ມີເດຍລາວແຂວງສາລະວັນ ໂດຍ:ກິນດາວັນ ອ້ວນນາຄູ ເພື່ອເປັນການສືບຕໍ່ປະກອບສ່ວນເຂົ້າໃນວຽກງານປ້ອງກັນ, ຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ທີ່ກໍາລັງແຜ່ລະບາດຢູ່ທົ່ວໂລກ, ທົ່ວປະເທດລາວ ເວົ້າສະເພາະກໍຄືແຂວງສາລະວັນທີ່ກໍາລັງພົບກັບບັນຫາພະຍາດໂຄວິດ-19, ມາໃນວັນທີ 27 ກໍລະກົດ 2021 ນີ້, ທີ່ສະໂມສອນຂອງແຂວງໄດ້ມີພິທີມອບ-ຮັບພາຫະນະລົດຈັກສາມລໍ້ ຈໍານວນ 1 ຄັນ ມູນຄ່າ 12,000,000 ກີບ ໃຫ້ພະແນກສາທາລະນະສຸກແຂວງ, ເຊິ່ງເຄື່ອງຊ່ວຍເຫຼືອດັ່ງກ່າວແມ່ນເຄື່ອງຊ່ວຍເຫຼືອຈາກອົງການປົກຄອງແຂວງສາລະວັນ,

ໃຫ້ກຽດມອບໂດຍ ທ່ານ ປອ ໂພໄຊ ໄຊຍະສອນ ເລຂາພັກແຂວງ ເຈົ້າແຂວງສາລະວັນ ພ້ອມຄະນະ ຮັບໂດຍ ທ່ານ ດຣ ອາຄົມ ລໍ່າວິຈິດ ກໍາມະການພັກແຂວງ ຫົວໜ້າພະແນກສາທາລະນະສຸກແຂວງ, ຮອງຫົວໜ້າຄະນະສະເພາະກິດ ປ້ອງກັນໂຄວິດ-19ຂັ້ນແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