ມີເດຍລາວແຂວງຫຼວງນ້ຳທາ ຂ່າວ: ສົມພອນ ຂຸນດາວົງ ວັນທີ 8 ກໍລະກົດ 2021ນີ້ຢູ່ທີ່ສະໂມສອນແຂວງຫຼວງນໍ້າທາໄດ້ມອບ-ຮັບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ ໃຫ້ 4 ໜ່ວຍພັກທີ່ຂື້ນກັບຄະນະພັກຮາກຖານພະແນກການເງີນແຂວງຫຼວງນນໍ້າທາປະຈຳປີ 2020,ເຂົ້າຮ່ວມໂດຍ ສະຫາຍ ພົມມະສຸກ ວິໄລກຸນ ກໍາມະການປະຈໍາພັກແຂວງ ຫົວໜ້າຄະນະຈັດຕັ້ງແຂວງຫຼວງນໍ້າທາ,ມີເລຂາໜ່ວຍພັກ-ຮອງເລຂາໜ່ວຍພັກ 4 ໜ່ວຍ,ເລຂາໜ່ວຍພັກອ້ອມຂ້າງ ແລະ ສະມາຊິກພັກເຂົ້າຮ່ວມ.

ສະຫາຍ ກ້ອນແສງ ຄັນທະວົງ ຮອງເລຂາຄະນະພັກຮາກຖານພະແນກການເງີນແຂວງຫຼວງນໍ້າທາ ເລຂາໜ່ວຍພັກສ່ວຍສາອາກອນແຂວງໃຫ້ຮູ້ວ່າ: ຄະນະພັກຮາກຖານພະແນກການເງິນແຂວງ ປະກອບດ້ວຍ 4 ໜ່ວຍພັກ ທີ່ຂື້ນກັບຄື: ໜ່ວຍພັກພະແນກການເງິນແຂວງ ຄັ້ງທີ III ຮອບທີ III , ໜ່ວຍພັກສ່ວຍສາອາກອນປະຈໍາແຂວງ ຄັ້ງທີ III ຮອບທີ III, ໜ່ວຍພັກຄັງເງິນແຫ່ງຊາດປະຈໍາແຂວງ ຄັ້ງທີ III ຮອບທີ III ແລະ ໜ່ວຍພັກກອງຄຸ້ມຄອງພາສີ 1 ຄັ້ງທີ II ຮອບທີ II, ມີສະມາຊິກພັກທັງໝົດ 100 ສະຫາຍ, ຍິງ 34 ສະຫາຍ, ສະມາຊິກພັກສໍາຮອງ 7 ສະຫາຍ, ຍິງ 4 ສະຫາຍ.

ພາຍໃຕ້ການຊີ້ນຳ-ນຳພາໂດຍກົງ ຂອງຄະນະປະຈໍາພັກແຂວງ ທາງດ້ານການ ເມືອງ-ແນວຄິດ, ແບບແຜນວິທີເຮັດວຽກ, ສາຍຕັ້ງຂື້ນກັບກະຊວງການເງິນໃນການຄຸ້ມຄອງລາຍຮັບ-ລາຍຈ່າຍງົບປະມານຕາມສະພາແຫ່ງຊາດ ກໍ່ຄືສະພາປະຊາຊົນແຂວງ.ຕີລາຄາການຈັດຕັ້ງປະຕິບັດການກໍ່ສ້າງໜ່ວຍພັກປອດໃສ, ເຂັ້ມ ແຂງ, ໜັກແໜ້ນ,ຄະນະໜ່ວຍພັກ ທັງ 4 ໜ່ວຍພັກ ໄດ້ເອົາໃຈໃສ່ຕໍ່ວຽກງານການເມືອງ, ເຊື່ອມຊຶມບັນດາແນວທາງແຜນນະໂຍບາຍຂອງພັກ ເປັນຕົ້ນແມ່ນ ຄຳແນະນຳ ຂອງຄະນະຈັດຕັ້ງສູນກາງພັກ ສະບັບເລກທີ 291/ຄຈສພ, ລົງວັນທີ 26 ເມສາ 2018 ກ່ຽວກັບການຈັດຕັ້ງປະຕິບັດຄໍາສັ່ງ ຂອງກົມການເມືອງສູນກາງພັກວ່າດ້ວຍການ ເພີ່ມທະວີກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ເຮັດໃຫ້ສະມາຊິກັກໄດ້ຮັບຮູ້ ເຂົ້າໃຈຕໍ່ວຽກງານຢ່າງເລິກ ເຊິ່ງ, ແຕ່ລະໜ່ວຍພັກຍັງໄດ້ເປີດບັ້ນດໍາເນີນຊີວິດການເມືອງ ຂອງຕົນ.

