ມີເດຍລາວແຂວງຈຳປາສັກ ພາບ,ຂ່າວ ຈັນທອນ ກົມໄຊຊະນະ ຖວທ ນະຄອນປາກເຊ
ໃນຄັ້ງວັນທີ 5-7 ກໍລະກົດ 2021 ສະມາຊິກສະພາແຫ່ງຊາດ ຊຸດທີ 9 ແລະ ສະມາຊິກສະພາປະຊາຊົນແຂວງ ຊຸດທີ 2 ລົງເຄື່ອນໄຫວພົບປະຜູ້ມີສິດເລືອກຕັ້ງປະຈຳເຂດເລືອກຕັ້ງ ນະຄອນປາກເຊ ໃນນັ້ນໄດ້ລົງພົບປະ ກຳລັງ ປກສ ນະຄອນ, ວິທະຍາໄລເຕັກຕິກ-ວິຊາຊິບແຂວງ, ບ້ານ ປາກເຊ, ບ້ານ ຫຼັກເມືອງ, ສຳນັກງານນະຄອນປາກເຊ ເຊີ່ງນຳໂດຍທ່ານ ສາຍທອງ ໄຊຍະວົງ ປະທານ ສະພາປະຊາຊົນແຂວງ ສະມາຊິກສະພາແຫ່ລຊາດປະຈຳເຂດເລືອກຕັ້ງທີ 15, ມີທ່ານ ຄຳປະຈັກ ແກ້ວພູວົງ ສະມາຊິກສະພາປະຊາຊົນແຂວງ, ມີທ່ານ ນາງ ບຸນເຮືອງ ແຄຣດໍດິດດັງ ສະມາຊິກສະພາປະຊາຊົນ ແຂວງ, ໃຫ້ກຽດຕ້ອນຮັບໂດຍທ່ານ ບົວລີ ເພັດສົງຄາມ ເຈົ້ານະຄອນປາກເຊ, ພ້ອມດ້ວຍ ການນຳຂອງນະຄອນ ກຳລັັງ ປກສ , ປກຊ , ພະນັກງານ, ອຳອາດການປົກຄອງບ້ານ, ຄູ,ອາຈານ,ນັກສືກສາ, ປະຊາຊົນຜູ້ມີສິດເລືອກຕັ້ງເຂົ້າຮ່ວມ

ການລົງມາພົບປະຜູ້ມີສິດເລືອກຕັ້ງປະຈຳເຂດນະຄອນປາກເຊເພື່ອເປັນການເຜີຍ ແຜ່ຜົນສຳເລັດກອງປະຊຸມຄັ້ງປະຖົມມະລືກຂອງສະພາແຫ່ງຊາດຊຸດທີ 9 ແລະ ກອງປະ ຊຸມຄັ້ງປະຖົມມະລືກ ກອງປະຊຸມສະພາປະຊາຊົນແຂວງ ຊຸດທີ 2 , ກອງປະຊຸມຄັ້ງປະຖົມມະລືກຂອງສະພາແຫ່ງຊາດຊຸດທີ 9 ໄດ້ໄຂຂື້ນຢ່າງເປັນທາງການໃນຄັ້ງວັນທີ 22 ມີນາ 2021 ແລະ ໄດ້ອັດລົງດ້ວຍຜົນສຳເລັດອັນຈົບງາມໃນຄັ້ງວັນທີ 26 ມີນາ 2021

ໃນກອງປະຊຸມບັນດາສະມາຊິກສະພາແຫ່ງຊາດ ກໍ່ໄດ້ຜັນປ່ຽນປະກອບຄຳຄິດ-ຄຳເຫັນ ພ້ອມທັງຍົກໃຫ້ເຫັນບັນຫາຕ່າງໆໃນທ້ອງຖີ່ນຂອງຕົນ ໂດຍສະເພາະບັນຫາພົ້ນເດັ່ນປາກົດການຫຍໍ້ທໍ້ຕ່າງໆ ຕາມການສະເໜີຂອງພົນລະເມືອງ ເພື່ອມາສົມທຽບພ້ອມທັງນຳມາສະເໜີດ້ວຍບັນຍາກາດທີ່ສ້າງສັນແລະ ຟົດຟື້ນ ແລະ ມີເນື້ອໃນອຸດົມສົມບູນ ແລະ ເປັນການລົງສູ່ທ້ອງຖີ່ນຮາກຖານ ຕິດພັນກັບການຜັນຂະຫຍາຍແນວທາງນະໂຍບາຍຂອງ ພັກ – ລັດ ໃນທຸກຂົງເຂດວຽກງານຕ່າງໆ ຮັບປະ ກັນການ ປະຕິບັດພາລະບົດບາດ, ສິດ ແລະ ໜ້າທີ່ໃນການເປັນຕົວແທນແຫ່ງສິດຜົນປະໂຫຍດ ແລະ ຄວາມມຸ້ງມາດປາດຖະໜາຂອງປະຊາຊົນບັນດາເຜົ່າ, ຢ້ຽມຢາມຖາມຂ່າວເກັບກຳຄຳຄິດ,ຄຳເຫັນ ຄຳສະເໜີ ຂອງພໍ່ແມ່ປະຊາຊົນຜູ້ມີສິດເລືອກຕັ້ງເຂົ້າສູ່ສະພາແຫ່ງຊາດ ແລະ ສະພາປະຊາຊົນ