ມີເດຍລາວແຂວງອດົມໄຊ ຂ່າວ ແສງອາທິດ ກວດແກ້: ອ່ຽງຄຳ ວິລະສັກ
ມະຕິກອງປະຊຸມໃຫ່ຍ ຄັ້ງທີ XI ຂອງພັກ ແລະ ມະຕິກອງປະຊຸມໃຫ່ຍ ຄັ້ງທີ IX ຂອງອົງຄະນະພັກແຂວງອຸດົມໄຊ ໄດ້ເຜີຍແຜ່ ແລະ ເຊື່ອມຊຶມ ຢູ່ທຸກຂົງເຂດ ເພື່ອໃຫ້ພະນັກງານລັດຖະກອນໄດ້ຮັບຮູ້ ແລະເຂົ້າໃຈແຈ້ງເຖິງ ຈຸດປະສົງ ແລະ ລະດັບຄາດໝາຍຂອງພັກເຮົາໄດ້ວາງໄວ້.

ວັນທີ 6 ກໍລະກົດນີ້ ພະນັກງານ ຄູ-ອາຈານ ທີ່ຂຶ້ນກັບ ພະແນກສຶກສາທິການ ແລະ ກິລາ ແຂວງອຸດົມໄຊ ໄດ້ເຊື່ອມຊຶມ ແລະ ຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກ ແຂວງອຸດົມໄຊ ທີ່ສະໂມສອນໂຮງຮຽນມັດທະຍົມສົມບູນແຂວງ. ເປັນກຽດເຂົ້າຮ່ວມມີ ສະຫາຍ ຄຳພຽງ ຢາຈົງວາ ຮອງເລຂາພັກແຂວງ, ຜູ້ຊີ້ນຳວຽກງານພັກ-ພະນັກງານ, ສະຫາຍ ສົມສັກ ສຸພິໄລ ກຳມະການພັກແຂວງ, ຫົວໜ້າພະແນກສຶກສາທິການ ແລະ ກິລາ, ມີ ພະນັກງານ ຄູ-ອາຈານ ຈາກໂຮງຮຽນ ພາກລັດ ແລະ ເອກະຊົນ ເຂົ້າຮ່ວມຢ່າງຫຼວງຫຼາຍ.

ການເຊື່ມຊຶມ ເພື່ອເຮັດໃຫ້ພະນັກງານ ຄູ-ອາຈານ ໄດ້ຮັບຮູ້ເຊື່ອມຊຶມຢ່າງກວ້າງຂວາງ, ເລິກເຊິ່ງ ແລະ ນຳໄປຈັດຕັ້ງປະຕິບັດໃຫ້ເກີດຜົນເປັນຈິງ ສືບຕໍ່ສ້າງການຫັນປ່ຽນທາງດ້ານແນວຄິດ ຈິນຕະນາການຢ່າງແຂງແຮງ, ສ້າງຄວາມເປັນເອກະພາບ ແລະ ຄວາມຕັດສິນໃຈສູງແຕ່ຫົວທີ ເພື່ອເສີມຂະຫຍາຍສະຕິປັນຍາ, ຫົວຄິດປະດິດສ້າງ, ສ້າງຄວາມເຂົ້າໃຈ, ຮັບຮູ້ ກ່ຽວກັບການຫັນປ່ຽນໃໝ່, ເປັນບ່ອນອິງໃຫ້ແກ່ຄະນະພັກແຕ່ຂັ້ນສູນກາງລົງຮອດທ້ອງຖິ່ນ ໃນການຜັນຂະຫຍາຍມະຕິກອງປະຊຸມໃຫ່ຍ ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມ ແຫ່ງຊາດ ຄັ້ງທີ IX ໃຫ້ເປັນແຜນງານ, ໂຄງການອັນລະອຽດ, ແນໃສ່ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະຮອບດ້ານ ໃນທຸກຂົງເຂດວຽກງານການພັດທະນາວຽກງານສຶກສາທິການ ແລະ ກິລາ ຕາມແຜນພັດທະນາເສດຖະກິດ-ສັງຄົມ ແຫ່ງຊາດ 5ປີ ຄັ້ງທີ VIII ຂອງແຂວງອຸດົມໄຊ ໄດ້ຮັບການພັດທະນາຕໍ່ເນື່ອງ ສາມາດບັນລຸໄດ້ຕາມແຜນ ມີອັດຕາການເຂົ້າຮຽນເດັກອາຍຸ 5ປີ ໃນການສຶກສາກ່ອນໄວຮຽນບັນລຸ 82,7%, ອັດຕາການເຂົ້າຮຽນສຸດທິຂອງຊັ້ນປະຖົມບັນລຸ 99% ແລະ ມວນຊົນທຸກເພດໄວ ໄດ້ເຂົ້າຮ່ວມຫຼິ້ນກິລາ, ກາຍະກຳ ບັນລຸ 30% ຂອງພົນລະເມືອງທັງໝົດ.