ມີເດຍລາວແຂວງຈຳປາສັກ ຂ່າວ-ພາບ: ນາງ ເພັດສະຫວັນ ນັກຂ່າວເມືອງ
ໃນລະຫວ່າງວັນທີ 5-9 ກໍລະກົດ 2021  ສະມາຊິກສະພາແຫ່ງຊາດເຂດເລືອກຕັ້ງທີ15 (ສສຊ)ແລະ ສະມາຊິກສະພາປະຊາຊົນແຂວງປະຈໍາເຂດເລືອກຕັ້ງເມືອງບາຈຽງຈະເລີນສຸກ(ສສຂ)ໄດ້ສຳເລັດການເຄື່ອນໄຫວຢ້ຽມຢາມພົບປະພໍ່ແມ່ປະຊາຊົນ 8 ບ້ານຂອງເມືອງບາຈຽງຈະເລີນສຸກຄື: ບ້ານແກ້ງເກຍ,ບ້ານຂັນລາຍ,ບ້ານແກ້ງຍາວ,ບ້ານໜອງຫົວຄວາຍ,ບ້ານອຸດົມສຸກ,ບ້ານຫຼັກ23,ບ້ານສີຊຽງໃໝ່(ຫຼັກ16) ແລະບ້ານປາກຫ້ວຍເດື່ອ ນໍາໂດຍທ່ານ ນາງ ບຸນສຸວັນ ໂພໄຊຊະນະສັກ  ຮອງປະທານສະຫະພັນແມ່ຍິງແຂວງຈຳປາສັກ ທັງເປັນສະມາຊິກສະພາແຫ່ງຊາດເຂດເລືອກຕັ້ງທີ15 ແຂວງຈໍາປາສັກ ແລະ ທ່ານນາງ ທອງລ່ຽນ ສຸລະທາທອນ ຮອງເລຂາພັກເມືອງ ປະທານກວດກາພັກ-ລັດເມືອງ ທັງເປັນສະມາຊິກສະພາປະຊາຊົນແຂວງເຂດເລືອກຕັ້ງເມືອງບາຈຽງຈະເລີນສຸກ ພ້ອມທ່ານ ບຸນສີ ຈິດໂພໝັ້ນ ຫົວໜ້າຫ້ອງການແຜນການລົງທືນ,ທ່ານ ບຸນຮອນ ໄຊຍະວົງ

ເພື່ອເປັນການເຜີຍແຜ່ຜົນສໍາເລັດກອງປະຊຸມຄັ້ງປະຖົມມະລຶກຂອງສະພາແຫ່ງຊາດຊຸດທີlX ແລະ ສະພາປະຊາຊົນແຂວງຊຸດທີll ໃຫ້ແກ່ອໍານາດການປົກຄອງບ້ານ,ພໍ່ແມ່ປະຊາຊົນຮັບຮູ້ເຂົ້າໃຈແລະກຳແໜ້ນເນື້ອໃນມະຕິຕ່າງໆທີ່ສະພາແຫ່ງຊາດແລະສະພາປະຊາຊົນແຂວງຮັບຮອງໂດຍສະເພາະແມ່ນໄດ້ຮັບຮອງເອົາ21ມະຕິໃນນັ້ນມີ13ມະຕິທີ່ກ່ຽວຂ້ອງກັບກົງຈັກການບໍລິຫານລັດເຊັ່ນ: ມະຕິກົງຈັກບຸກຄະລາກອນ,ມະຕິກົງຈັກການຈັດຕັ້ງ,ມະຕິຮັບຮອງເອົາການແຕ່ງຕັ້ງບຸກລະລາກອນແລະອື່ນໆ ນອກນັ້ນຄະນະດັ່ງກ່າວຍັງໄດ້ເຜີຍແຜ່ຜົນສໍາເລັດກອງປະຊຸມຄັ້ງປະຖົມມະລືກສະພາແຫ່ງຊາດແລະສາພາປະຊາຊົນແຂວງໃຫ້ແກ່ພະນັກງານ-ລັດຖະກອນ,ທະຫານ-ຕໍາຫຼວດອ້ອມຂ້າງເມືອງຕື່ມອິກ.