ມີເດຍລາວແຂວງຫຼວງພະບາງ ຂ່າວ:ສີສຸວັນ
ໃນລະຫວ່າງວັນທີ 14-15 ກໍລະກົດ 2021 ນີ້ ພະແນກການເງິນແຂວງຫຼວງພະບາງໄດ້ຈັດກອງປະຊຸມສ້າງແຜນກຳນົດພະນັກງານນຳພາ-ຄຸ້ມຄອງ (ຂັ້ນແຂວງຄຸ້ມຄອງ) ແຕ່ປີ 2021-2025 ໄດ້ໄຂຂຶ້ນ ທີ່ຫ້ອງປະຊຸມຂອງພະແນກດັ່ງກ່າວ, ໂດຍການເປັນປະທານຂອງ ທ່ານ ຄິນຄຳ ເລັ່ງສະຫັວດ ຫົວໜ້າພະແນກການເງີນແຂວງ, ເຂົ້າຮ່ວມມີທ່ານ ຄຳຄອງ ພົມມະປັນຍາ ຫົວໜ້າຄະນະຈັດຕັ້ງແຂວງ, ມີບັນດາຄະນະນຳພະແນກ, ອົງການຈັດຕັ້ງທີ່ຂື້ນກັບ, ການຈັດຕັ້ງຂະແໜງການທີ່ກ່ຽວຂ້ອງ, ຕະຫຼອດຮອດພະນັກງານລັດຖະກອນພະແນກການເງີນເຂົ້າຮ່ວມ.

ທ່ານ ຄິນຄຳ ເລັ່ງສະຫັວດ ຫົວໜ້າພະແນກການເງີນແຂວງໃນນາມປະທານກ່າວເປີດກອງປະຊຸມໃນຄັ້ງນີ້ວ່າ: ກອງປະຊຸມຄັ້ງນີ້ແມ່ນມີຄວາມໝາຍສໍາຄັນຫຼາຍເພາະວ່າຜູ້ເຂົ້າຮ່ວມຈະໄດ້ເອົາໃຈໃສ່ຍົກສູງຄວາມຮັບຜິດຊອບ ເຮັດໃຫ້ກອງປະຊຸມປະສົບຜົນສຳເລັດຕາມລະດັບຂາດໝາຍນັ້ນ ຈິ່ງຕ້ອງໄດ້ພ້ອມກັນຄົ້ນຄ້ວາປະກອບຄຳຄິດຄຳເຫັນຕໍ່ກັບວຽກງານສ້າງແຜນກຳນົດພະນັກງານນຳພາ-ຄຸ້ມຄອງເພື່ອໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນ, ສາມາດຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນແຕ່ລະໄລຍະ ແລະຈະໄດ້ພ້ອມກັນສຸມໃສ 2 ເນື້ອໃນ ເປັນຕົ້ນແມ່ນ ພ້ອມກັນເຊື່ອມຊືມມະຕິຂອງກົມການເມືອງສູນກາງພັກ ເລກທີ 032/ກມສພ, ວ່າດ້ວຍການສ້າງແຜນກຳນົດພະນັກງານນຳພາ-ຄຸ້ມຄອງ ໃນທົ່ວປະເທດ, ຄຳແນະນຳຂອງຄະນະຈັດຕັ້ງສູນກາງພັກ ເລກທີ 292/ຄຈສພ, ກ່ຽວກັບການຈັດຕັ້ງປະຕິບັດມະຕິຂອງກົມການເມືອງສູນກາງພັກ ວ່າດ້ວຍມາດຕະຖານຂອງພະນັກງານນຳພາ-ຄຸ້ມຄອງ, ວຽກງານຄູ້ມຄອງພະນັກງານ ແລະ ວຽກງານສ້າງແຜນກຳນົດພະນັກງານນຳພາ-ຄຸ້ມຄອງ, ພ້ອມກັນຄົ້ນຄວ້າ, ປະກອບຄຳຄິດ-ຄຳເຫັນ ແລະ ດຳເນີນການທາບທາມເພື່ອຄັດເລືອກເອົາບຸກຄະລາກອນເຂົ້າໃນແຜນກຳນົດພະນັກງານນຳພາ-ຄຸ້ມຄອງໃນສະເພາະໜ້າ ແລະ ຍາວນານ.

ສໍາລັບຕອນທ້າຍກອງປະຊຸມຍັງໄດ້ຮັບຟັງການໂອ້ລົມໃຫ້ທິດຊີ້ນໍາຈາກ ທ່ານຫົວໜ້າຄະນະຈັດຕັ້ງແຂວງຕື່ມອີກໂດຍທ່ານໄດ້ເນັ້ນໃຫ້ຄະນະນໍາຂອງພະແນກຍົກສູງສ້າງແຜນໃນວຽກງານການກໍານົດພະ ນັກງານໃຫ້ຖືກເປົ້າໝາຍ ເອົາໃຈໃສ່ກວດກາຕີລາຄາການຈັດຕັ້ງປະບັດຄຳສ່ັງຂອງກົມການເມືອງສູນກາງພັກ ເພື່ອພ້ອມກັນຄົ້ນຄ້ວາປຶກສາຫາລືຊອກຫາວິທີການ, ມາດຕະການແກ້ໄຂໃນຕໍ່ໜ້າ, ແນໃສ່ສ້າງພະ ນັກງານສືບທອດປ່ຽນແທນໃນສະເພາະໜ້າ ແລະ ຍາວນານໃຫ້ມີຄຸນນະພາບ, ຕາມແນວທາງປ່ຽນແປ່ງ ໃໝ່ຮອບດ້ານທີ່ມີຫຼັກການຂອງພັກໃຫ້ມີຄວາມຍືນຍົງຕະຫຼອດໄປ.