານປະເພດ 5 ແລະ ມາດຖານເງື່ອນໄຂ ຂອງຜູ້ທີ່ລາຍຊື່ເຂົ້າສະໜັກ ຫຼັງຈາກນັ້ນ ທັງ 4 ຫ້ອງການກໍ່ໄດ້ໃຊ້ສິດປະຊາທິປະໄຕປ່ອນບັດທາມທາບເອົາຮອງຫົວໜ້າຫ້ອງຂອງທັງ 4 ຫ້ອງການ ໃນຮອບທີ 2

ຕອນທ້າຍຂອງກອງປະຊຸມທ່ານ ຄອນສະຫວັນ ວັນນິວົງຄຳ ຮອງເລຂາພັກນະຄອນ ຜູ້ຊີ້ນຳວຽກງານແນວຄິດການເມືອງ ກໍ່ໄດ້ໂອ້ລົມ ແລະ ຊີ້ທິດເຍືອງທາງໃຫ້ແກ່ພະນັກງານ-ລັດຖະກອນ ທັງ 4 ຫ້ອງການ ຈົ່ງໄດ້ພ້ອມກັນຈັດຕັ້ງປະຕິບັດໜ້າທີີ່ວຽກງານທີ່ຂັ້ນເຖີງໄດ້ມອບໝາຍໃຫ້ຕາມສິດ ແລະ ໜ້າທີ່ຂອງຕົນໃຫ້ມີຜົນສຳເລັດສູງ ແລະ ທ່ານ ຍັງຮຽກຮ້ອງມາຍັງຄະນະຫ້ອງການພະນັກງານລັດ ຖະກອນທັງ 4 ຫ້ອງການຈົ່ງໄດ້ຮັດແໜ້ນຄວາມສາມັກຄີເປັນປຶກແຜ່ນພ້ອມກັນສ້າງພັດທະນານະຄອນປາກເຊໃຫ້ມີຄວາມຈະ ເລີນຮຸ່ງເຮືອງຂື້ນເລື້ອຍໆ