ມີເດຍລາວແຂວງຈຳປາສັກ ຂ່າວ-ພາບ: ສະຫະພັນກຳມະບານເມືອງ ໃນວັນທີ26ກໍລະກົດ2021ທ່ານ ອຳນວຍ ເຮືອງວົງສາ ຮອງເລຂາພັກເມືອງ ຜູ້ຊີ້ນຳວຽກງານພັກພະນັກແລະອົງການຈັດຕັ້ງມະຫາຊົນ ພ້ອມຄະນະປະທານແລະພະນັກງານວິຊາການສະຫະພັນກຳມະບານເມືອງບາຈຽງຈະເລີນສຸກ ແຂວງຈຳປາສັກ

ໄດ້ໄປມອບເງິນນະໂຍບາຍກອງທຶນຊ່ວຍເຫຼືອເຊິ່ງກັນແລະກັນ-ທານຸເຄາະລວມສູນທົ່ວແຂວງຈຳປາສັກ(ກຊທ)ແລະກອງທຶນ ກ ຊ ກ ຂອງເມືອງໃຫ້ແກ່ຄອບຄົວທ່ານ ສີເຮືອງ ດວງມາລາ(ຜູ້ເສຍຊີວິດ) ອະດີດພະນັກສູນໄຟຟ້າ,ອະດີດປະທານຮາກຖານກຳມະບານສູນໄຟຟ້າເມືອງບາຈຽງຈະເລີນສຸກຈຳນວນ 37.000.000 ກີບ(ສາມສິບເຈັດລ້ານ ກີບ) ໃນນັ້ນກອງທຶນ ກຊກ ຂອງເມືອງ 2ລ້ານກີບ ເພື່ອເປັນການຊ່ວຍເຫຼືອຄອບຄົວຂອງຜູ້ເສຍຊີວິດ ໂດຍມີຫົວໜ້າສູນໄຟຟ້າເມືອງບາຈຽງຈະເລີນສຸກແລະຍາດຕິພີນ້ອງຄອບຄົວດັ່ງກ່າວເຂົ້າຮ່ວມເປັນສັກຂີ່ພິຍານ.