ມີເດຍລາວແຂວງຫຼວງນ້ຳທາ ຂ່າວ: ສົມພອນ ຂຸນດາວົງ
ວັນທີ 28 ກໍລະກົດ 2021 16 ຢູ່ທີ່ໂຮງຮຽນທິດສະດີການເມືອງ – ການປົກຄອງແຂວງຫຼວງນໍ້າທາ ໄດ້ຈັດຕັ້ງເຊື່ອມຊຶມເອກະສານວັນສໍາຄັນຕ່າງໆຂອງພັກຂອງຊາດໃຫ້ຄະນະອຳນວຍການໂຮງຮຽນ ພະນັກງານລັດຖະກອນ, ຄູອາຈານ ແລະ ນັກສຶກສາ,

ໂດຍການເປັນປະທານຂອງ ສະຫາຍ ປທ ສີງໄຊ ວັນຄຳ ກໍາມະການພັກແຂວງ ອໍານວຍການໂຮງຮຽນທິດສະດີ ການເມືອງ – ການປົກຄອງແຂວງການຈັດຕັ້ງເຊືjອມຊືມບັນດາເອກະສານຄັ້ງນີ້ ເຊິ່ງມີ ມະຕິວ່າດ້ວຍການເພີ່ມທະວີການນຳພາຂອງພັກຕໍ່ວຽກງານວັດທະນາທຳໃນໄລຍະໃໝ່ມະຕິວ່າດ້ວຍ ການຍົກສູງຄຸນນະພາບ ວຽກງານການເມືອງ-ແນວຄິດໃນໄລຍະໃໝ່,ຄຳແນະນຳກ່ຽວກັບການປະຕິບັດລະບຽບການຂອງພັກປະຊາຊົນປະ
ຕິວັດລາວສະໄໝທີ XI, ວັນເຊັນສົນທິສັນຍາມິດຕະພາບ-ການຮ່ວມມືຮອບດ້ານຄົບຮອບ 44ປີ, ວັນສ້າງຕັ້ງສາຍພົວພັນການທູດລາວ-ຫວຽດນາມຄົບຮອບ 59ປີ, ເຜີຍແຜ່ມູນເຊື້ອການເຄື່ອນໄຫວປະຕິວັດຂອງທ່ານປະທານ ສຸພານຸວົງ ແລະ ວັນສ້າງຕັ້ງພັກກອມມູນິດຈີນຄົບຮອບ 100 ປີຕື່ມອີກ.

ທັງນີ້ກໍ່ເພື່ອແນໃສ່ເຮັດໃຫ້ສະມາຊິກພັກພະນັກງານ-ລັດຖະກອນ ຄູ-ອາຈານຕະຫຼອດຮອດນັກສືກສາພາຍໃນໂຮງຮຽນ ກໍາແໜ້ນເນື້ອໃນຈິດໃຈຂອງເອກະສານ ແລະ ບັນດາມູນເຊື້ອວັນສໍາຄັນຕ່າງໆເພື່ອນໍາໄປຈັດຕັ້ງປະຕິບັດເຂົ້າໃນໜ້າທີ່ວຽກງານຂອງຕົນຮັບຜິດຮອບໃຫ້ໄດ້ຮັບຜົນດີຂື້ນກວ່າເກົ່າ ເຊິ່ງພັກເຮົາຖືວ່າວຽກງານການເມືອງ-ແນວຄິດແມ່ນວຽກກົກໃນການກໍ່ສ້າງປັບປຸງພັກເປັນປັດໃຈສໍາຄັນຮັບປະກັນສະຖຽນລະພາບທາງດ້ານການເມືອງ,ຮັບປະກັນຄວາມໝັ້ນຄົງຂອງປະເທດຊາດ ແລະ ຄວາມສະຫງົບສຸກຂອງສັງຄົມ,ສ້າງກໍາລັງແຮງໃນການປະຕິບັດໃນໜ້າທີ່ຕົວຈີງຂອງພັກ ແມ່ນວຽກທີ່ສອດຫ້ອຍທຸກຂົງເຂດການເຄື່ອນໄຫວ ແລະ ທຸກຂອດຂອງການນໍາພາເພື່ອຫັນປ່ຽນສູ່ແນວຄິດໃໝ່ ໃຫ້ວຽກງານການເມືອງ-ແນວຄິດມີຄວາມໜັກແໜ້ນ, ພັກໄດ້ຖືວັດທະນະທໍາເປັນປັດໃຈພື້ນຖານແຫ່ງການດໍາລົງຄົງຕົວຂອງຊາດ,ເປັນກໍາລັງຊຸກດັນໃຫ້ແກ່ສັງຄົມທັງແມ່ນຈຸດໝາຍຂອງການພັດທະນາສັງຄົມ ແລະ ພັດທະນາຄົນ, ເພີ່ມທະວີການນໍາພາ-ຊີ້ນໍາການສ້າງວັດທະນະທໍາທີ່ມີລັກສະນະຊາດ, ກ້າວໜ້າ ແລະ ມະຫາຊົນ ເພື່ອອະນຸລັກ, ປົກປັກຮັກສາ ແລະ ເສີມຂະຫຍາຍບັນດາຄຸນຄ່າພູມປັນຍາ, ມໍລະດົກວັດທະນະທໍາ, ຮິດຄອງປະເພນີອັນດີງາມຂອງຊາດ, ຂອງເຜົ່າ.