ຕອນເຊົ້າຂອງວັນທີ 8 ກໍລະກົດ 2021ໄດ້ຮັບຟັງປະຫັວດຄວາມເປັນມາ ແລະ ບັນຫາຜົນກະທົບຂອງການຈັດງານປະເພນີ ຢູ່ແຂວງຜົ້ງສາລີ ທ່ານ ທອງສະຫວັນ ທຳມະວົງ ກຳມະການພັກແຂວງ ປະທານແນວລາວສ້າງຊາດ ແຂວງຜົ້ງສາລີ ເປັນປະທານໄດ້ເຜີຍແຜ່ປະຫັວດຄວາມເປັນມາ ແລະບັນຫາຜົນກະທົບຂອງແຂວງ ແລະ ທ່ານຄຳດີ ມະນີວົງ ຮອງພະແນກ ຖວທ ແຂວງຜົ້ງສາລີ ໄດ້ຂື້ນຜ່ານຂໍ້ຫ້າມ ຂອງພະນັກງານ-ລັດຖະກອນ

ໃນພິທີດັ່ງກ່າວໄດ້ຮັບຟັງຄວາມສຳນືກກຽ່ວກັບງານປະເພນີ: ງານປະເພນີ ແມ່ນສາມັນສຳນືກ ກຽ່ວກັບຮີດຄອງທີ່ເປັນຄ່ານິຍົມໃນການເຊື່ອຖືຂອງບັນດາເຜົ່າ ທີ່ສືບເນື່ອງກັນມາຂອງບັນພະບູລຸດຢ່າງຍາວນານທີ່ຕີດແໜ້ນກັບຊີວິດ,ຈິດໃຈ ແລະ ການດຳລົງຊີວີດຂອງສັງຄົມມະນຸດແຕ່ລະຊາດ ແຕ່ລະເຜົ່າ ແລະ ແຊງຊົນເຜົ່າຕ່າງຯ ປະເພນີບັນດາເຜົ່າຊາວຜົ້ງສາລີເຄີຍເຊື່ອຖືກັນມາຮອດປະຈຸບັນລວມມີ: ງານດອງ, ງານສູ່ຂໍ, ການສະຫຼອງພຣະທາດເຈດີ, ງານສົມໂພດພະພຸດທະຮູບ, ງານຂື້ນເຮືອນໃຫມ່, ງານອອກຄຳເດື່ອນ, ງານບາສີສູ່ຂວັນ, ງານສູມມາຄາລະວະ, ງານທານຜາສາດ, ງານສະຫຼອງວັນປີໃຫມ່, ງາມສົມໂພດພະສົງ, ງານໄຫວປ່າສ້າ (ຊາງຟືນ/ຕູ້ຟືນ) ງານສົງສະການ ແລະ ງານແກ້ເຄາະ

ມາຮອດປະຈຸບັນມີງານໃຫມ່ເກີດຂື້ນຕືີ່ມເຊັ່ນ: ງານວັນເກີດ, ການຕໍ່ອາຍຸ, ງານດອງນ້ອຍ, ວັນຄົບຮອບວັນແຕ່ງງານ, ງານນູ່ງເຄື່ອງເປັນແກ້ງ ແລະ ອື່ນຯ ໂດຍເອົາງານຂອງຊາດອື່ນມາໃຊ້ ພ້ອມກັນນັ້ນຍັງພາກັນສົ່ງເສີມແຕ່ລະງານໃຫ້ໃຫຍ່ຂຶ້ນສ້າງຄ່າສີ້ນເປືອງທາງດ້ານເງີນຄຳ, ວັດຖຸ ແລະ ວັນ-ເວລາ ກາຍໂມງເວລາຂາດວຽກງານກາຍມາເປັນປະກົດການຫຍໍ້ທໍ້ໃນສັງຄົມ ເຊັ່ນ: ອາດຍາສິດ, ສໍ້ລາດບັງຫຼວງ, ຄ້າຂາຍເຖື່ອນ, ການຕິດໜີ້ຕິດສີນ, ຂີ້ລັກງັດແງະ, ການຫລີ້ນກີນຟູມເຟືອຍ ແລະ ອື່ນຯ ມີການຈຳແນກຊົນເຜົ່າ ຖານະບັນດາສັກ.

