ມີເດຍລາວແຂວງຫຼວງພະບາງ ຂ່າວ: ສີສຸວັນ
ແຫຼ່ງຂ່າວຂໍ້ມູນຈາກກຸ່ມບໍລິສັດກໍ່ສ້າງທາງລົດໄຟ ສປ ຈີນຊ່ວງທີ່ 3 ໃຫ້ຮູ້ວ່າມາຮອດ ວັນທີ 23 ເດືອນ ກໍລະກົດ 2021ສະຖານີໂພນໂຮງໜື່ງໃນໂຄງການທາງລົດໄຟລາວ-ຈີນໄດ້ສໍາເລັດເປັນແຫ່ງທໍາອິດ,ເຊິ່ງຮັບເໝົາກໍ່ສ້າງໂດຍກຸ່ມບໍລິສັດກໍ່ສ້າງທາງລົດໄຟ ສປ ຈີນ,ໄດ້ເປັນຜູ້ນຳໜ້າໃນການສຳເລັດເປັນແຫ່ງທຳອິດທັງພາຍໃນແລະພາຍນອກຂອງອາຄານສະຖານີໂດຍສານທັງໝົດ10ແຫ່ງເສັ້ນທາງລົດໄຟ,ເປັນຂີດໝາຍສະແດງໃຫ້ເຫັນເຖິງການກໍ່ສ້າງສະຖານີລົດໄຟລາວ-ຈີນໄດ້ກ້າວເຂົ້າສູ່ຂັ້ນຕອນສຸດທ້າຍຂອງການແລ່ນລົດໄຟແລ້ວ.

ສະຖານີໂພນໂຮງແມ່ນຕັ້ງຢູ່ເມືອງໂພນໂຮງແຂວງວຽງຈັນປະເທດລາວ,ອອກແບບໃຫ້ມີບ່ອນຂື້ນລົງລົດໄຟ2ບ່ອນແລະມີເສັ້ນທາງລົດໄຟ3ສາຍ(ລວມທັງສາຍຫຼັກ),ອາຄານສະຖານີຕັ້ງຢູ່ເບື້ອງຊ້າຍຂອງສາຍຫຼັກ,ການອອກແບບສະຖານີແມ່ນສາມາດບັນຈຸຜູ້ໂດຍສານສູງສຸດ 300 ຄົນແລະເນື້ອທີ່ກໍ່ສ້າງແມ່ນ 1.498,7 ຕາແມັດ,ນັບວ່າເປັນອາຄານສະຖານີຂະໜາດນ້ອຍ.ສໍາລັບສະຖານີໂພນໂຮງແມ່ນຕັ້ງຢູ່ພື້ນທີ່ໂປ່ງໃສສາມາດເບິ່ງເຫັນບ່ອນຈອດລົດພາຍນອກໄດ້,ການໃຊ້ສີເຫລືອງຂອງຫຼັງຄາທາງພຸດທະສາສະໜາຂອງລາວແລະໂຄງຈວຍລັກສະນະຊາຍຫຼັງຄາແບບຈີນທີ່ໄດ້ປະສົມປະສານເຂົ້າກັນເປັນຢ່າງດີ,ຫ້ອງການລໍຖ້າແມ່ນມີຄວາມຫລູຫລາ,ສີໄມ້ສົດຊື່ນມີຄວາມເປັນທຳມະຊາດ,ສີຂຽວອ່ອນທີ່ເປັນສີພື້ນຖານ,ການຕົກແຕ່ງຈອມເສົາພາຍໃນອາຄານດ້ວຍຮູບຊົງຂອງດອກຈຳປາດອກໄມ້ແຫ່ງຊາດຂອງລາວໄດ້ສະແດງໃຫ້ເຫັນເຖິງແນວຄວາມຄິດໃນການອອກແບບທີ່ວ່າ”ລັກສະນະພິເສດຂອງສອງປະເທດລາວ-ຈີນເພີ່ມພູມສະເໜ່ໃຫ້ເມືອງໂພນໂຮງ”.

ນັບຕັ້ງແຕ່ເລີ່ມຕົ້ນການກໍ່ສ້າງ,ພວກເຮົາກຸ່ມບໍລິສັດກໍ່ສ້າງທາງລົດໄຟສປຈີນຊ່ວງທີ່ 3 ໄດ້ຍຶດໝັ້ນໃນເປົ້າໝາຍ“ສ້າງໂຄງການດີເດັ່ນຈຸດປະສົງ ກໍເພື່ອຮັບໃຊ້ການຄົມມະນາຄົມຄ່ອງແຄ້ວ,ອົບອຸ່ນແລະເປັນມິດກັບສີ່ງແວດລ້ອມ,ຊຸກຍູ້ທາງດ້ານເສດຖະກິດ,ທັນສະໄໝ,ວ່ອງໄວສະດວກສະບາຍ,ໄດ້ພະຍາຍາມທຸກວິທີທາງເພື່ອເອົາຊະນະຕໍ່ຄວາມຫຍຸ້ງຍາກລຳບາກໃນການເຂົ້າສູ່ສະຖານທີ່ກໍ່ສ້າງໃນຊ່ວງທີ່ພະຍາດລະບາດ,ໃນຊ່ວງລະດູຝົນທີ່ຝົນຕົກແຮງແລະເຕັມໄປດ້ວຍດິນຕົມໃນສະຖານທີ່ກໍ່ສ້າງ,ສະພາບອາກາດທີ່ມີອຸນຫະພູມສູງໄດ້ສົ່ງຜົນຕໍ່ຈິດວິນຍານຂອງນັກສູ້ຢ່າງເຕັມທີ່ໂດຍສະເພາະແມ່ນຄວາມທົນຕໍ່ຄວາມຍາກລຳບາກແລະຄວາມສາມາດພິເສດໃນການຕໍ່ສູ້ການກໍ່ສ້າງສະຖານີໂພນໂຮງໄດ້ບັນລຸຄວາມຄືບໜ້າທີ່ປອດໄພ,ມີຄຸນນະພາບສູງ,ມີປະສິດທິພາບດີແລະເປັນສະຖານີທຳອິດຂອງເສັ້ນທາງລົດໄຟທັງໝົດທີ່ສຳເລັດການເທຄອນກີດຂອງຫຼັງຄາ,ເປັນອາຄານສະຖານີແຫ່ງທີ່ສອງໃນເສັ້ນທາງລົດໄຟທີ່ໄດ້ສຳເລັດການມຸງຫຼັງຄາລ່ວງໜ້າ10ມື້,ປະສົບຜົນສຳເລັດໃນການເປັນເຈົ້າພາບຈັດກອງປະຊຸມແລກປ່ຽນຮຽນຮູ້ປະສົບການ.
ການກໍ່ສ້າງຫຼັງຄາສະຖານີໂພນໂຮງ”ໄດ້ຮັບນາມວ່າສະຖານີທີ່ກໍ່ສ້າງມາດຕະຖານຂອງທາງລົດໄຟບໍ່ເຕ່ນຫານະຄອນຫຼວງວຽງຈັນໃນປີ2020 ດ້ວຍອັນດັບທີ່ໜື່ງ ແລະ ໄດ້ຮັບລາງວັນກຽດຕິຍົດຫຼາຍຕຳແໜ່ງລວມທັງໜ່ວຍງານດີເດັ່ນ ປີ 2020 ຕື່ມອີກ.