ມີເດຍລາວແຂວງຈຳປາສັກ
ໃນວັນທີ 29-30 ກໍລະກົດນີ້ ສະມາຊິກສະພາແຫ່ງຊາດເຂດເລືອກຕັ້ງທີ 15 ແຂວງຈຳປາສັກ ຈຸ2 ນຳໂດຍ ທ່ານ ມະນີວົງ ແສນລາດ ຄະນະປະຈຳສະພາປະຊາຊົນແຂວງ ປະທານຄະນະກຳມະການວັດທະນະທຳ-ສັງຄົມ ແລະ ບັນດາເຜົ່າ ສະມາຊິກສະພາແຫ່ງຊາດເຂດເລືອກຕັ້ງທີ 15 ແຂວງຈຳປາສັກ,ທ່ານ ນ ສົມຫັວງ ມູນສິງໂຄດ ຮອງເລຂາພັກເມືອງ ປະທານກວດກາພັກ-ລັດ ເມືອງ ສະມາຊິກສະພາປະຊາຊົນແຂວງຈຳປາສັກ ປະຈຳເຂດເລືອກຕັ້ງເມືອງມຸນ ແລະ ທ່ານ ວັນນະສັກ ຊາດຕະກຸນ ຫົວໜ້າພະແນກການຕ່າງປະເທດ ສະມາຊິກສະພາປະຊາຊົນແຂວງຈຳປາສັກ ເຂດເລືອກຕັ້ງເມືອງມຸນ. ສືບຕໍ່ເຄື່ອນໄຫວລົງເຜີຍແຜ່ ຜົນສຳເລັດກອງປະຊຸມໃຫ່ຍຄັ້ງປະຖົມມະລຶກຂອງສະພາແຫ່ງຊາດຊຸດທີ IX ແລະ ສະພາປະຊາຊົນແຂວງຈຳປາສັກຊຸດທີ II ໃຫ້ແກ່ພໍ່ແມ່ປະຊາຊົນ,ພະນັກງານລັດຖະກອນ ພາຍໃນ5 ຈຸດຄື: ຈຸດບ້ານເວີນຍາງ ກຸ່ມນາດີ,ບ້ານຫ້ວຍຍາງ ກຸ່ມສະພັງ,ບ້ານລວງໂຊ້,ບ້ານໃໝ່ ກຸ່ມເວີນແຄນ ແລະ ສຳນັກງານ(ສະໂມສອນ)ຂອງເມືອງມຸນລະປາໂມກ.

ຈຸດປະສົງ: ກໍ່ເພື່ອເປັນການເຜີຍແຜ່ບັນດາມະຕິຮັບຮອງໃນກອງປະຊຸມຄັ້ງປະຖົມມະລຶກຂອງ ສສຊ ຊຸດທີ IX ແລະ ສສຂ ຊຸດທີ II ໃຫ້ພໍ່ແມ່ປະຊາຊົນ,ພະນັກງານລັກຖະກອນໄດ້ຮັບຮູ້ເຂົ້າໃຈຕໍ່ກັບລະບົບກົງຈັກການຈັດຕັ້ງ,ສິດແລະໜ້າທີ່ຂອງ ສສຊ ແລະ ສສຂ ພ້ອມທັງລົງພົບປະໂອ້ລົມໃຫ້ພໍ່ແມ່ປະຊາຊົນ, ພະນັກ ງານລັດຖະກອນ ໄດ້ມີຄຳຄິດ,ຄຳເຫັນ,ຄຳສະເໜີ ເພື່ອເກັບກຳເປັນຂໍ້ມູນແລ້ວນຳໄປຄົ້ນຄົ້ວພິຈາລະນາກັບຜູ້ແທນໃນກອງປະຊຸມສະໄໝວິສາມັນທີ່ຈະໄຂຂື້ນໃນຕໍ່ໜ້າ.
ເຂົ້າຮ່ວມຮັບຟັງການເຜີຍແຜ່ໃນຄັ້ງນີ້ມີ: ຮອງເລຂາພັກເມືອງ,ຄະນະປະຈຳພັກເມືອງ,ກຳມະການພັກເມືອງ,ຫົວໜ້າຄະນະຫ້ອງການ,ພະນັກງານລັດຖະກອນ,ທະຫານ, ຕຳຫຼວດ,ປະທານ-ຄະນະປະທານຊີ້ນຳກຸ່ມບ້ານ,ອົງການຈັດຕັ້ງບ້ານ ພ້ອມດ້ວຍພໍ່ແມ່ປະຊາຊົນໃນແຕ່ລະຈຸດເຂົ້າຮ່ວມ.
( ຂ່າວ ພາບ: ໜູລີ່ ຊາພັກດີ )