ມີເດຍລາວແຂວງບໍ່ແກ້ວ ຂ່າວ: ພຸດສາຄອນ ພັນມີໄຊ ວັນທີ 23 ກໍລະກົດ 2021 ນີ້ ໜ່ວຍພັກກອງບັນຊາການທະຫານເມືອງປາກທາ ໄດ້ດຳເນີນຊີວິດການເມືອງຢູ່ຫ້ອງປະຊຸມຂອງຕົນໂດຍການເປັນປະທານຂອງ ສະຫາຍ ຄຳຈັນ ອິນທະຈັກ ຮອງເລຂາພັກເມືອງ ປະທານກວດກາພັກ-ລັດ, ຫົວໜ້າຕ້ານການສໍ້ລາດບັງຫຼວງຂັ້ນເມືອງ ແລະ ສະຫາຍ ພັນໂທ ສັງທອງ ບຸດສາ ຄະນະປະຈຳພັກເມືອງເລຂາໜ່ວຍພັກຫົວໜ້າການເມືອງກອງບັນຊາການທະຫານເມືອງປາກທາ, ມີທີມງານກວດກາພັກ-ລັດຂັ້ນແຂວງ, ເມືອງ, ຄະນະໜ່ວຍພັກ-ສະມາຊິກພັກພາຍໃນໜ່ວຍເຂົ້າຮ່ວມ.

ສະຫາຍ ພັນໂທ ສັງທອງ ບຸດສາ ຄະນະປະຈຳພັກເມືອງ ເລຂາໜ່ວຍພັກຫົວໜ້າການເມືອງກອງບັນຊາການທະຫານເມືອງປາກທາ ໄດ້ຜ່ານບົດສະຫຼູບຕີລາຄາຄືນ ດ້ານດີ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ ໃນການຈັດຕັັ້ງປະຕິບັດ ແຜນການວຽກງານທີວາງອອກໃນໄລຍະ 1 ເດືອນຜ່ານມາ ໃນນັ້ນໜ່ວຍພັກຂອງຕົນປະກອບມີ 4 ຈຸພັກ ຊີ້ນຳຢູ່ໃນ 4 ພະແນກການ ແລະ 25 ຂະແໜງການ ທີຂຶ້ນກັບພະແນກການ, ຄະນະໜ່ວຍພັກໄດ້ຖືເອົາວຽກງານການເມືອງແນວຄິດເປັນວຽກງານທີ່ສຳຄັນ ເພື່ອສຶກສາອົບຮົມໃຫ້ສະມາຊິກພັກພາຍໃນໜ່ວຍທຸກສະຫາຍ ໃຫ້ມີທັດສະນະການເມືອງໜັກແໜ້ນ, ມີແນວຄິດອຸ່ນອ່ຽງທຸນນທ່ຽງ, ບໍ່ຫຍໍ້ທໍ້ທຸກສະພາບການຕ່າງໆ ທີເກີດຂຶ້ນຢູ່ພາຍໃນ ແລະ ສາກົນ, ມີຄວາມເຊື້ອໜັ້ນຕໍ່ການນຳພາຂອງພັກ ເອົາໃຈໃສ່ກໍ່ສ້າງ ແລະ ປັບປຸງຕົນເອງໄປຕາມ 5 ຫຼັກການ 3 ທິດນຳ ຕາມທີ່ລະບຸໄວ້ໃນກົດລະບຽບພັກ, ຊີ້ນຳ-ນຳພາຕາມພາລະບົດບາດຂອງຕົນເອງ, ກວດກາຕິດຕາມຂະຫຍາຍພັກ ແລະ ກໍ່ສ້າງໜ່ວຍພັກໃຫ້ຖືກຕ້ອງຕາມແຜນການທີ່ວາງໄວ້, ປັບປຸງແບບແຜນວິທີນໍາພາຂອງຄະນະພັກໃຫ້ດີຂຶ້ນເລື່ອຍໆ, ຍາມໃດກໍ່ຍົກສູງຫຼັກການລວມສູນປະຊາທິປະໄຕເຮັດວຽກເປັນໝູ່ຄະນະແບ່ງບຸກຄົນຮັບຜິດຊອບຢ່າງຈະແຈ້ງ ເປັນແບບຢ່າງທີ່ດີໃຫ້ແກ່ມະຫາຊົນຜູ້ກ່າວໜ້າ ຊີ້ນຳບັນດາຈຸພັກ ດຳເນີນຊີວິດການເມືອງເປັນປົກກະຕິ ເພື່ອເຮັດໃຫ້ກົມກອງຂອງຕົນໃຫ້ເປັນກອງທີ່ມີແບບແຜນທັນສະໄໝ. ຈາກນັ້ນບັນດາສະມາຊິກພາຍໃນໜ່ວຍກໍ່ໄດ້ປະກອບຄຳເຫັນໃນບົດສະຫຼຸບ ແລະ ຕຳນິສົ່ງຂ່າວເຊິງກັນ ແລະ ກັນເພື່ອເປັນການກໍ່ສ້າງເປັນໜ່ວຍພັກປອດໃສ່, ເຂັ້ມແຂງ, ໜັກແໜ້ນ.

ໂອກາດນີ້ສະຫາຍ ຄຳຈັນ ອິນທະຈັກ ຍັງໄດ້ໂອ້ລົມຫຼາຍບັນຫາສໍາຄັນ ພ້ອມທັງເນັ້ນໜັກໃຫ້ ຄະນະພັກ-ຄະນະບັນຊາ ກົມກອງ ຈົ່ງເອົາໃຈໃສ່ ເພີ່ມທະວີເຮັດວຽກງານສຶກສາອົບຮົບການເມືອງ-ແນວຄິດໃຫ້ ແທດເໝາະກັບສະພາບເງື່ອນໄຂຕົວຈິງ ເພີ່ມທະວີຍົກສູງພາລະບົດບາດການຊີ້ນໍາ-ນໍາພາຕໍ່ໜ້າທີ່ການເມືອງຄວາມຮັບຜິດຊອບຂອງຕົນໃຫ້ສູງຂຶ້ນ ມີຄວາມເຊື້ອໝັ້ນຕໍ່ແນວທາງແຜນນະໂຍບາຍ ຂອງພັກ-ກົດໝາຍຂອງລັດ ແລະ ຍຶດໝັ້ນຕໍ່ລັດທິສັງຄົມນິຍົມກໍຄືອຸດົມການຂອງພັກ ຕີຖອຍບັນ ຫາປະກົດການຫຍໍ້ທໍ້ໃນຖັນແຖວ ພະນັກງານ-ສະມາຊິພັກທຸກຂັ້ນຢ່າງເລິກເຊິ່ງເຖິງຖອງ. ພິເສດທຸກພາກສ່ວນຕ້ອງເປັນເຈົ້າການເຟົ້າລະວັງ ຕອບຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ 19 ຢູ່ພາຍໃນປະເທດເຮົາ ເວົ້າສະເພາະ ແຂວງບໍ່ແກ້ວ ໃຫ້ໝົດໄປ.