ມີເດຍລາວແຂວງອຸດົມໄຊ ຂ່າວ: ແສງອາທິດ ກວດແກ້ໂດຍ: ທັດສະດາສຸກ
ພິທີອົບຮົມເປົ້າໝາຍຂະຫຍາຍເຂົ້າພັກ ຊຸດທີ່I ຂອງພະແນກ ຖວທ ແຂວງອຸດົມໄຊ ໄດ້ໄຂຂື້ນໃນຕອນເຊົ້າຂອງວັນທີ່ 29 ມິຖຸນາ 2021 ທີ່ຫ້ອງປະຊຸມພະແນກ ຖວທ ໂດຍການເປັນປະທານຂອງທ່ານ ບຸນກວມ ມິດ ເມືອງໄຊ ຮອງເລຂາຄະນະພັກຮາກຖານ ຮັກສາການຫົວຫນ້າພະແນກ ຖວທແຂວງງ, ມີທ່ານ ອຸ່ນເຮືອນ ຄະນະພັກຮາກຖານ ຫົວຫນ້າຂະແໜງຈັດຕັ້ງ, ພ້ອມດ້ວຍມະຫາຊົນກ້າວຫນ້າເຂົ້າຮ່ວມ.

ໃນພິທີທ່ານ ບຸນກວມ ມິດເມືອໄຊ ຮອງເລຂາຄະນະພັກຮາກຖານ ຮັກສາການພະແນກ ຖວທ ໄດ້ນໍາເອົາ ເອກະສານກ່ຽວກັບລະບຽບຂອງພັກ ໂດຍລວມ ທ່ານໄດ້ຍົກໃຫ້ເຫັນຄວາມຫມາຍຄວາມສຳຄັນຂອງພັກປະຊາຊົນປະຕິວັດລາວ ເຊີ່ງເປັນວຽກງານຫນື່ງທີ່ສຳຄັນ ແລະ ສຸງສຸດ, ນອກນີ້ທ່ານຍັງໄດ້ກ່າວຕື່ມວ່າ ການຂະຫຍາຍມະຫາຊົນເຂົ້າພັກ ເພື່ອສືກສາແນວທາງ ລະບຽບ ຫລັກການຂອງພັກຢ່າງເລີກເຊີ່ງເຖີ່ງຖອງ, ເຊີ່ງ ເອກສານທີ່ນຳມາເຜີຍແຜ່ຄັ້ງນີ້ມີ ພັກການເມືອງແມ່ນຫຍັງ? ເປັນຫຍັງຈືງມີພັກການເມືອງ, ພັກປະຊາຊົນປະຕິວັດລາວໄດ້ຮັບການສ້າງຕັ້ງຂື້ນຄືແນວໃດ? ພັກປະຊາຊົນປະຕິວັດລາວແມ່ນພັກແນວໃດ, ຈັດຕັ້ງຕາມຫລັກການແນວໃດ, ມີລະບົບສາຍໃຍການຈັດຕັ້ງຄືແນວໃດ, ປະກອບດ້ວຍບຸກຄົນຄືແນວໃດ, ມີວັດຖຸປະສົງ ແລະ ອຸດົມການຄືແນວໃດ, ມີທາດແທ້ແນວໃດ, ມາດຖານຂອງສະມາຊິກພັກ ແລະ ເງື່ອນໄຂທີຈະຂະຫຍາຍເຂົົ້າເປັນສະມາຊິກພັກແນວໃດ, ສະມາຊິກພັກມີຫນ້າທີ່, ພັນທະ ແລະ ມີຜົນປະໂຫຍດຫຍັງແດ່, ຂໍ້ຫ້າມສຳລັບສະມາຊິກພັກ ມີຫຍັງແດ່, ຈຸດປະສົງລະດັບຄາດໝາຍ ເພື່ອເຮັດໃຫ້ ມະຫາຊົນຜູ້ກ້າວໜ້າທີ່ຈະຂະຫຍາຍເຂົ້າພັກ ຮັບຮູ້, ເຂົ້າໃຈກ່ຽວກັບປະຫວັດ, ຄວາມເປັນມາ, ອຸດົມການ ແລະ ທາດແທ້ ຂອງພັກປະຊາຊົນ ປະຕິວັດລາວ; ເຂົ້າໃຈກ່ຽວກັບມາດຖານ, ເງື່ອນໄຂຜູ້ທີ່ຈະ ເຂົ້າເປັນສະມາຊກພັກ ແລະ ຜົນປະໂຫຍດທີ່ສະມາຊິກພັກໄດ້ຮັບ.

ບົນພື້ນຖານຄວາມຮັບຮູ້ – ເຂົ້າໃຈ ດັ່ງກ່າວ ເຮັດໃຫ້ມະຫາຊົນຜູ້ກ້າວໜ້າ ຕັ້ງໜ້າເຝິກຝົນຫຼໍ່ຫຼອມຕົນເອງໃຫ້ມີ ມາດຖານ, ເງື່ອນໄຂຄົບຖ້ວນ ແລະ ມີຄວາມຕື່ນຕົວສະໝັກ ເຂົ້າເປັນສະມາຊກພັກປະຊາຊົນປະຕິວັດລາວ ເພື່ອເພີ່ມກຳລັງ ແຮງສູ້ຮົບໃຫ້ແກ່ພັກນັບມື້ຫລາຍຂື້ນ. ໂອກາດນີ້ ຍັງໄດ້ມອບໃບຢັ້ງຢືນການຮຽນສະຫນັບສະຫນູນເປົ້າຫມາຍຂະຫຍາຍເຂົ້າພັກ ໃຫ້ແກ່ບັນດາສະຫາຍທີ່ເປັນເປົ້າຫມາຍ ຈຳນວນ 6ສະຫາຍ ຍີງ2 ສະຫາຍໃນພະແນກ ຖວທ ຕື່ມອີກ.