ສື່ມວນຊົນແຂວງຈຳປາສັກ ຂ່າວ-ພາບ: ນາງ ເພັດສະຫວັນ ນັກຂ່າວເມືອງ ຕອນບ່າຍວັນທີ 14 ກໍລະກົດ 2021ຢູ່ທີ່ສາງສະໂມສອນຂອງເມືອງບາຈຽງຈະເລີນສຸກ ພະແນກແຮງງານສະຫວັດດີການສັງຄົມ(ຮສສ) ແຂວງຈໍາປາສັກ ມອບເຂົ້າສານ ຈໍານວນ 5.000 ກິໂລ ມູນຄ່າ 46.400.000 ກີບໃຫ້ແກ່ຫ້ອງການແຮງງານສະຫວັດດີການສັງຄົມເມືອງບາຈຽງຈະເລີນສຸກໂດຍໄດ້ຮັບການອະນຸມັດຈາກລັດຖະບານແຫ່ງ ສປປລາວ ແລະ ລັດຖະບານຍີ່ປຸ່ນ ໃນການຈັດຕັ້ງປະຕິບັດໂຄງການຄັງແຮເຂົ້າຊ່ວຍເຫຼືອຜູ້ປະສົບໄພພິບັດທໍາມະຊາດ ,ພາຍໃຕ້ກອງທືນເພື່ອນຮ່ວມງານ KR1ມອບຮັບໂດຍທ່ານ ອອນສາ ວົງສໍາພັນ ຮອງຫົວໜ້າພະແນກຮສສແຂວງຈໍາປາສັກພ້ອມຄະນະ ຕ່າງໜ້າຮັບໂດຍ ທ່ານ ປອ ຄໍາກິ່ງແກ້ວ ປັດທຳມະວົງ ຮອງເຈົ້າເມືອງບາຈຽງຈະເລີນສຸກ,ທ່ານ ສຸນີ ວໍລະສິງ ຫົວໜ້າຫ້ອງການຮສສເມືອງພ້ອມຄະນະຮ່ວມເປັນສັກຂີພິຍານ.