ໂດຍເຫັນໄດ້ສະພາບບັນຫາ ແລະ ຜົນສະທ້ອນດັ່ງກ່າວທັດສະນະຄະນະພັກ-ອົງການປົກຄອງແຂວງແມ່ນຢາກໃຫ້ສືບສານຮີດຄອງປະເພນີອັນດີງາມຂອງປູ່ຍ່າຕາຍາຍທີ່ມີລັກຊະນະປະຢັດ ແຕ່ມີເນຶ້ອໃນຄົບຖ້ວນສົມບູນ ຂໍ້ສະເໜີໂດຍຫຍໍ້ມະຕິເລກທີ 25 /ກມສພ, ລົງວັນທີ 17 ພຶດສະພາ 2021 ວ່າດ້ວຍການເພີ່ມທະວີການນຳພາຂອງພັກ ຕໍ່ກັບວຽກງານວັດທະນະທຳໃນໄລຍະໃຫມ່.

ຄຳວ່າວັດທະນະທຳແມ່ນບັນດາຄູນທາດວັດຖຸ ແລະ ຈິດໃຈທີ່ມວນມະນຸດປະດິດສ້າງຂື້ນໃນຂະບວນວິວັດແຕ່ໄລຍະປະຫວັດສາດແຫ່ງການກຳເນີດເກີດ, ຄົງຕົວ ແລະ ຂະຫຍາຍຕົວຂອງສັງຄົມມະນຸດວັດທະນະທຳແມ່ນຄຸນສົມບັດ ຕ້ອງພ້ອມກັນຮັກສາວັດທະນະທຳແມ່ນຫນ້າທີ່ຂອງທົ່ວສັງຄົມ, ອົງການພັກ, ອົງການລັດ, ອົງການຈັດຕັ້ງມະຫາຊົນ, ອົງການຈັດຄັ້ງສັງຄົມ ແລະ ອົງການຈັດຕັ້ງກ່ຽວຂ້ອງ ລວມທັງຫົວໜ່ວຍຜະລິດທຸລະກິດ, ຄອບຄົວ, ຊັ້ນຄົນຕ່າງຯ ວັດທະນະທຳຂອງຊາດເຮົາໃຫ້ມີຄວາມເຂັ້ມແຂງ,ທັນສະໄໝດັ່ງຄຳຂັວນທີ່ວ່າ: (ວັດທະນະທຳບອກຊາດ ມາລະຍາດບອກຕະກູນ) ຂໍ້ຫ້າມຂອງພະນັກງານ-ລັດຖະກອນ ທີ່ໄດ້ກຳນົດໄວ້ໃນກົດໝາຍວ່າດ້ວຍພະນັກງານລັດຖະກອນລວມມີ 8 ຂໍ້ຫ້າມ ຂໍ້ຫ້າມສະມາຊິກພັກປະຊາຊົນປະຕິວັດລາວສະໄໝທີ່ Xl ມາດຕາ 6 ຂໍ້ຫ້າມຂອງສະມາຊິກພັກລວມມີ 11 ຂໍ້ຫ້າມ.

ກອງປະຊຸມໄດ້ດຳເນີນເປັນເວລາ 1 ຕອນ ໃນນີ້ມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ຫົວຫນ້າຫ້ອງການ, ອາດີດການນຳ, ພະນັກງານບຳນານຕະຫລອດຮອດ ປກສ-ປກຊ ເຂົ້າຮ່ວມ ນອກຈາກນີ້ຄະນະປະຈຳ, ອາດີດການນຳຍັງໄດ້ປະກອບຄຳຄີດເຫັນຢ່າງເປັນຂະບວນຟົດຟື້ນພ້ອມກັນໃຊ້ສິດຂອງຕົນກຳນົດເອົາການຈັດງານປະເພນີຕ່າງຯ ເພືຶ່ອເປັນບ່ອນອີງຂໍ້ກຳນົດໃຫ້ຖືີກຕ້ອງສອດຄອ່ງກັບປະເພນີຊາດລາວເຮົາໃຫ້ໝັ້ນຄົງຕະຫລອດໄປ.

ພາບ-ຂ່າວ: ນາງຄຳຫລ້າ ຫ້ອງການ ຖວທ ເມືອງໃຫມ່ ແຂວງຜົ້ງສາລີ