ມີເດຍລາວແຂວງບໍ່ແກ້ວ ຂຽນ: ນ. ວິໄລສີ ວັນທີ 12 ກໍລະກົດ 2021ນີ້ ທ່ານ ຄໍາສອນ ຂັນນຸວົງ ຕາງໜ້າສະມາຄົມເສດຖະກິດ ແລະ ວັດທະນະທໍາລາວ-ຈີນ ໄດ້ມອບເຄື່ອງຊ່ວຍເຫຼືອຕ້ານພະຍາດໂຄວິດ-19 ໃຫ້ຄະນະສະເພາະກິດແຂວງບໍ່ແກ້ວ ກ່າວຮັບໂດຍ ທ່ານດຣ ຄໍາຜະຫຍາ ພົມປັນຍາ ຮອງເຈົ້າແຂວງໆບໍ່ແກ້ວ ຫົວໜ້າຄະນະສະເພາະກິດຂັ້ນແຂວງ.

ເຄື່ອງທີ່ນໍາມາມອບໃນຄັ້ງນີ້ ປະກອບມີ ຜ້າອັດປາກ-ອັດດັງ ຈໍານວນ 20 ແກັດໃຫຍ່ ລວມມູນຄ່າ 149,720,000 ກີບ. ທ່ານ ດຣ ຄໍາຜະຫຍາ ພົມປັນຍາ ຮອງເຈົ້າແຂວງໆບໍ່ແກ້ວ ຫົວໜ້າຄະນະສະເພາະກິດຂັ້ນແຂວງ ໄດ້ສະແດງຄວາມຮູ້ບຸນຄຸນ ແລະ ຂອບອົກຂອບໃຈທີ່ ທ່ານ ຄໍາສອນ ຂັນນຸວົງ ຕາງໜ້າສະມາຄົມເສດຖະກິດ ແລະ ວັດທະນະທໍາລາວ-ຈີນ ໄດ້ເຫັນຄວາມສໍາຄັນ ແລະ ເປັນຫ່ວງເປັນໄຍຕໍ່ຊີວິດຂອງປະຊາຊົນຊາວແຂວງບໍ່ແກ້ວ ເຊິ່ງເປັນການປະກອບສ່ວນອັນໃຫຍ່ຫຼວງໃນການດໍາລົງຊີວິດຂອງປະຊາຊົນບັນດາເຜົ່າ.
ຂໍ້ມູນ-ພາບ: ຈາກຫ້ອງວ່າການແຂວງ