ຄະນະພັກຮາກຖານ, ບັນດາໜ່ວຍພັກທີ່ຂື້ນກັບ ໄດ້ຍຶດໝັ້ນ 5 ຫຼັກການ, 3 ທິດນໍາໃນການກໍ່ສ້າງ ແລະປັບປຸງພັກ, ໄດ້ສົມທົບກັບຂັ້ນເທິງ ປັບປຸງກົງຈັກການຈັດຕັ້ງຂອງແຕ່ລະໜ່ວຍພັກໃຫ້ມີຄວາມໜັກ ແໜ້ນ, ເຂັ້ມແຂງ ເພື່ອນຳພາທຸກຂົງເຂດວຽກງານຕາມຄວາມຮັບຜິດຊອບ,ປະສານກັບອົງ ການປົກຄອງແຕ່ລະຂັ້ນຕາມສາຍຕັ້ງ-ສາຍຂວາງ ຄົ້ນຄວ້າສັບຊ້ອນວຽກລັດ ພາຍໃນຂະແໜງການເງິນບາງຕຳ ແໜ່ງງານທີ່ເຫັນວ່າມີຄວາມຈຳເປັນ ແລະ ດ້ານລາຍຮັບງົບປະມານລວມທັງສູນກາງ ແລະ ທ້ອງຖິ່ນ, ແຜນການປີ 2020 ຈໍານວນ 496,863 ກີບ, ແຜນດັດແກ້ 367,971 ຕື້ກີບ, ປະຕິບັດໝົດ ປີ 2020ໄດ້ 395,849 ຕື້ກີບ ເທົ່າກັບ 79,67% ຂອງແຜນ ການປີ, ເທົ່າກັບ 107,58% ຂອງແຜນດັດແກ້.

ທຽບໃສ່ໄລຍະດຽວ ຂອງປີຜ່ານມາ ຫຼຸດລົງ 20,02% ໃນນີ້ລາຍຮັບພູດສູນກາງ ແຜນການປີ 353,663 ຕື້ກີບ, ແຜນດັດແກ້ 254,213 ຕື້ກີບ,ປະຕິບັດໝົດປີ2020 ໄດ້ 299,117 ຕື້ກີບ, ເທົ່າກັບ 117,66% ຂອງແຜນດັດແກ້ທຽບໃສ່ໄລຍະດຽວຂອງປີຜ່ານມາ ຫຼຸດລົງ 17,26%,ລາຍຮັບພູດທ້ອງຖີ່ນ ແຜນການປີ 143,200 ຕື້ກີບ, ແຜນດັດແກ້ 113,758 ຕື້ກີບ, ປະຕິບັດໝົດປີ 2020 ໄດ້ 96,732 ຕື້ກີບ, ເທົ່າກັບ 85,03% ຂອງແຜນດັດແກ້, ທຽບໃສ່ໄລຍະດຽວ ຂອງປີຜ່ານມາຫຼຸດລົງ27,49% ແລະ ວຽກງານກໍ່ສ້າງພັກແມ່ນໄດ້ເອົາໃຈໃສ່ກໍ່ສ້າງພັກໃຫ້ມີຄວາມໜັກແໜ້ນ ໂດຍແນໃສ່ເຮັດໃຫ້ສະມາ ຊິກພັກແຕ່ລະສະຫາຍໃຫ້ມີຄວາມເຂັ້ມແຂງ, ເປັນແບບຢ່າງໃຫ້ແກ່ມະຫາຊົນ ໄດ້ຖືເອົາການຮ່ວມຊີວິດປະຈໍາເດືອນ, ດຳເນີນຊີວິດການເມືອງເປັນການສຳຫຼວດກວດກາ, ຕຳນິສົ່ງຂ່າວເຊິ່ງກັນ ແລະ ກັນ, ການຂະຫຍາຍພັກແມ່ນປະຕິບັດຕາມຂັ້ນຕອນຂອງລະບຽບການ ໂດຍເນັ້ນໃສ່ຄຸນນະພາບເປັນກົກ, ເຊິ່ງໄດ້ເລື່ອນສະມາຊິກພັກສໍາຮອງ ຂື້ນສົມບຸນ 7 ສະຫາຍ, ຍິງ 3 ສະຫາຍ, ຮັບມະຫາຊົນກ້າວໜ້າເຂົ້າພັກສຳຮອງ 7 ສະຫາຍ, ຍິງ 4 ສະຫາຍ, ຮຽນກົດລະບຽບພັກແລ້ວ 5 ສະຫາຍ,ຮຽນສະນັບສະໜູນແລ້ວ 2 ສະຫາຍ.

