ມີເດຍລາວແຂວງຈຳປາສັກ ວັນທີ 28 ກໍລະກົດ 2021 ນີ້ຢູ່ທີ່ໂຮງຮຽນ ມໍສໍ ສຸກສໍາພັນໄດ້ຈັດພິທີເປີດການສອບເສັງຈົບຊັ້ນມັດທະຍົມຕອນປາຍ (ມໍ 7 )ຂື້ນຢ່າງເປັນການ ໂດຍໃຫ້ກຽດເປັນປະທານຂອງທ່ານ ປະລິນຍາເອກ  ຄໍາກິ່ງແກ້ວ ປັດທໍາມະວົງ ຮອງເຈົ້າເມືອງບາຈຽງຈະເລີນສຸກ,ທ່ານ ອຸດອນ ສິລິວັງເວີນ ຫົວໜ້າຫ້ອງການສືກສາທິການແລະກິລາເມືອງ,ມີພະແນກທີ່ກ່ຽວຂ້ອງຂອງແຂວງ-ເມືອງ,ຄະນະກຳມະການຍາມຫ້ອງສອບເສັງ,ສະມາຄົມພໍ່ແມ່ນັກຮຽນ ພ້ອມດ້ວຍນ້ອງໆນັກຮຽນເຂົ້າຮ່ວມຢ່າງຫຼວງຫຼາຍ

ໃນການສອບເສັງຄັ້ງນີ້ ແບ່ງເປັນ 2 ສູນສອບເສັງ ຄື : ສູນສອບເສັງມໍສໍ ສຸກສໍາພັນ ແລະ ສູນສອບເສັງມໍສໍ ພູບາຈຽງ ໃນນັ້ນສູນສອບເສັງມໍສໍ ສຸກສໍາພັນ ມີ 4 ໂຮງຮຽນເຂົ້າຮ່ວມຄື : ມໍສໍ ແກ້ງເກຍ, ມໍສໍ ສຸກສໍາພັນ , ມໍສໍ ໄຊສໍາພັນ,ມໍສໍ ແກ້ງຍາວ ແລະ ສູນສອບເສັງ ມໍສໍ ພູບາຈຽງ ມີ 3 ໂຮງຮຽນເຂົ້າຮ່ວມຄື : ມໍສໍ ຫົວແຊ,ມໍສໍ ພູບາຈຽງ ແລະ ມໍສໍ ລົ່ມສັກໃຕ້ , ມີຈໍານວນນັກສອບສອບເສັງທັງໝົດ 429 ຄົນ,ຍິງ 247 ຄົນ,ມີຫ້ອງສອບເສັງ 22 ຫ້ອງ,ກຳມະການຍາມຫ້ອງສອບເສັງ 44 ທ່ານ ການສອບເສັງຄັ້ງນີ້ແມ່ນໄດ້ຈັດຂື້ນໃນລະຫວ່າງວັນທີ 28-30ກໍລະກົດ 2021ເປັນເວລາ 3 ວັນ ຈື່ງສໍາລັບເລັດ ສໍາລັບວິຊາທີ່ນໍາມາສອບເສັງມີ 5 ວິຊາຄື : ວິຊາພາສາລາວ-ວັນນະຄະດີ,ວິຊາວິທະຍາສາດສັງຄົມ,ວິຊາວິທະຍາສາດ-ທໍາມະຊາດ,ວິຊາພາສາອັງກິດ ແລະ ວິຊາຄະນິດສາດ ເພື່ອເຮັດໃຫ້ການສອບເສັງເທຶ່ອນີ້ມີຄວາມໂປ່ງໃສ່,ເປັນລະບຽບຮຽບຮ້ອຍ ແລະ ມີຄຸນນະພາບຄະນະກຳມະການຍັງໄດ້ເປີດຫົວບົດສອບເສັງຊ່ອງໜ້າຂອງນັກສອງເສັງອິກດ້ວຍ.