ມີເດຍລາວແຂວງສາລະວັນ ພາບ-ຂ່າວ: ສິດຕາ ເພັດວົງສາ
ໃນວັນທີ 1 ກໍລະກົດ 2021 ນີ້, ແຂວງສາລະວັນ ໄດ້ຈັດກອງປະຊຸມປຶກສາຫາລື ຊຸກຍູ້ການຈັດເກັບລາຍຮັບ 6 ເດືອນຕົ້ນປີ ແລະ ທິດທາງ 6 ເດືອນທ້າຍປີ 2021, ຂຶ້ນທີ່ສະໂມສອນແຂວງ, ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ປອ ໂພໄຊ ໄຊຍະສອນ ເຈົ້າແຂວງສາລະວັນ, ທ່ານ ພູທົງ ຄຳມະນີວົງ ຮອງເຈົ້າແຂວງ ຜູ້ຊີ້ນຳວຽກງານເສດຖະກິດຂັ້ນແຂວງ, ມີບັນດາທ່ານຕ່າງໜ້າພະແນການຕ່າງໆໃນຂົງເຂດເສດຖະກິດເຂົ້າຮ່ວມ.

ທ່ານ ຂັນທະລັກ ໂພໄຊ ຫົວໜ້າພະແນກການເງິນແຂວງສາລະວັນ ໄດ້ຜ່ານບົດສະຫຼຸບການຈັດຕັ້ງປະຕິບັດແຜນງົບປະມານຜ່ານມາ, ເຊິ່ງຕາມແຜນປີ 2021 ມີທັງໝົດ 173,04 ຕື້ກີບໃນນັ້ນພູດສູນກາງ 65 ຕື້ກີບພູດຂອງທ້ອງຖິ່ນ 108,04 ຕື້ກີບ, ຜ່ານການຈັດຕັ້ງປະຕິບັດແຜນງົບປະມານແຫ່ງລັດ 6 ເດືອນຕົ້ນປີ ເດືອນທ້າຍປີ 2021 ສາມາດຈັດຕັ້ງປະຕິບັດໄດ້ 54,89 ຕື້ກີບ ເທົ່າກັບ 31,73%, ໃນນັ້ນພູດຂອງສູນກາງປະຕິບັດໄດ້ 12,62 ຕື້ກີບເທົ່າກັບ 40,18%, ລາຍຮັບພູດຂອງທ້ອງຖິ່ນປະຕິບັດໄດ້ 42,22 ຕື້ກີບເທົ່າກັບ 78,26%, ໃນນັ້ນສ່ວຍສາອາກອນປະຕິບັດໄດ້ 37,06 ຕື້ກີບເທົ່າກັບ 74,14%, ຄຸ້ມຄອງຊັບສິນປະຕິບັດໄດ້ 5,14 ຕື້ກິບ ເທົ່າກັບ 131,01%, ຄຸ້ມຄອງລັດວິສາຫະກິດ 63 ລ້ານກວ່າກີບ ເທົ່າກັບ 63,30%, ສຳລັບຂັ້ນແຂວງຄຸ້ມຄອງເກັບໄດ້ 27,80 ຕື້ກີບເທົ່າກັບ 0,26%, ຂັ້ນເມືອງ 14,47 ຕື້ກີບເທົ່າກັບ 0,13%, ດ້ານລາຍຈ່າຍຕາມແຜ່ນມີທັງໝົດ370,35 ຕື້ກີບ, 6 ເດຶອນຕົ້ນປີ 2021 ປະຕິບັດລາຍຈ່າຍໄດ້ທັງໝົດ 181,96 ຕື້ກີບ ເທົ່າກັບ 90,55%, ການດຸ່ນດ່ຽງງົບປະມານຂອງສູນກາງປະຕິບັດໄດ້ 168,79 ຕື້ກີບເທົ່າກັບ 99,96%.

ທິດທາງ 6 ເດຶອນທ້າຍປີຕ້ອງສູ້ຊົນເກັບລາຍຮັບໃຫ້ໄດ້ 52,23 ຕື້ກີບ, ໃນນັ້ນລາຍຮັບພຸດສູນກາງ 13,80 ຕື້ກີບ, ລາຍຮັບພຸທ້ອງຖິ່ນ 38,57 ຕື້ກີບ. ໃນນັ້ນຮັບຈາກສ່ວຍສາອາກອນ 36,27 ຕື້ກີບ, ຮັບຈາກຊັບສິນຂອງລັດ 2,01 ຕື້ກີບ ແລະຮັບຈາກຄຸ້ມຄອງລັດວິສາຫະກິດ 138 ລ້ານກວ່າກີບ, ພ້ອມທັງຄຸ້ມຄອງລາຍຈ່າຍໄປຕາມແຜນທີ່ສະພາຮັບຮອງຄາດຄະເນທັງໝົດມີ 174,15 ຕື້ກີບ ແລະຄາດຄະເນແຜນການດຸດຽງຂອງສູນກາງໃຫ້ໃນ 6 ເດຶອນທ້າຍປີ 2021 ມີປະມານ 139,93 ຕື້ກີບ, ພ້ອມນັ້ນຜູ້ເຂົ້າຮ່ວມກໍ່ໄດ້ປະກອບຄຳຄິດຄຳເຫັນໃສ່ບົດສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດ 6 ເດືອນຕົ້ນປີ ແລະ 6 ເດືອນທ້າຍປີ 2021,

ຈາກທ່ານ ເຈົ້າແຂວງສາລະວັນ ກໍ່ໄດ້ມີຄຳເຫັນໂອ້ລົມຕື່ມອີກ ເປັນຕົ້ນໃຫ້ເອົາໃຈໃສ່ເຜີຍແຜ່ບັນດາເອກະສານຕ່າງໆ ໃນການຈັດເກັບລາຍຮັບໃຫ້ປະຊາຊົນໄດ້ຮັບຮູ້ ແລະເຂົ້າໃຈຕໍ່ລະບຽບຫຼັກການຕ່າງ, ຕ້ານ ແລະສະກັດກັນປະກົດການຫຍໍ້ທໍ້ຕ່າງໃນສັງຄົມ, ເອົາໃຈໃສ່ໃນການເກັບກຳຖານຂໍ້ມູນທີ່ດິນ, ພ້ອມທັງລົງຕົວຈິ່ງໃນການຈັດຕັ້ງປະຕິບັດ, ນອກນັ້ນກໍ່ຕ້ອງມີການວາງແຜນໃນການຈັດຕັ້ງປະຕິບັດ, ມີການກວດກາຕິດຕາມ ແລະລາຍງານ, ທັງນີ້ກໍ່ເພື່ອເຮັດໃຫ້ວຽກງານການຈັດເກັບລາຍຮັບໄດ້ບັນລຸຕາມແຜນການທີ່ວ່າງໄວ້, ໃຫ້ມີຄວາມຖືກຕ້ອງສອດຄ່ອງຕາມລະບຽບຫຼັກການ.