ເຊື່ອມຊືມເຜີຍແຜ່ກົດໝາຍວ່າດ້ວຍເອກະສານ ໃນຂົງເຂດສາທາລະນະສຸກແຂວງອຸດົມໄຊ ໄດ້ຈັດຂື້ນໃນວັນທີ່ 2 ກໍລະກົດ 2021ນີ້ ທີ່ຫ້ອງປະຂຸມພະແນກສາທາລະນະສຸກໂດຍການເປັນປະທານຂອງທ່ານ ຫຸມພັນ ອີນທະມຸງຄຸນ ກຳມະການພັກແຂວງ ເລຂາຄະນະພັກຮາກພະແນກສາທາລະນະສຸກແຂວງ, ມີຄະນະພັກ ຄະນະອຳນວຍການໂຮງຮຽນສາທາລະນະສຸກ, ໂຮງຫມໍແຂວງ ແລະ ພະນັກງານພາຍໃນຂົງເຂດ ສາທາລະນະສຸກເຂົ້າຮ່ວມຢ່າງພ້ອມພຽງ.


ກອງປະຊຸມ ທ່ານ ຫຸມພັນ ອີນທະມຸງຄຸນ ກໍໄດ້ຂື້ນກ່າວຈຸດປະສົງຂອງກອງປະຊຸມຄັ້ງນີ້ ກໍ່ເພື່ອເປັນການ ເຜີຍແຜ່ກົດໝາຍວ່າດ້ວຍເອກະສານ ແລະ ເຜີຍແຜ່ຄຳແນະນຳເພີ້ມເຕີມວ່າດ້ວຍການສ້າງແຜນງົບປະມານແຫ່ງລັດ ສະບັບເລກທີ່ 77/ກງຂ ລັດຖະບັນຍັດຂອງປະທານປະເທດເລກທີ 002/ປປທ ວ່າດ້ວຍຄ່າທຳນຽມ ແລະ ຄ່າບໍລິການ ແລະ ລັດຖະບັນຍັດຂອງປະທານປະເທດ ເລກທີ 001/ປປທ, ເຊີ່ງບັນດາເອກະານຕ່າງໆເລົ່ານີ້ ຄະນະພັກ ຄະນະພັກແນກແມ່ນໄດ້ຜັດປ່ຽນກັນຂື້ນສະເໜີ ເພື່ອໃຫ້ພະນັກງານຂົງເຂດ ສາທາລະນະສຸກໄດ້ຮັບຮູ້ ແລະ ເຂົ້າໃຈ ໂດຍສະເພາະແມ່ນການຈັດຕັ້ງປະຕິບັດກົດຫມາຍວ່າດ້ວຍເອກະສານທີ່ຖຶກຕ້ອງ ແລະ ຈັດຕັ້ງຢ່າງເປັນເອກະພາບກັນໃນທົ່ວຫນ້າ ແລະ ໃນໂອກາດນີ້ ຍັງໄດ້ຈັດພິທີມອບໃບຍ້ອງຍໍໃຫ້ແກ່ພະນັກງານທີ່ມີຜົນງານດີເດັ່ນໃນການປະກອບສ່ວນເຂົ້າໃນການພັດທະນາວຽກງານສາທາລະນະສຸກໃນໄລຍະ 1ປີຜ່ານມາ ເຈົ້າແຂວງໆອຸດົມໄຊ ຕົກລົງ ມອບໃບຍ້ອງຍໍ ຈຳນວນ93ໃບໃຫ້ແກ່ພະນັກງານທີ່ມີຜົນງານດີເດັ່ນໃນການປະກອບສ່ວນໃນປົກປັກຮັກສາ ແລະ ສ້າງສາພັດທະນາ ພັດທະນາປະເທດຊາດ ໃນໄລຍະປີຜ່ານມາ.

ພ້ອມນີ້ ຫົວຫນ້າພະແນກສາທາລະນະສຸກແຂວງອຸດົມໄຊຕົກລົງ ເຫັນດີມອບໃບຍ້ອງຍໍ ຈຳນວນ125ໃບ ໃຫ້ແກ່ພະນັກງານລັດຖະກອນທີ່ດີເດັ່ນຕື່ມອີກ ໂດຍແມ່ນຄະນະພັກ ຄະນະພະແນກ ຂື້ນມອບຢ່າງສົມກຽດ

ພາບ-ຂ່າວ: ແສງອາທິດ