ມີເດຍລາວແຂວງບໍລິຄຳໄຊ ໃນຕອນເຊົ້າວັນທີ່ 21 ກໍລະກົດ 2021 ຢູ່ໂຮງໝໍນ້ອຍ ຈອມທອງ ເມືອງວຽງທອງ ແຂວງບໍລິຄຳໄຊ ຍາທ່ານ ຄຳພອນ ທາອີນໄຊຍະວົງ ຮອງເຈົ້າຄະນະແຂວງບໍລິຄຳໄຊ, ເຈົ້າຄະນະສົງເມືອງວຽງທອງ ໄດ້ມອບອຸປະກອນການແພດ ໃຫ້ໂຮງໝໍນ້ອຍຈອມທອງ ໂດຍເປັນກຽດເຂົ້າຮ່ວມຂອງທ່ານ ດຣ ບຸນລັບ ວົງເສນາ ຫົວໜ້າຫ້ອງການສາທາລະນະສຸກເມືອງວຽງທອງ, ມີພະນັກງານໃນໂຮງໝໍນ້ອຍຈອມທອງ, ອຳນາດການປົກຄອງບ້ານ ແລະ ພາກສ່ວນກ່ຽວຂ້ອງ ເຂົ້າຮ່ວມ.

ເຄື່ອງທີ່ນຳມາມອບໃນຄັ້ງນີ້ ມີ ບັ້ງອົກຊີ່ 1 ບັ້ງ, ຫົວອົກຊີ່ 2 ຫົວ, ອົກຊີ່ແມັດ 1 ອັນ, ເຄື່ອງຟັງຫົວໃຈເດັກ 1 ຊຸດ ແລະ ເຄື່ອງວັດແທກຕັ່ງຊົ່ງອີເລັກໂທນິກ 1 ເຄື່ອງ ລວມມູນຄ່າ 5.394.000 ກີບ ເພື່ອນຳໃຊ້ເຂົ້າໃນວຽກງານປີ່ນປົວຄົນເຈັບໃນຍາມສຸກເສີນ.

ໂອກາດດຽວກັນນີ້ ທ່ານ ບົວພາ ໄຊຍະແພງ ນັກທຸລະກິດ ກໍ່ໄດ້ມອບເງີນ ຈໍານວນ 1.000.000 ກີບ ເພື່ອປະກອບສ່ວນຊ່ວຍໜູນໃນການຈັດຊື້ອຸປະກອນການແພດທີ່ຈຳເປັນຂອງໂຮງໝໍນ້ອຍຈອມທອງ.