ມີເດຍລາວແຂວງບໍ່ແກ້ວ
ອົງການພັດທະນາ ແລະ ບໍລິຫານຕົວເມືອງແຂວງ ບໍ່ແກ້ວ ສະຫຼຸບ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2021 ໄດ້ຈັດຂຶ້ນວັນທີ 23 ກໍລະກົດ 2021 ໂດຍການເປັນປະທານຂອງທ່ານ ວັນນະສອນ ໂພທິປັນຍາ ຫົວໜ້າ ອົງການພັດທະນາ ແລະ ບໍລິຫານຕົວເມືອງ ແຂວງ, ມີຮອງຫ້ອງການ ແລະ ພະນັກງານວິຊາການ,ມີເລຂາພັກບ້ານ, ນາຍບ້ານພາຍໃນເທດສະບານເມືອງຫ້ວຍຊາຍ ແລະ ແຂກຮັບເຊີນເຂົ້າຮ່ວມ.

ທ່ານ ວັນນະສອນ ໂພທິປັນຍາ ໃຫ້ຮູ້ວ່າ: ກອງປະຊຸມຄັ້ງນີ້ ຈະສຸມໃສ່ ການຕີລາຄາຕໍ່ຜົນສໍາເລັດ ໃນການຈັດຕັ້ງປະຕິບັດວຽກງານ ໃນໄລຍະ 6 ເດືອນຜ່ານມາ, ໂດຍສະເພາະແມ່ນການຕີ ລາຄາດ້ານການເມືອງ-ດ້ານແນວຄິດ, ດ້ານການຈັດຕັ້ງການຈັດຕັ້ງຜັນຂະຫຍາຍແນວທາງນະໂຍບາຍ, ມະຕິກອງ ປະຊຸມໃຫຍ່ຂອງພັກ ເຂົ້າໃນວຽກງານ ໃຫ້ມີຜົນສໍາເລັດ, ຕີລາຄາການປະຕິບັດ ວຽກດ້ານວິຊາສະເພາະຂອງແຕ່ລະຂະແຫນງທີ່ຮັບຜິດຊອບ ກໍ່ຄືວຽກໄດ້ຮັບມອບຫມາຍ, ພ້ອມດຽວກັນນັ້ນ, ບັນດາທ່ານ ທີ່ເຂົ້າຮ່ວມ ກອງປະຊຸມ ຍັງຈະໄດ້ປະກອບຄໍາຄິດຄໍາເຫັນ ຕໍ່ກັບ ການຈັດຕັ້ງວຽກງານພັດທະນາ ແລະ ບໍລິຫານຕົວເມືອງ ເພື່ອແນໃສ່ປັບປຸງດ້ານອ່ອນ ແລະ ຂໍ້ຄົງຄ້າງທີ່ຜ່ານມາໃຫ້ດີຂຶ້ນກວ່າເກົ່າໃນຕໍ່ຫນ້າ. ທັງເປັນການຈັດຕັ້ງ ແລະ ການເຄື່ອນໄຫວວຽກງານຂອງ ອພບຕ ປີ 2021 ອີກດ້ວຍ.


ທ່ານ ບຸນເລວ ສຸດທະແຝງ ຮອງ ອພບຕ ແຂວງຂື້ນຜ່ານ ບົດສະຫຼຸບວຽກງານ 6 ເດືອນຕົ້ນປີ ແລະ ແຜນ 6 ເດືອນ ທ້າຍປີວ່າ: ໄດ້ຖືເອົາວຽກງານການເມືອງ – ແນວຄິດຕິດພັນກັບວຽກງານວິຊາສະເພາະ ເປັນຕົ້ມມາຮອດປະຈຸບັນມີຜູ້ນຳໃຊ້ ຂີ້ເຫຍື້ອ ອພບຕ ຈຳນວນ 3,688 ຄົວເຮືອນ, ເທົ່າກັບ 71, 36%, ມີຜູ້ບໍລິການ 1,480 ຄົວເຮືອນ ເທົ່າກັບ 28,64%, ມີບໍລິສັດ 5,168 ຄົວເຮືອນ. ໄດ້ເກັບຂີ້ເຫຍື້ອ 19 ບ້ານພາຍໃນເທດສະບານໄດ້ 2,887 ຖ້ຽວ, ບໍລິມາດ 4,115 ໂຕນ, ໄດ້ດູດສ້ວມໄດ້ 15 ຖ້ຽວ, ບໍລິມາດ 120 ແມັດກ້ອນ ໄດ້ດູດນໍ້າເປື້ອນໄດ້ 58 ຖ້ຽວ ບໍລິມາດ 464 ແມັດກ້ອນ ແລະ ທິດທາງແຜນການ 6 ເດືອນທ້າຍປີ 2021 ຈະສືບຕໍ່ຖືເອົາວຽກງານສຶກສາອົບຮົມການເມືອງ – ແນວຄິດໃຫ້ແກ່ສະມາຊິພັກພະນັກງານ ອພບຕ ເປັນຕົ້ນແມ່ນນະໂຍບາຍຂອງພັກ, ມະຕິ ຄຳສັ່ງ ແລະ ກົດລະບຽບກົດໝາຍຂອງລັດ.
ຂ່າວ-ພາບ: ບຸນເພັດ