ຫວ່າງມໍ່ໆ ມານີ້ສື່ໄທ ໂດຍສະເພາະໂທລະພາບໄທບາງຊ່ອງອອກຂ່າວໃນລັກສະນະວິຈານໂຄງການທາງລົດໄຟລາວ-ຈີນ ຕໍ່ກັບເລື່ອງນີ້ຢາກໃຫ້ຜູ້ອ່ານເຂົ້າໃຈວ່າ: ປະເທດໄທແມ່ນລະບອບນາຍທຶນ ສະນັ້ນຂ່າວກໍ່ເປັນສິນຄ້າ ຢາກຂາຍຂ່າວໄດ້ກະຕ້ອງເຮັດທຸກຢ່າງໂດຍບໍ່ຄຳນຶງເຖີງຈັນຍາທຳວິຊາຊີບ. ເບີ່ງແມ໋ຢູ່ປະເທດເຂົາວຸ້ນວາຍສາຍສະໝອນກໍ່ແມ່ນພວກນັກຂ່າວນີ້ລະ! ເປັນຕົວການສ້າງບັນຫາ; ປຸກປັ່ນໃຫ້ມີເລື່ອງແຕກແຍກກັນໃນສັງຄົມແບບເອົາໂຕລອດເປັນຍອດດີ.

ທ່ານ ກາກມາກ ນັກທິດສະດີຜູ້ຍີ່ງໃຫຍ່ຂອງໂລກໃນເວລາເພີ່ນຂຽນປື້ມເລື່ອງທຶນ ເພີ່ນໄດ້ເວົ້າວ່າ: ລັດທິທຶນນິຍົມແມ່ນຜີດູດເລືອດ ຍີ່ງດູດເລືອດ ຍີ່ງເຂັ້ມແຂງ. ສະນັ້ນ ນັກຂ່າວທຶນນິຍົມໂດຍສະເພາະໄທ ບາງຄົນບໍ່ມີຈັນຍາບັນ-ຈັນຍາທຳຫັຍງໝົດ ໃນທາງກົງກັນຂ້າມກໍ່ມີຂ່າວບາງຊ່ອງກໍ່ເວົ້າດີ ເວົ້າຄວາມເປັນຈີງຂອງການສ້າງສາພັດທະນາຂອງປະເທດເຮົາ.

ສະນັ້ນ ຈີ່ງຢາກເຕືອນຜູ້ເສບຂ່າວຈາກໂທລະພາບໄທ ທັງຫຼາຍວ່າ: ຢ່າໃສ່ໃຈແຫຼ່ງຂ່າວທີ່ເຂົາເວົ້າເຖີງທາງລົດໄຟລາວ-ຈີນ ຫຼື ເລື່ອງຕ່າງໆ ນາໆ ກ່ຽວກັບປະເທດເຮົາ ເພາະເຂົາຢາກສ້າງກະແສ ຄັນຄົນລາວຮືດຂື້ນລະແມ່ນເຂົາດີໃຈ ເຂົາມີຈຸດປະສົງບໍ່ຢາກໃຫ້ສາຍສຳພັນລາວ-ໄທ ດີຂື້ນ. ຕິດຕາມເບີ່ງຈັກໜ່ອຍມັນກໍ່ເຂົ້າໄປຂໍໂທດຢູ່ສະຖານທູດແລ້ວເລື່ອງກໍ່ມິດໄປ.

ຢາກໃຫ້ເພື່ອນຜູ້ອ່ານໄດ້ອ່ານບົດທີ່ລົງພິມໃນ “ມີເດຍລາວ” ພວກເຮົາ ສະບັບວັນທີ 6/7/2021 ໃນຫົວຂໍ້: “ຜົນປະໂຫຍດທີ່ແທ້ຈີງຂອງເສັ້ນທາງລົດໄຟລາວ-ຈີນ ແມ່ນຫັຍງ?” ກໍ່ຄືບົດຂຽນຂອງຫຼາຍທ່ານທີ່ທະຍ່ອຍອອກໃນໜ້າເຟສບຸກ ຈື່ງເຂົ້າໃຈແຈ້ງກ່ຽວກັບເລື່ອງນີ້.

ຢ່າໃສ່ໃຈແຫຼ່ງຂ່າວໂທລະພາບໄທ! ປ່ອຍມັນໄປຕາມກຳແລ້ວກຳຊິສະໜອງດອກ.

ນັກຂ່າວອາວຸໂສ