ໂດຍເຫັນໄດ້ຄວາມຈໍາເປັນໃນການດໍາລົງຊີວິດ ຂອງເພື່ອນມະນຸດດ້ວຍກັນ ທ່າມກາງການລະບາດຂອງພະຍາດໂຄວິດ-19 ທີ່ສົ່ງຜົນກະທົບໄປທົ່ວໂລກ ໂດຍສະເພາະ ແມ່ນກະທົບຕໍ່ການດໍາລົງຊີວິດຂອງປະຊາຊົນທີ່ຫາເຊົ້າກິນຄໍ່າ ກໍຄືຜູ້ທຸກຈົນ ດັ່ງນັ້ນຕອນເຊົ້າ ວັນທີ 01 ສິງຫາ 2021ນີ້ ທ່ານ ຄຳເຜີຍ ໄພບຸນ ພ້ອມດ້ວຍຄອບຄົວຈິ່ງມີປັດໃຈ ແລະໄດ້ແບ່ງປັນນ້ຳໃຈ ນໍາເອົາເຂົ້າສານຈຳນວນ 500 ກິໂລ ເປັນເງິນ 4.000.000ກີບ(ສີ່ລ້ານກີບ) ແລະ ເຄື່ອງນຸ່ງຮົ່ມຈຳນວນໜື່ງ ໄປແຈກຍາຍຊ່ວຍເຫຼືອປະຊາຊົນບ້ານໜອງອ່ຽນເມືອງງອຍ ແຂວງຫຼວງພະບາງ ຈຳນວນ 72 ຄອບຄົວ.

ທ່ານ ສົມລິດ ເຮີຍມະນີ ເລຂາພັກບ້ານນາຍບ້ານໜອງອ່ຽນໄດ້ຕາງໜ້າປະຊາຊົນກ່າວຄຳຂອບໃຈຢ່າງສູງ ຕໍ່ຄອບຄົວ ທ່ານຄຳເຜີຍ ໄພບຸນ ທີ່ໄດ້ແບ່ງປັນນ້ຳໃຈຊ່ວຍເຫຼືອປະຊາຊົນໃນຄັ້ງນີ້ ແລະອວຍພອນໄຊອັນປະເສີດມາຍັງຄອບຄົວຂອງທ່ານຈົ່ງພົບແຕ່ຄວາມສຸກຄວາມຈະເລີນ,ຊື້ໄດ້ຂາຍໝານ ແລະ ລ້ຳລວຍເງິນຄຳຍິ້ງໆຂື້ນໄປ ແລະຫວັງຢ່າງຍິງວ່າທ່ານຈະຊ່ວຍເຫຼືອປະຊາຊົນບ້ານໜອງອ່ຽນໃນຄັ້ງຕໍ່ໆໄປຕື່ມອີກ.
ຂ່າວ: ສາຍສະຫມອນ ຈິດຕະປັນຍາ ຖວທ ເມືອງງອຍ