ມີເດຍລາວແຂວງຫຼວງພະບາງ ຂ່າວ: ເມືອງຈອມເພັດ. ກອງປະຊຸມໃນຄັ້ງນີ້ ແມ່ນໄດ້ຮັບຟັງການເຜີຍແຜ່ມະຕິກອງປະຊຸມໃຫຍ່ທົ່ວປະເທດຄັ້ງທີ Xl ຂອງສູນກາງພັກ ແລະ ມະຕິກອງປະຊຸມໃຫຍ່ຄັ້ງທີ V ຂອງຄະນະພັກກະຊວງປ້ອງກັນປະເທດ ມີເນື້ອໃນຕົ້ນຕໍ ແລະ ວຽກງານຈຸດສຸມທີ່ຕ້ອງໄດ້ເອົາໃຈໃສ່ຊີ້ນຳ-ນຳພາ ໃນແຕ່ລະຂົງເຂດວຽກງານ ຕາມຄວາມຮັບຜິດຊອບ ຕິດພັນກັບການເສີມຂະຫຍາຍຄວາມເປັນເຈົ້າການຂອງຕົນ

ທັງນີ້ກໍເພື່ອແນ່ໃສ່ໃຫ້ຄະນະພັກທຸກຂັ້ນ ມີຄວາມຮັບຮູ້ ແລະ ເຂົ້າໃຈແຈ້ງຕໍ່ເນື້ອໃນຈິດໃຈຂອງເອກະສານ ພ້ອມທັງນຳໄປຈັດຕັ້ງຜັນຂະຫຍາຍເນື້ອໃນດັ່ງກ່າວ ໃຫ້ເປັນແຜນງານໂຄງການ ແລະ ແທດເໝາະກັບໜ້າທີ່ວຽກງານຂອງຕົນໃຫ້ເກີດຜົນເປັນຈິງ, ສຳເລັດຕາມລຳດັບຄາດໝາຍ, ສຶບຕໍ່ຍຶດໝັ້ນ ແລະ ເສີມຂະຫຍາຍແນວທາງປ່ຽນແປງໃໝ່ຮອບດ້ານ ທີ່ມີຫຼັກການຂອງພັກເຂົ້າສູ່ລວງເລີກ, ສຶບຕໍ່ບູລະນະລະບອບປະຊາທິປະໄຕປະຊາຊົນ ໃຫ້ກ້າວເດີີນສູ່ຈຸດໝາຍສັງຄົມນິຍົມ ແລະ ພ້ອມກັນຈັດຕັ້ງຜັນຂະຫຍາຍໃຫ້ປະກົດຜົນເປັນຈິງ ບັນດາຫົວໜ່ວຍຕ່າງໆ ນຳໄປຈັດຕັ້ງຜັນຂະຫຍາຍໃຫ້ເປັນແຜນງານໂຄງການລະອຽດ ພ້ອມຈັດຕັ້ງແບບບູລິມະສິດຢ່າງມີຈຸດສຸມ, ລະດົມແຫຼ່ງທຶນ ແລະ ແຕ່ງຕັ້ງບຸກຄະລາກອນທີ່ມີຄວາມຮູ້-ຄວາມສາມາດ ເຂົ້າໃສ່ແຕ່ລະວຽກງານດ້ວຍຄວາມຮັບຜິດຊອບສູງ ແລະ ທັດສະນະແຫ່ງການສ້າງສາພັດທະນາເສດຖະກິດ-ສັງຄົມໃນຕໍ່ໜ້າ ເພື່ອແນ່ໃສ່ແກ້ໄຂຄວາມ ທຸກຍາກ ແລະ ນຳເອົາປະເທດຊາດໃຫ້ຫຼຸດພົ້ນຈາກສະຖານະພາບດ້ອຍພັດທະນາ,

ກົດລະບຽບຂອງພັກ ສະໄໝທີ Xl ວັດຖຸປະສົງຂອງພັກ ປະຊາຊົນ ປະຕິວັດລາວ ແມ່ນນຳພາປວງຊົນລາວທັງຊາດ ດຳເນີນພາລະກິດປ່ຽນແປງໃໝ່ຮອບດ້ານ ທີ່ມີຫຼັກການຂອງພັກ, ປົກປັກຮັກສາຊາດໄວ້ໃຫ້ໝັ້ນຄົງ, ກໍ່ສ້າງລະບອບປະຊາທິປະໄຕ ໃຫ້ບັນລຸຕາມຈຸດປະສົງຂອງພັກ ຍາມໃດກໍຕ້ອງຍຶດໝັ້ນລັດທິມາກ-ເລນິນ ແນວຄິດປະທານ ໄກສອນ ພົມວິຫານ ແລະ ມູນເຊື້ອອັນສະຫງ່າງາມຂອງພັກ ເປັນພື້ນຖານທິດສະດີ, ເປັນເຂັມທິດຊີ້ນຳໃຫ້ແກ່ການຈັດຕັ້ງ ແລະ ເຄື່ອນໄຫວຂອງພັກ

ພ້ອມກັນນັ້ນກໍ່ຮັບເອົາຄວາມກ້າວໜ້າທາງດ້ານວິທະຍາສາດ, ອາລິຍະທຳຂອງມວນມະນຸດ ໝູນໃຊ້ບົດຮຽນຂອງຕ່າງປະເທດ ໃຫ້ແທດເໝາະກັບພຶດຕິກຳ ແລະ ເງື່ອນໄຂຕົວຈິງຂອງປະເທດລາວເຮົາ.ມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງຫຼວງພະບາງ ແມ່ນໄດ້ຕີລາຄ່າໝາກຜົນຂອງການຈັດຕັ້ງປະຕິບັດຂົງເຂດວຽກງານປ້ອງກັນຊາດ – ປ້ອງກັນຄວາມສະຫງົບ, ວຽກງານພັດທະນາເສດຖະກິດ – ສັງຄົມ, ວຽກງານພົວພັນຮ່ວມມືກັບຕ່າງປະເທດ ແລະ ແຜນການຈັດຕັ້ງຜັນຂະຫຍາຍມະຕິດັ່ງກ່າວແຕ່ປີ 2021 – 2025 ໃຫ້ປະກົດຜົນເປັນຈິງ. ກອງປະຊຸມຍັງໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການຄຸ້ມຄອງນາຍ ແລະ ພົນທະຫານ ທີ່ໄດ້ຮັບນະໂຍບາຍອຸດໜູນ, ບໍານານ, ເສຍອົງຄະຍ້ອນສູ້ຮົບ ແລະ ຮັບໃຊ້ສູ້ຮົບ, ພ້ອມທັງຜ່ານຄໍາແນະນໍາໃນການຈັດຕັ້ງປະຕິບັດຂໍ້ຕົກລົງດັ່ງກ່າວໃຫ້ໄດ້ຮັບຜົນດີຕື່ມອີກ.