ມີເດຍລາວແຂວງເຊກອງ
ເມືອງທ່າແຕງ ແຂວງເຊກອງເປີດຊຸດຝຶກອົບຮົມວຽກງານກໍ່ສ້າງຮາກຖານການເມືອງແລະລຶບລ້າງຄວາມທຸກຍາກໃຫ້ພະນັກງານທີ່ປະຈໍາຢູ່ 6 ເຂດຈຸດສຸມພັດທະນາ ໃນວັນທີ 7 ກໍລະກົດ 2021 ນີ້ ໂດຍການເປັນປະທານຂອງ ທ່ານ ສົມເພັດ ເອີດລັດດາ ກຳມະການພັກແຂວງ,ເລຂາພັກເມືອງ-ເຈົ້າເມືອງໆທ່າແຕງ,ເປັນກຽດເຂົ້າຮ່ວມຂອງທ່ານ ນາງ ຈັນຫອມ ມະຫາໄຊ ຮອງເລຂາພັກແຂວງ,ມີບັນດາຄະນະນະປະຈຳພັກເມືອງ,ກຳມະການພັກເມືອງ,ຫົວໜ້າຫ້ອງການ – ຄະນະຫ້ອງການພ້ອມດ້ວຍນັກສຳມະນາກອນເຂົ້າຮ່ວມ

ໃນພິທີ ທ່ານ ສົມເພັດ ເອີດລັດດາ ກຳມະການພັກແຂວງ,ເຈົ້າເມືອງໆທ່າແຕງໄດ້ມີຄຳເຫັນກ່າວເປີດຊຸດຝຶກອົບຮົມວ່າ:ເກືອບ 8 ປີ ທີ່ ໄດ້ຫັນພະນັກງານລົງກໍ່ສ້າງຮາກຖານການເມືອງພັດທະນາຊົນນະບົດ ແລະ ລຶບລ້າງຄວາມທຸກຍາກ ເຊິ່ງເປັນຄັ້ງທຳອິດທີ່ໄດ້ຝຶກອົບຮົມວຽກງານການລົງຫາກຖານ ໃຫ້ຄະນະເຂດ,ສະນັ້ນເພື່ອເປັນມິດໝາຍອັນໃໝ່ ແລະ ໄດ້ຮັບຜົນດີຂຶ້ນ ຈິ່ງມີຄວາມຈໍາເປັນຕ້ອງໄດ້ເສີມທັກສະ ແລະ ສິນລະປະຂອງພະນັກງານ ທີ່ລົງຮາກຖານ, ດ້ວຍການອົບຮົມຄວາມຮູ້ທາງດ້ານທິດສະດີການເມືອງ-ການປົກຄອງ ພາຍໄຕ້ບົດຮຽນກ່ຽວກັບ: ຄວາມຮັບຜິດຊອບຂອງພະນັກງານນໍາພາ-ຄຸ້ມຄອງ ຕໍ່ການປະຕິບັດໜ້າທີ່ການເມືອງຢູ່ຮາກຖານບ້ານ ແລະ ວຽກງານ 4 ເນື້ອໃນ 4 ຄາດໝາຍ. ສ້າງຄວາມສາມັກຄີໃຫ້ໜັກແໜ້ນ ພາຍໃນບ້ານ.

ການສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ, ຍົກສູງຄຸນນະພາບຂອງສະມາຊິກພັກ ແລະ ວຽກງານຂະຫຍາຍພັກ ຢູ່ຮາກຖານບ້ານ. ການກະກຽມດໍາເນີນກອງປະຊຸມໃຫ່ຍ 3 ຂັ້ນ ຂອງພັກ. ການສ້າງຄອບຄົວ ແລະ ບ້ານພັດທະນາ. ພັດທະນາວຽກງານສຶກສາ ແລະ ສາທາລະນະສຸກ. ການຄຸ້ມຄອງນໍາໃຊ້ທີ່ດິນຂອງບ້ານ. ວຽກງານຍຸຕິທໍາຮາກຖານ ແລະ ການສ້າງບ້ານແບບຢ່າງປະຕິບັດກົດໝາຍ. ການຄຸ້ມຄອງພົນລະເມືອງພາຍໃນບ້ານ. ການສ້າງແຜນພັດທະນາບ້ານ, ການສ້າງບົດສະຫຼຸບ ແລະ ບົດລາຍງານເຄື່ອນໄຫວຂອງບ້ານ. ການຕ້ານ ແລະ ສະກັດກັ້ນປະກົດການຫຍໍ້ທໍ້ຢູ່ຂັ້ນບ້ານ. ການພັດທະນາປະເທດຊາດຕາມທິດສັງຄົມນິຍົມ ຢູ່ປະເທດເຮົາ. ການພັດທະນາເສດຖະກິດຂັ້ນບ້ານ. ການສ້າງສະຕິກົດໝາຍໃຫ້ປະຊາຊົນຂັ້ນບ້ານ. ບົດບາດຂອງພັກປະຊາຊົນປະຕິວັດລາວ ໃນປັດຈຸບັນ. ການນໍາພາຂອງໜ່ວຍພັກບ້ານ ຕໍ່ການສ້າງເສດຖະກິດຄອບຄົວ. ວຽກງານຕິດຕາມກວດກາພັກ. ຄວາມຮູ້ທົ່ວໄປກ່ຽວກັບກົດໝາຍຂະແໜງກະສິກໍາ-ປ່າໄມ້ ແລະ ວຽກງານການເງິນຂັ້ນບ້ານໂດຍຈະໃຊ້ເວລາອົບຮົມ 10 ວັນ.