ມີເດຍລາວແຂວງບໍ່ແກ້ວ ນັກຂ່າວຄໍ 16 ໂດຍ: ຄາມ ສີວົງພັນ.
ໃນວັນທີ 23 ກໍລະກົດ 2021 ນີ້, ກອງຮ້ອຍ 16 ທະຫານແຂວງບໍ່ແກ້ວປິດ-ເປີດຂະບວນການຂໍ້ແຂ່ງຂັນທົ່ວກົມກອງຂຶ້ນ ຢູ່ທີ່ສະໂມສອນຂອງຕົນ ໂດຍການເປັນປະທານຂອງ ສະຫາຍ ພັນຕີ ບຸນເສັດ ຄຳປະເສີດ ຫົວໜ້າພະແນກຕີພິເສດ ກອງບັນຊາການທະຫານແຂວງບໍ່ແກ້ວ ແລະ ສະຫາຍ ພັນຕີ ສຸລິນທາ ແກ້ວປະເສີດ ຫົວໜ້າຫ້ອງການເມືອງ ກອງຮ້ອຍ 16 ທະຫານແຂວງບໍ່ແກ້ວ ມີຄະນະພັກ-ຄະນະບັນຊາ, ຕະຫຼອດຮອດພະນັກງານ-ນັກຮົບທົ່ວກົມກອງເຂົ້າຮ່ວມ.


ສະຫາຍ ພັນຕີ ສຸລິນທາ ແກ້ວປະເສີດ ຫົວໜ້າການເມືອງ ກອງຮ້ອຍ 16 ໄດ້ຜ່ານແຜນການສ້າງຂະບວນການຂໍ້ແຂ່ງຂັນ ປະຈຳປີ 2020 ແລະ ທິດທາງແຜນການ ປະຈຳປີ 2021 ຕາມທິດທາງປັບປຸງກໍ່ສ້າງກົມກອງໃຫ້ມີຄວາມເຂັ້ມແຂງ ແລະ ທັນສະໄໝຕາມ ມະຕິຂອງຄະນະກະຊວງປ້ອງກັນ ປະເທດວາງອອກ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ພາຍໃຕ້ຄຳຂວັນ ຮັບປະກັນໃຫ້ປະເທດຊາດ ມີສະຖຽນລະພາບທາງດານການເມືອງ, ສັງຄົມມີຄວາມສະຫງົບ ແລະ ປອດໄພ, ຕັ້ງໜ້າປັບປຸງກໍ່ສ້າງກອງທັບປະຊາຊົນລາວ ທັງ 3 ປະເພດກຳລັງໃຫ້ໜັກແໜ້ນ ເຂັ້ມແຂງ, ຈົ່ງຮັກພັກດີຕໍ່ພັກ ຕໍ່ລະບອບໃໝ່ ຕໍ່ປະເທດຊາດ ແລະ ຕໍ່ປະຊາຊົນ ຕິດພັນຄຳຂວັນ ຮັກຊາດ ແລະ ພັດທະນາ ເຊິ່ງມີ 06 ຂໍ້ແຂ່ງຂັນດັ່ງນີ້:

ຕັ້ງໜ້າປັບປຸງກໍ່ສ້າງກໍາລັງປ້ອງກັນຊາດເປັນກໍາລັງແຫຼມຄົມຂອງພັກ ສາມາດຄໍ້າປະກັນໃຫ້ປະເທດຊາດມີ ສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບປອດໄພ, ຍູ້ແຮງການຫັນເອົາກໍາລັງລົງກສາງຮາກຖານ ການເມືອງ, ສ້າງທ່າສະຫນາມ ປກຊ-ປກສ ທົ່ວປວງຊົນຮອບດ້ານຢ່າງແຂງແຮງ, ສຸມໃສ່ສ້າງພະນັກງານນໍາພາ-ບັນຊາ ແລະ ວິຊາການວິຊາສະເພາະເຫຼົ່າລົບຕ່າງໆ ໃຫ້ມີລະດັບຄວາມຮູ້ ຄວາມສາມາດອັນແນ່ນອນ, ສ້າງຖັນແຖວພະນັກງານ-ສາມະຊິກພັກ ໃຫ້ມີຫຼັກໝັ້ນຊົນຊັ້ນ, ມີຄຸນທາດການເມືອງ ຫນັກແໜ້ນ,ມີສະຕິສາມາດຈໍາແນກມິດ ແລະ ສັດຕູຈະແຈ້ງ, ເຊື້ອໝັ້ນ ແລະ ຈົ່ງຮັກພັກດີຕໍ່ພັກ ຕໍ່ປະເທດຊາດ, ເຄົາລົບກົດຫມາຍ, ປະຕິບັດຂໍ້ກໍານົດ, ກົດລະບຽບວິໃນຂອງກອງທັບຢ່າງເຂັ້ມງວດ, ສຸມໃສ່ສ້າງພະນັກງານຂັ້ນຍຸດທະສາດ, ຍຸດທະບັ້ນລົບ, ຍຸດທະວິທີເປັນລະບົບຄົບຊຸດ, ຖືສໍາຄັນການສ້າງຢູ່ບັນດາໂຮງຮຽນພາຍໃນ ຕ່າງປະເທດ ແລະ ຜ່ານຂະບວນການວຽກງານຕົວຈິງຢູ່ຮາກຖານ, ສູ້ຊົນປັບປຸງກໍ່ສ້າງພັກ-ກໍ່ສ້າງກໍາລັງໃຈກາງ ແມ່ນສ້າງຫນ່ວຍພັກປອດໃສ ເຂັ້ມແຂງ ຫນັກແຫນ້ນ, ກອງປອດໃສ ປອດໄພ ປອດຄະດີ, ນັກຣົບ ແລະ ກົມກອງວັດທະນາທໍາ ທີ່ມີວິທະຍາສາດ, ມີຄຸນນະພາບ ກາຍເປັນສະຕິ ຄວາມຮັບຜິດຊອບການເມືອງຂອງຄະນະພັກແຕ່ລະຂັ້ນ,

ພະນັກງານສະມາຊິກພັກ, ນັກຣົບແຕ່ລະຄົນໃຫ້ເປັນຂະ ບວນກວ້າງຂວາງ, ຍົກສູງຄຸນນະພາບການຝຶກແອບຮໍ່າຮຽນສິລະປະຍຸດ, ຍຸດທະວິທີ, ສ້າງຄວາມຊໍານິຊໍານານໃນການນໍາໃຊ້ ອາວຸດຍຸດໂທປະກອນທີ່ທັນສະໄຫມໃນທຸກປະເພດ, ຍົກສູງສະຕິ ແລະ ຄວາມສາມາດກຽມພ້ອມເຮັດສໍາເລັດຫນ້າທີ ໃນທຸກສະຖານະການ, ຍູ້ແຮງການເສີມຂະຫຍາຍມູນເຊື້ອຈິດໃຈເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ສົ່ງເສີມການຜະລິດກະສິກໍາ-ອຸດສະຫະກໍາເປັນສີນຄ້າ ແນ່ໃສ່ແກ້ໄຂຊີວິດການເປັນຢູ່ຂອງກອງທັບນັບມື້ນັບດີຂຶ້ນ, ກໍາແຫນ້ນ ແລະ ຈັດຕັ້ງປະຕິບັດແນວທາງການຕ່າງປະເທດຂອງພັກ, ໃນເງື່ອນໄຂເຊື່ອມໂຍງສາກົນ, ຮັກສາ ແລະ ເສີມຂະຫຍາຍມູນເຊື້ອການພົວພັນຮ່ວມມືກັບກອງທັບ ບັນດາປະເທດ ເພື່ອນມິດຍຸດທະສາດສັງຄົມນິຍົມ, ອ້າຍນ້ອງ ບັນດາກອງທັບປະເທດອາຊຽນ ແລະ ເພື່ອນມິດສາກົນ. ຈາກນັ້ນຕ່າງໜ້າບັນດາໝວດຍັງໄດ້ຂຶ້ນຈັບມືເພື່ອຮັບເອົາບັນດາເນື້ອໃນຂໍ້ແຂ່ງຂັນຢ່າງເປັນທາງການ.