ໂອກາດນີ້ສະຫາຍ ສິດທິພອນ ສຸວັນດີ ຮອງຫົວໜ້າຂະແໜງຈັດຕັ້ງບໍລິຫານກໍ່ໄດ້ຜ່ານມະຕິຕົກລົງຂອງຄະນະປະຈຳພັກແຂວງ ເລກທີ 11/ຄປພຂ ລົງວັນທີ 9 ມີນາ 2021 ວ່າດ້ວຍການຮັບຮອງເອົາໜ່ວຍພັກປອດໃສ ເຂັ້ມແຂວງ ໜັກແໜ້ນ ປະຈຳປີ 2020.ໃຫ້ກຽດມອບໃບຢັ້ງຢືນໜ່ວຍພັກ ປອດໃສ ເຂັ້ມແຂງ ໜັກແໜ້ນ ໃຫ້ 4 ໜ່ວຍພັກທີ່ຂື້ນກັບຄະນະພັກຮາກຖານພະແນກການເງີນແຂວງຫຼວງນ້ຳທາໂດຍສະຫາຍ ພົມມະສຸກ ວິໄລກຸນ ກຳມະການປະຈຳພັກແຂວງ ຫົວໜ້າຄະນະຈັດຕັ້ງແຂວງຫຼວງນ້ຳທາ, ຮັບໂດຍເລຂາໜ່ວຍພັກ 4 ໜ່ວຍພັກ.ໂອກາດນີ້ ສະຫາຍ ພົມມະສຸກ ວິໄລກຸນ ກໍາມະການປະຈໍາພັກແຂວງ ຫົວໜ້າຄະນະຈັດຕັ້ງແຂວງຫຼວງນໍ້າທາກໍ່ໄດ້ໂອ້ລົມກ່ອນອື່ນ ທ່ານໄດ້ຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໜື່ງປີຜ່ານມາພ້ອມທັງໄດ້ເນັ້ນໜັກໃຫ້ພະນັກງານສະມາຊິກພັກກໍາແໜ້ນຕໍ່ແນວທາງນະໂຍບາຍຂອງພັກ-ລະບຽບກົດໝາຍຂອງລັດ,ຮັກສາມູນເຊື້ອການນຳພາທີ່ມີຜົນສຳເລັດ,ເຮັດໃຫ້ສັງຄົມມີຄວາມຍ້ອມຮັບໃນການປະຕິບັດໜ້າທີ່ວຽກງານທີ່ມີຄວາມໂປ່ງໃສ,ຕີຕ້ານປະກົດການຫຍໍ້ທໍ້ໃນສັງຄົມ,ຕີຕ້ານການສໍ້ລາດບັງຫຼວງ,ປະຕິບັດຕາມສິດ ແລະ ໜ້າທີ່ວິຊາສະເພາະໃຫ້ມີຄວາມຮັບຜິດຊອບທັງມີຄູນນະພາບ.