ມີເດຍລາວແຂວງຫຼວງພະບາງ ຂ່າວ: ເມືອງຈອມເພັດ ວັນທີ 1 ກໍລະກົດ 2021 ນີ້, ໜ່ວຍຊາວໜຸ່ມກອງບັນຊາການທະຫານເມືອງຈອມເພັດ ໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານ 6 ເດືອນຕົ້ນປີ ແລະວາງທິດທາງແຜນການ 6ເດືອນທ້າຍປີ 2021 ຂຶ້ນ.ໂດຍການເປັນປະທານຂອງສະຫາຍ ພັນໂທ ຄຳເຜີຍ ແກ້ວທຸມມາ ຫົວໜ້າພະແນກການເມືອງຮອງກອງບັນຊາການທະຫານເມືອງຈອມເພັດ, ສະຫາຍ ຮ້ອຍເອກ ບຸນທະວີ ສຸກກະເສີມ ຄະນະບໍລິຫານງານຊາວໜຸ່ມເມືອງ ເລຂາຊາວໜຸ່ມກອງບັນຊາການທະຫານເມືອງຈອມເພັດ, ມີຄະນະພັກ- ຄະນະບັນຊາບັນດາພະແນກຂະແໜງການກອງຮ້ອຍຂຶ້ນກັບ ແລະ ສະມາຊິກຊາວໜຸ່ມພາຍໃນກົມກອງເຂົ້າຮ່ວມ.

ໃນກອງປະຊຸມສະຫາຍຮ້ອຍເອກ ບຸນທະວີ ສຸກກະເສີມ ຄະນະບໍລິຫານງານຊາວໜຸ່ມເມືອງ ເລຂາຊາວໜຸ່ມກອງບັນຊາການທະຫານເມືອງ ໄດ້ຜ່ານບົດສະຫຼຸບຕີລາຄາການຈັດຕັ້ງປະຕິບັດວຽກງານ 6ເດືອນຕົ້ນປີ ແລະທິດທາງແຜນການ6ເດືອນທ້າຍປີ, ຊຶ່ງໄດ້ຍົກໃຫ້ເຫັນ ວຽກງານການເມືອງແນວຄິດ ຕິດພັນກັບການເຄື່ອນໄຫວ ວຽກງານຊາວໜຸ່ມ, ໃນນີ້ໄດ້ຈັດຕັ້ງເຊື່ອມຊຶມບັນດາເອກະສານມູມເຊື້ອຂອງຊາວໜຸ່ມ,ເອກະສານທີ່ສໍາຄັນຕ່າງໆ ຂອງພັກ-ຂອງຊາດ ອັນໄດ້ເຮັດໃຫ້ສະມາຊິກຊາວໜຸ່ມພາຍໃນໜ່ວຍມີຄວາມຮັບຮູ້ແລະເຂົ້າໃຈ ເຊື່ອໝັ້ນຕໍ່ການຊີ້ນຳໆພາຂອງພັກ ,ມີຄວາມຮັບຜິດຊອບຕໍ່ໝ້າທີ່ວຽກງານຂອງຕົນ, ມີຄຸນສົມບັດສິນທໍາປະຕິວັດ ມີນໍ້າໃຈຮັກຊາດຮັກລະບອບ ປະຊາທິປະໄຕ,

ນອກຈາກນັ້ນ, ຍັງໄດ້ເຄື່ອນໄຫ່ວເຂົ້າຮ່ວມ ຂະບວນການຕ່າງໆ ຂອງເມືອງເຊັ່ນ: ຂະບວນການອອກແຮງງານລວມ ມີ 7ຄັ້ງ, ມ່ີ 138 ແຮງານ, ໄດ້ປູກຕົ້ນໄມ້ໃຫ້ໝາກ, ຕົ້ນໄມ້ປະດັບ-ປະດາ, ໄມ້ອຸດສາ ຫະກຳ, ໄມ້ປ້ອງຢູ່ຊາຍແດ່ນເມືອງຈອມເພັດ-ເມືອງຫົງສາຈຳນວນ 350 ເບ້ຍ, ມີ 278 ແຮງານ, ແລະ ເພື່ອປະຕິບັດວຽກງານ 4ປູກ, 4ລ້ຽງ ໜ່ວຍຊາວໜຸ່ມຍັງໄດ້ປູກພືດຜັກສະນິດຕ່າງໆເຊັນ: ຜັກກາດ,ຜັກສະລັດ,ຜັກບົ້ງ, ຜັກຫອມແລະຜັກອື້ນໆ ເພື່ອປ້ອນເຂົ້າເຮືອນຄົວລວມ ໄດ້ 400ກິໂລ ຄິດເປັນເງິນ:2000.000ກີບ ລ້ຽງໄກ່ລາດຈຳນວນ 53ໂຕ, ລ້ຽງກົບ 600ໂຕ, ລ້ຽງງົວ3ໂຕ, ການສ້າງກອງທຶນຊ່ວຍເຫຼືອເຊີ່ງກັນແລະກັນພາຍໃນໜ່ວຍມີເງິນກອງທຶນທັງໝົດ 742.000ກີບ, ເງິນສະຕິບຳລຸງຂອງສະມາຊິກຊາວໜຸ່ມ 795.000ກີບ, ເງິນຫາລາຍໄດ້ຕ່າງໆ 1.511.000ກີບ, ສະຫຼຸບລວມແລ້ວໃນ 6 ເດືອນຕົ້ນປີ ໜ່ວຍຊາວ ໜຸ່ມກອງບັນຊາການທະຫານເມືອງຈອມເພັດ ສາມາດສ້າງລາຍຮັບໄດ້ທັງໝົດ 3.854 000 ກີບ.

ໃນກອງປະຊຸມ ຍັງໄດ້ ຮັບຟັງຄໍາເຫັນໂອ້ລົມ ຂອງ ສະຫາຍ ພັນໂທຄຳເຜີຍ ແກ້ວທຸມມາ ຫົວໜ້າພະແນກການເມືອງ ຮອງກອງບັນຊາການທະຫານເມືອງຈອມເພັດ ຊຶ່ງ ທ່ານໄດ້ຮຽກຮ້ອງມາຍັງ ຄະນະໝ່ວຍຊາວໜຸ່ມ, ສະມາຊິກຊາວໜຸ່ມ-ໄວໜຸ່ມທຸກສະຫາຍຈົ່ງເສີມຂະຫຍາຍສາມູນເຊື້ອຜົນງານດ້ານຕ່າງໆ ທີ່ຍາດມາໄດ້ ແລະ ພ້ອມກັນສືບຕໍ່ໃນການຈັດຕັ້ງປະຕິບັດ ທິດທາງ ວຽກງານຈຸດສຸມທີ່ວາງໄວ້ ໃຫ້ປະສົບຜົນສໍາເລັດຍິ່ງຂື້ນ.