ມີເດຍລາວແຂວງບໍ່ແກ້ວ ພາບ, ຂ່າວ: ບຸນ\ຈັນ ບຸນປັນຍາ
ວັນທີ 29 ກໍລະກົດນີ້, ກອງບັນຊາການປ້ອງກັນຄວາມສະຫງົບ ເມືອງຫ້ວຍຊາຍ ຈັດກອງປະຊຸມສະຫຼຸບວຽກງານ 6 ເດືອນຕົ້ນປີ ແລະ 6 ເດືອນທ້າຍປີ 2021, ໂດຍການເປັນປະທານຂອງ ທ່ານ ພັນໂທ ສອນໄຊ ມັນນີລັດ ຮອງຫົວໜ້າກອງບັນຊາການປ້ອງກັນຄວາມສະຫງົບເມືອງຫ້ວຍຊາຍ, ເປັນກຽດເຂົ້າຮ່ວມຂອງ ທ່ານ ຫົງແກ້ວ ວິໄນວົງ ກໍາມະການພັກແຂວງ, ເລຂາພັກເມືອງ, ເຈົ້າເມືອງໆຫ້ວຍຊາຍ, ມີບັນດາຄະນະກອງບັນຊາການ, ຫົວໜ້າພະແນກ, ຮອງພະແນກ, ຫົວໜ້າ ປກສ ປະຈໍາກຸ່ມບ້ານເຂົ້າຮ່ວມ.

ທ່ານ ພັນຕີ ກອງແກ້ວ ສິດທີລາດ ຮອງຫົວໜ້າກອງບັນຊາການປ້ອງກັນຄວາມສະຫງົບເມືອງຫ້ວຍຊາຍ, ໄດ້ຂຶ້ນຜ່ານບົດສະຫຼຸບໃນການຈັດຕັ້ງປະຕິບັດໃນໄລຍະ 6 ເດືອນຜ່ານມາ,ຄະນະພັກກອງບັນຊາການປ້ອງກັນຄວາມສະຫງົບເມືອງຫ້ວຍຊາຍ ໄດ້ຖືເອົາວຽກງານສຶກສາອົບຮົມການເມືອງ-ແນວຄິດໃຫ້ພະນັກງານພາຍໃນໄດ້ຮັບຮູ ແລະ ເຂົ້າໃຈຢ່າງເລີກເຊີ່ງ, ຖືເອົາວຽກງານປ້ອງກັນຄວາມສະຫງົບທາງດ້ານການເມືອງ ແລະ ວຽກງານຮັກສາຄວາມເປັນລະບຽບຮຽບຮ້ອຍທາງດ້ານສັງຄົມເປັນສໍາຄັນ, ໄດ້ເອົາໃຈໃສ່ເຄື່ອນໄຫວລາດຕະເວນລົງຕິດຕາມກວດກາ, ບັນດາປະກົດການຫຍໍ້ທໍ້ຍັງເກີດຂຶ້ນຢ່າງຕໍ່ເນື່ອງຕາມກົນໄກເສດຖະກິດ, ທີມີລັກສະນະຮຸນແຮງອັ່ນໄດ້ສ້າງຄວາມເສຍຫາຍທາງດ້ານວັດທຸຊັບສິນ, ຊິວິດ, ສຸຂະພາບໃຫ້ແກ່ສັງຄົມ ແລະ ຄວາມຢ້ານກົວໃຫ້ແກ່ປະຊາຊົນ, ເປັນຕົນແມ່ນບັນຫາຢາເສບຕິດ, ຂີ້ລັກງັກແງະ, ນັກເລງອັນຕະພານ, ອາລະວາດຕີກັນ, ຫຼິ້ນການພະນັນ, ຄ້າຂາຍເຖື່ອນ, ຄົນເລື່ອນລອຍ, ບັນຫາອຸປະຕິເຫດ ແລະ ອື່ນໆ, ວຽກງານສະກັດກັ້ນ ແລະ ແກ້ໄຂປະກົດການຫຍໍ້ທໍ້ໃນສັງຄົມ,

