ມີເດຍລາວແຂວງບໍ່ແກ້ວ ພາບ, ຂ່າວ: ບຸນຈັນ ບຸນປັນຍາ
ວັນທີ 30 ກໍລະກົດນີ້, ຮາກຖານກຳມະບານຮາກຫ້ອງການ-ການເງິນເມືອງຫ້ວຍຊາຍ, ໄດ້ຈັດພິທີມອບຮັບໃບຢັ້ງຢືນຮາກຖານກຳມະບານຮາກຖານ 5 ເປັນເຈົ້າ, ໂດຍເປັນປະທານຂອງ ສະຫາຍ ຄໍາປຸ່ນ ຂັນຕິຍະວົງ ປະທານຮາກຖານກຳມະບານຮາກຫ້ອງການ-ການເງີນ ເມືອງຫ້ວຍຊາຍ, ເປັນກຽດເຂົ້າຮ່ວມຂອງ ສະຫາຍ ທອງພັນ ຈັນທະວົງ ຄະນະປະຈໍາພັກເມືອງ, ປະທານແນວລາວສ້າງຊາດເມືອງຫ້ວຍຊາຍ, ຜູ້ຊີ້ນໍາອົງການຈັດຕັ້ງມະຫາຊົນ, ສະຫາຍ ນາງ ດາໄລພອນ ບຸນຍາວົງ ກໍາມະການພັກເມືອງ, ປະທານສະຫະພັນກໍາມະບານເມືອງຫ້ວຍຊາຍ, ມີບັນດາແຂກຖຶກເຊີນ ຕະຫຼອດຮອດສະມາຊິກກໍາມະບານເຂົ້າຮ່ວມ.

ສະຫາຍ ຄໍາປຸ່ນ ຂັນຕິຍະວົງ ປະທານຮາກຖານກຳມະບານຮາກຫ້ອງການ-ການເງີນ ເມືອງຫ້ວຍຊາຍ, ໄດ້ຂຶ້ນຜ່ານບົດສະຫຼຸບການເຄື່ອນໄຫວໃນການຈັດຕັ້ງປະຕິບັດບັນດາເນື້ອໃນຂໍ້ແຂ່ງຂັນ 5 ເປັນເຈົ້າ, ຮາກຖານກຳມະບານຮາກຫ້ອງການ-ການເງີນເມືອງຫ້ວຍຊາຍ, ມີສະມະາຊິກກຳມະບານທັງໝົດ 44 ສະຫາຍ, ຍິງ 22 ສະຫາຍ, ໄດ້ເຄື່ອນໄຫວພາຍໃຕ້ການຊີ້ນຳໆພາຂອງຄະນະພັກເມືອງ, ໄດ້ຕັ້ງໜ້າປະຕິບັດໜ້າທີ່ການເມືອງ, ຕາມພາລະບົດບາດ ສິດ ແລະ ໜ້າທີ່ຂອງຕົນຢ່າງຕໍ່ເນື່ອງ ແລະ ພ້ອມກັນຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ໃຫ້ໜັກ ແໜ້ນ ແລະ ເຂັ້ມແຂງ, ສະມາຊິກກຳມະບານທຸກ ສະຫາຍ ໄດ້ພ້ອມກັນປະຕິບັດຕາມແນວທາງນະໂຍບາຍຂອງພັກ-ລັດ ໂດຍສະເພາະແມ່ນກົດລະບຽບຂອງສູນກາງສະຫະພັນກຳມະບານລາວວາງອອກດ້ວຍຜົນສຳເຮັດ,

ຈາກນັ້ນໄດ້ຜ່ານຂໍ້ຕົກລົງຂອງປະທານສະຫະພັນກຳມະບານ ແຂວງບໍ່ແກ້ວ ວ່າດ້ວຍການມອບໃບຢັ້ງຢືນຮາກຖານກຳມະບານ ຫ້ອງການ-ການເງີນເມືອງຫ້ວຍຊາຍ ເປັນກຳມະບານ 5 ເປັນເຈົ້າ, ໃຫ້ກຽດຂື້ນມອບ ສະຫາຍ ນາງ ດາໄລພອນ ບຸນຍາວົງ ປະທານສະຫະພັນກຳມະບານເມືອງຫ້ວຍຊາຍ ແລະ ມອບໃບຍ້ອງຍໍຂອງສູນກາງສະຫະພັນກໍາມະບານລາວ,ໃຫ້ກຽດຂື້ນມອບຂອງ ສະຫາຍ ທອງພັນ ຈັນທະວົງ ຄະນະປະຈໍາພັກເມືອງ, ປະທານແນວລາວສ້າງຊາດເມືອງຫ້ວຍຊາຍ, ພ້ອມມີຄໍາເຫັນຍ້ອງຍໍຊົມເຊີຍຕໍ່ຜົນງານທີ່ຮາກຖານກຳມະບານຫ້ອງການ-ການເງີນເມືອງຫ້ວຍຊາຍ, ທີ່ຍາດມາໄດ້ໃນໄລຍະຜ່ານມາ ມີຄຳເຫັນເນັ້ນໜັກໃຫ້ປະທານຮາກຖານ ແລະ ສະມາຊິກກໍາມະບານທຸກ ສະຫາຍ ໃຫ້ມີຄວາມສາມັກຄີພາຍໃນ, ຈົ່ງພ້ອມກັນຄົ້ນຄວ້າຜັນຂະຫຍາຍປັບປຸງການຈັດຕັ້ງຂອງຕົນ ແລະ ສຶກສາອົບຮົມການເມືອງ-ແນວຄິດ ໃຫ້ສະມະຊິກກຳມະບານທຸກສະຫາຍ ໄດ້ຮັບຮູ້ແລະເຂົ້າໃຈຢ່າງເລິກເຊີ່ງ, ພ້ອມກັນສ້າງຂະບວນການອອກແຮງງານ ແລະ ສຶບຕໍ່ຮັກສາມູນເຊື້ອຄຸນງາມຄວາມດີໄວ້ໃຫ້ໝັ້ໜຄົງ, ພ້ອມກັນປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ, ຂອງປະທານສູນກາງສະຫະພັນກຳມະບານລາວວາງອອກໃຫ້ມີຄວາມໜັກແໜ້ນແຂັ້ມແຂງຂື້ນເລື້ອຍໆ.