ມີເດຍລາວແຂວງຫຼວງພະບາງ ຂ່າວ:ບຸນຈັນຖົມມະນີ
ວັນທີ 21 ກໍລະກົດນີ້ ທີ່ສະໂມສອນໃຫຍ່ເມືອງໂພນທອງ ໄດ້ຈັດພິທີ ປາຖະກະຖາ ວັນສ້າງຕັ້ງສະຫະພັນແມ່ຍິງລາວຄົບຮອບ 66 ປີ ໂດຍມີ ທ່ານ ສົມວອນ ແກ້ວຄໍາພອນ ຮອງເລຂາພັກເມືອງ,ມີຫົວໜ້າຮອງຫ້ອງການ ໜ່ວຍແມ່ຍິງອ້ອມຂ້າງພ້ອມສະມາຊິກແມ່ຍີງອ້ອມຂ້າງເມືອງເຂົ້າຮ່ວມ. ທ່ານ ສົມວອນແກ້ວຄຳພອນ ກໍ່ໄດ້ໃຫ້ກ່ຽດ ປາຖະກາຖາ ເພື່ອທົບທວນຄືນມູນເຊື້ອການກຳເນີດ, ເຕີບໃຫ່ຍຂະຫຍາຍຕົວ ແລະຜົນງານການເຄື່ອນໄຫວ ຂອງອົງການຈັດຕັ້ງສະຫະພັນແມ່ຍິງລາວ ກໍ່ຄືແມ່ຍິງບັນດາເຜົ່າທີ່ອຸທິດຕົນເພື່ອພະລະກິດ ຕໍ່ສູ້ປົດປ່ອຍຊາດ, ປົກປັກຮັກສາ ແລະສ້າງສາພັດທະນາປະເທດຊາດກໍ່ຄືພະລະກິດແມ່ຍິງຕະຫຼອດໄລຍະ 65 ປີຜ່ານມາ.

ທີຍາມໃດກໍໄດ້ຕໍ່ສູ້ຄຽງບ່າຄຽງໄຫລ່ ກັບເພດຊາຍ ຕໍ່ສູ້ເດັດດ່ຽວຕ້ານພວກສັກດິນາ ແລະພວກລ່າເມືອງຂື້ນທັງແບບເກົ່າ ແລະແບບໃໝ່ພ້ອມທັງໄດ້ຮັບການປັບປຸງໃຫ້ມີຄວາມເຂັ້ມແຂງ ແລະ ເຕີບໃຫ່ຍຂະຫຍາຍຕົວ, ໃນນັ້ນການຈັດຕັ້ງ ແມ່ຍິງໄດ້ຮັບການສ້າງຕັ້ງຂື້ນພ້ອມກັບບັນດາອົງການຈັດຕັ້ງຮາກຖານການປະຕິວັດ, ໂດຍໄດ້ຈັດເປັນໜ່ວຍແມ່ຍິງນັກຮົບ ເພື່ອເບີງແຍງດູແລ, ປ້ອງກັນທະຫານກູ້ຊາດ, ພະນັກງານປະຕິວັດທີ່ເຄື່ອນໄຫວປິດລັບ, ສະມັກເຂົ້າເປັນກອງຫລອນ ເພື່ອເຄື່ອນໄຫວສືບຂ່າວ-ສົ່ງຂ່າວໃຫ້ກຳລັງປະຕິວັດ ເຂົ້າຮ່ວມດັກສັດສັດຕູ ລໍາລ້ຽງຂົນສົງອາວຸດ, ສະບຽງອາຫານ, ຢຸດຢາ,ເຄື່ອງນຸ່ງຫົມ ແລະເຄື່ອງໃຊ້ທີຈຳເປັນອື່ນໆ

ແມ່ຍິງລາວທີ່ຢູ່ໃນເຂດປົກຄອງ ຂອງສັດຕູ ກໍ່ໄດ້ຕໍ່ສູ້ປະເຊີນຫນ້າກັບສັດຕູໃນແຕ່ລະວັນ, ເຖີງສັດຕູຈະໂຫດຮ້າຍປ່າເຖືອນຢ່າງໃດ ກໍ່ບໍ່ສາມາດເອົາຊະນະໃຈໃນຮັກຊາດ, ຄວາມອົງອາດກ້າຫານ,ນຳໃຈເສຍສະຫຼະ ແລະຄວາມຈົ່ງຮັກພັກດີ ຕໍ່ການປະຕິວັດຂອງແມ່ຍິງລາວໄດ້, ກົງກັນຂ້າມຍິ່ງຖືກປາບປາມເທົ່າໃດແປວໄຟຄວາມຮັດຊາດ ແລະຄຽດແຄ້ນຂອງສັດຕູຍິງທະວີຂື້ນ. ຈາກນັ້ນ ກໍ່ຮັບຟັງການລາຍງານການເຄື່ອນໄຫວຂອງແມ່ຍິງເມືອງ ໃນໄລຍະຜ່ານມາ ເຊິງສະແດງໃຫ້ເຫັນວ່າ ຄະນະສະຫະພັນແມ່ຍິງ ແຕ່ລະຂັ້ນກໍ່ໄດ້ເອົາໃຈໃສ່ຕິດຕາມ ກວດກາຈັດຕັ້ງປະຕິບັດໜ້າທີ່ຂອງຕົນຕາມພາລະບົດບາດ, ສິດແລະໜ້າທີ່ຄວາມຮັບຜິດຊອບ ແລະຄວາມສາມາດຂອງຕົນເພື່ອນຳໄປຈັດຕັ້ງປະຕິບັດໃຫ້ຖືກຕ້ອງ ແລະ ແທດເໝາະກັບສະພາບຄວາມເປັນຈິງຂອງທອງຖີນ.