ໄດ້ດໍາເນີນຄະດີອາຍາເກີດຂຶ້ນທັງໝົດ 27 ເລື່ອງ, ກັກຕົວຜູ້ຕ້ອງຫາໄດ້ 42 ຄົນ, ຍິງ 7 ຄົນ, ໄດ້ດໍາເນີນຄະດີຢາເສບຕິດທັງໝົດ 58 ເລື່ອງ,ກັກຕົວຜູ້ຕ້ອງຫາ 74 ຄົນ, 4 ຄົນ, ພ້ອມນັ້ນຜູ້ເຂົ້າຮ່ວກອງປະຊຸມຍັງໄດ້ພັດປ່ຽນກັນຂຶ້ນປະກອບຄໍາຄິດຄໍາເຫັນ, ຈາກນັ້ນກອງປະຊຸມຍັງໄດ້ມອບຫຼຽນໄຊແຮງງານ ໃຫ້ຜູ້ທີມີຜົນງານດີເດັ່ນໃນການປະກອບສ່ວນເຂົ້າໃນການສ້າງສາພັດທະນາປະເທດຊາດ, ຫຼຽນໄຊແຮງງານ ຊັ້ນ 2 ມີ 2 ທ່ານ, ຫຼຽນໄຊແຮງານ ຊັ້ນ 3 ມີ 2 ທ່ານ, ຫຼຽນກາແຮງແຮງ ມີ 2 ທ່ານ, ໃບຍ້ອງຍໍລັດຖະບານ ມີ 1 ທ່ານ ແລະ ໃບຍ້ອງຍໍຂັ້ນກະຊວງປ້ອງກັນຄວາມສະຫງົບ 1 ທ່ານ, ໃຫ້ກຽດມອບໂດຍ ທ່ານ ຫົງແກ້ວ ວິໄວວົງ ກຳມະການພັກແຂວງ, ເລຂາພັກເມືອງເຈົ້າເມືອງໆຫ້ວຍຊາຍ, ພ້ອມມີຄໍາເຫັນໄດ້ສະແດງຍ້ອງຍໍຊົມເຊີຍຕໍ່ຜົນງານ ແລະ ຜົນສຳເລັດທີ່ຄະນະພັກກອງບັນຊາການປ້ອງກັນຄວາມສະຫງົບຍາດມາໄດ້ໃນໄລຍະ 6 ເດືອນຜ່ານມາ, ທ່ານເນັ້ນໜັກໃຫ້ຄະນະຈົ່ງພ້ອມກັນເພີ້ມທະວີວຽກງານປ້ອງກັນຊາດ – ປ້ອງກັນຄວາມສະຫງົບ ແລະ ວຽກງານວັດທະນະທຳ-ສັງຄົມ, ມີຄວາມເຊື່ອໝັ້ນຕໍ່ການຊີ້ນຳໆພາຂອງພັກ, ລະບຽບກົດໝາຍຂອງລັດ ຢ່າງເລີກເຊີ່ງຕໍ່ແນວທາງນະໂຍບາຍຂອງພັກ-ລັດ ແລະ ພາລະບົດບາດ, ສິດ-ໜ້າທີ່ວິຊາສະເພາະຂອງຕົນ ໃນການປົກປັກຮັກສາ ແລະ ສ້າງສາພັດທະນາປະເທດຊາດ ເວົ້າລວມເວົ້າສະເພາະແມ່ນການປົກປັກຮັກສາ ແລະ ສ້າງສາພັດທະນາ ເມືອງຫ້ວຍຊາຍ, ໃຫ້ມີສະຖຽນລະພາບທາງດ້າງການເມືອງໜັກແໜ້ນ, ສັງຄົມມີຄວາມສະຫງົບໂດຍພຶ້ນຖານ.