ມີເດຍລາວແຂວງເຊກອງ ຂ່າວ: ແດນວົງວິຈິດ
ໃນຕົ້ນເດືອນ ກໍລະກົດ 2021 ທ່ານ ສົມເພັດ ເອີດລັດດາ ເຈົ້າເມືອງທ່າແຕງແຂວງເຊກອງພ້ອມດ້ວຍຄະນະໄດ້ລົງເຄື່ອນໄຫວຢ້ຽມຢາມ ແລະ ຊຸກຍູ້ວຽກງານຢູ່ບ້ານໂກງຕາຢູນເມືອງທ່າແຕງໂດຍໃຫ້ກຽດຕ້ອນຮັບຢ່າງອົບອຸ່ນຈາກອຳນາດການປົກຄອງບ້ານ ພ້ອມດ້ວຍປະຊາຊົນ.

ໃນພິທີດັ່ງກ່າວ ທ່ານ ອອ່ນຫຼ້າ ວັນສົມ ເລຂາພັກບ້ານໂກງຕາຢູນໄດ້ລາຍງານສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງບ້ານໃນ 6 ເດືອນຕົ້ນປີ 2021 ຜ່ານມານີີ້: ເຊິງເປັນປີທີສອງຂອງການຈັດຕັ້ງການຜັນຂະຫຍາຍມະຕິກອງປະຊຸມໃຫຍ່ຜູ້ແທນອົງຄະນະພັກເມືອງທ່າແຕງຄັ້ງທີ 6 ,ກໍຄືການຈັດຕັ້ງປະຕິບັດແຜນພັດທະນາເສດຖະກິດ – ສັງຄົມຂອງເມືອງ – ບ້ານ 5 ປີ 2020 -2024.

ເຊິ່ງຢູ່ໃນສະພາບການບັນດາປະເທດໃນໂລກ ແລະ ພາກພື້ນກຳລັງປະເຊີນໜ້າກັບສິ່ງທ້າທາຍທີ່ຮັບຜົນກະທົບຢ່າງໜັກໜ່ວງຈາກການແຜ່ລະບາດພະຍາດໂຄວິດ19 ເວົ້າລວມ,ເວົ້າສະເພາະແມ່ນຢູ່ບ້ານໄດ້ຮັບຜົນກະທົບໂດຍກົງຕໍ່ການຂະຫຍາຍຕົວທາງດ້ານເສດຖະກິດ-ສັງຄົມ,ກໍຄືການແກ້ໄຂຄວາມທຸກຍາກ ຂອງປະຊາຊົນບັນດາເຜົ່າພາຍໃນບ້ານເຊິ່ງປະສົບຄວາມຫຍຸ້ງຍາກກັບສະພາບການເກີດມີໄພພິບັດທາງທຳມະຊາດຢ່າງໜັກໜ່ວງຕໍ່ວຽກງານກະສິກຳ ແລະອື່ນໆ ແຕ່ເຖິງຢ່າງໃດກໍຕາມ ດ້ວຍຄວາມເອົາໃຈໃສຊີ້ນຳ-ນຳພາຂອງຄະນະພັກ,ອົງການປົກຄອງບ້ານແມ່ນມີຄວາມຮັບຜິດຊອບ ແລະ ເປັນເຈົ້າການສູງ ເຊິ່ງໄດ້ຮັບຜົນສຳເລັດຫຼາຍດ້ານໂດຍ ເຮັດໃຫ້ບ້ານໂກງຕາຢູນມີສະຖຽນລະພາບທາງດ້ານການເມືອງຢ່າງໜັກແໜ້ນ ໝັ້ນຄົງ,ສັງຄົມມີຄວາມເປັນລະບຽບຮຽບຮ້ອຍ ແລະ ມີຄວາມສະຫງົບ,ເສດຖະກິດມີການຂະຫຍາຍຕົວຢ່າງຕໍ່ເນື່ອງ.

ນອກນີ້,ຍັງໄດ້ຊຸກຍູ້ປະຊາຊົນປັບປຸງ – ຍົກສະມັດຕະພາບການຜະລິດກາເຟ ແລະ ປູກຕົ້ນໄມ້ໃຫ້ໝາກ,ດ້ານວຽກງານພັດທະນາຊົນນະບົດແກ້ໄຂຄວາມທຸກຍາກໄດ້ສຳເລັດການເກັບກຳຂໍ້ມູນ ແລະ ປະເມີນຄວາມທຸກຍາກຕາມດຳລັດ 348 ຂອງລັດຖະບານ ມີຄອບຄົວພົ້ນທຸກ 417 ຄອບຄົວກວມເອົາ 98,58% ແລະ ບ້ານຍັງມີຄອບຄົວທຸກຍາກ 6 ຄອບຄົວ ກວມເອົາ 1,41% ,ລາຍຮັບສະເລຍຂອງຜົນລະເມືອງ 7 ລ້ານກີບ/ຄົນ/ປີ.

ໃນໂອກາດດັ່ງກ່າວ ທ່ານ ສົມເພັດ ເອີດລັດດາ ເຈົ້າເມືອງທ່າແຕງແຂວງເຊກອງກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີຍາດມາໄດ້ໃນໄລຍະຜ່ານມາ ນອກນັ້ນທ່ານຍັງໄດ້ຮຽກຮ້ອງໃຫ້ອຳນາດການປົກຄອງບ້ານ ,ຕ້ອງສຸມໃສ່ແກ້ໄຂບັນຫາປະກົດການຫຍໍ້ທໍ້ໃນສັງຄົມ,ເປັນຕົ້ນການມົ້ວສຸມສິ່ງເສບຕິດ,ແກ້ໄຂຊີວິດການເປັນຢູ່ຂອງປະຊາຊົນ,ຫັນການຜະລິດໃຫ້ກາຍເປັນສິນຄ້າເພື່ອສ້າງລາຍຮັບໃນຊິວິດປະຈຳວັນ,ການປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ມີຄວາມເປັນລະບຽບຮຽບຮ້ອຍເພື່ອຕ້ານປະກົດການຕ່າງໆພາຍໃນບ້ານ,ເພີ່ມທະວີການສະກັດກັ້ນຕ້ານການແຜ່ລະບາດຂອງພະຍາດໂຄວິດ-19,ໂດຍເລັ່ງໃສ່ການກວດກາຄົນເຂົ້າ – ອອກພາຍໃນຢ່າງເຂັ້ມງວດ.