ມີເດຍລາວແຂວງຈຳປາສັກ
ໃນເຊົ້າທີ 14 ກໍລະກົດ 2021 ຫ້ອງການ ຮສສ ເມືອງປະທຸມພອນ ແຂວງຈໍາປາສັກໄດ້ຈັດພິມອບ-ຮັບເງີນນະໂຍບາຍໃຫ້ກັບພໍ່ແມ່ປະຊາຊົນທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ 19 ຫຼື ໄລຍະທີ່ລັດຖະບານປະກາດນໍາໃຊ້ການປະຕິບັດຄຳສັງເລກທີ15/ນຍ.ລົງວັນທີ 21 ເມສາ 2021 ຈົນເຖີງ ວັນທີ 4 ມີ ຖຸນາ 2021. ໂດຍສະເພາະຄອບປະຊາຊົນທີ່ມີເງື່ອນໄຂ ແລະ ຈັດຢູ່ໃນບູລິມະສິດສະເພາະຜູ້ຫາເຊົ້າກີນຄໍ່າ,ເຮືອນເຊົ່າເຂົ້າຊື້,ຄອບຄົວປ່ຽວພອຍ,ທຸກຍາກຂາດເຂີນ ທີ່ບໍ່ສາມາດຊ່ວຍເຫຼືອຕົນເອງໄດ້. ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ບຸນຖອງ ສຸພາວົງ ເຈົ້າເມືອງປະທຸມພອນ ຜູ້ຊີ້ນໍາວຽກງານວັດທະນະທໍາ-ສັງຄົມ, ມີທ່ານ ນາງ ມະໂມລັກ ໄຊຍະສິງ ຮອງຫົວໜ້າຫ້ອງການ ຮສສ ເມືອງ, ອຳນາດການປົກຄອງ ພໍ່ແມ່ປະຊາຊົນທີ່ຢູ່ໃນເປົ້າໝາຍເຂົ້າຮ່ວມຢ່າງພ້ອມພຽງ.

ເພື່ອປະຕິບັດຕາມ ແຈ້ງການຂອງກະຊວງແຮງງານ ແລະ ສະຫວັດດີການ – ສັງຄົມ ສະບັບເລກທີ 1628/ຫກ, ລົງວັນທີ 31 ພຶດສະພາ 2021 ວ່າດ້ວຍການອະນຸມັດງົບປະມານເພື່ອຊ່ວຍເຫຼືອສຸກເສີນປະຊາຊົນທີ່ທຸກຍາກຍ້ອນໄດ້ຮັບຜົນກະທົບຈາກແຜ່ລະບາດຂອງພະຍາດໂຄວິດ-19. ເຊີ່ງຄອບຄົວທີ່ນອນຢູ່ໃນເປົ້າໝາຍຈັດຢູ່ໃນບູລິມະສິດທີ່ໄດ້ຮັບເງີນຊ່ວຍເຫຼືອດັ່ງ

ກ່າວໃນທົ່ວເມືອງປະທຸມພອນ, ພາຍໃນ 9 ກຸ່ມ ມີ 47 ຄອບຄົວ, ມີຈໍານວນພົນ 47 ຄົນ. ລວມມູນຄ່າໃນການມອບທັງໝົດ 11.750.000 ກີບ ໃນນັ້ນໄດ້ຈັດແບ່ງໃຫ້ບຸກຄົນລະ 250.000 ກີບ.ໂດຍເປັນກຽດກ່າວມອບຂອງທ່ານ ບຸນຖອງ ສຸພາວົງ ຮັບມີອຳນາດການປົກຄອງບ້ານ ແລະ ປະຊາຊົນທີ່ຈັດຢູ່ໃນກຸ່ມເປົ້າໝາຍ ພ້ອມດ້ວຍ ຄະນະກໍາມະການທີ່ກ່ຽວຂ້ອງຂອງເມືອງເຂົ້າຮ່ວມເປັນສັກຂີພະຍານ.
ຂ່າວ-ພາບ: ຖວທ ປະທຸມພອນ