ໃນລະຫວ່າງວັນທີ່  31 ກໍລະກົດ ຫາວັນທີ 1 ສີງຫາ 2021 ນີ້ ຂະບວນຊາວໜຸ່ມຕະລຸມບອນແຂວງອຸດົມໄຊ ໄດ້ສ້າງຂະບວນການຕະລຸມບອນ ປະກອບສ່ວນເຫື່ອແຮງເຂົ້າໃນການສ້າງສະໂມສອນບ້ານໄຊມຸງຄຸນ ເມືອງຮຸນແຂວງອຸດົມໄຊ ພາຍໄຕ້ການຊີ້ນຳຂອງທ່ານ ອ່ອນແກ້ວ ອຸ່ນອາລົມ ຮອງເຈົ້າແຂວງໆອຸດົມໄຊ, ມີທ່ານ ສົມດີເຕັງເບຼຍຈື່ ເລຂາຄະນະບໍລິຫານງານຊາວໜຸ່ມແຂວງອຸດົມໄຊ ພ້ອມດ້ວຍຄະນະ ແລະ ຮາກຖານຊາວໜຸ່ມຫຼາຍຂົງເຂດເຂົ້າຮ່ວມຄື: ຮາກຖານຊາວໜຸ່ມໂຮງຮຽນເຕັກນິກວິຊາຊີບແບບປະສົມ, ລັດວິສາຫະກິດນ້ໍາປະປາ, ພະແນກແຜນການ, ພະແນກການເງີນ, ພະແນກ ຍທຂ, ພະແນກແຮງງານສະຫວັດດີການ ແລະ ສັງຄົມ, ຊາວໜຸ່ມເມືອງຮຸນ ຕະຫຼອດຮອດປະຊາຊົນພາຍໃນບ້ານເຂົ້າຮ່ວມຢ່າງຫຼວງຫຼາຍ.

      ການສ້າງຂະບວນການຄັ້ງນີ້ກໍ່ເພື່ອເປັນການສ້າງຄວາມສະມັກ ແລະ ສະແດງກຳລັງອັນຫ້າວຫັນຂອງຊາວນຸ່ມຕະລຸມບອນທີ່ອາສາສະໝັກຊ່ວຍເຫຼືອປະຊາຊົນບັນດາເຜົ່າແລະ ສາມາດຜ່ານຜ່າອຸປະສັກໄດ້ຢ່າງບໍຮູ້ອິດຮູ້ເມື່ອຍ ແລະ ເພື່ອເປັນການສ້າງຄວາມດີທົດແທນບຸນຄຸນຂອງປະຊາຊົນບັນດາເຜົ່າໃນນາມເປັນຊາວໜຸ່ມລຸ້ນສືບທອດ, ໃນໂອກາດທີ່ກ່າວເປີດພິທີ ເຊີ່ງທ່ານ ໄດ້ກ່າວວ່າ: ການສ້າງຂະບວນການຄັ້ງນີ້ກໍ່ເພື່ອເປັນການຕອບສະໜອງຄວາມຮຽກຮ້ອງຕ້ອງການຂອງອົງການປົກຄອງບ້ານ ທີ່ຕ້ອງການສະໂມສອນຂອງບ້ານເພື່ອເປັນທີ່ເຕົ້າໂຮມຄວາມສາມັກຄີຂອງປະຊາຊົນພາຍໃນບ້ານ ແລະ ສ້າງເປັນສະຖານທີ່ເຄື່ອນໄຫວ ວາງແຜນການພັດທະນາບ້ານໄຊມຸງຄຸນໃຫ້ມີໃບໜ້າໃຫມ່ ແລະ ພັດທະນາຂື້ນເລື່ອຍ, ດັ່ງນັ້ນຈີ່ງໄດ້ໄລະດົມທືນຈຳນວນ 30 ລ້ານກ່ວາກີບ ໂດຍອາໃສແຮງງານຫຼັກຂອງຊາວໜຸ່ມຕະລຸມບອນແຂວງອຸດົມໄຊເປັນຫຼັກ. ໂດຍມອບໃຫ້ຄະນະບໍລິຫານງານຊາວໜຸ່ມແຂວງເປັນຜູ້ຊີ້ນຳໃນການກໍ່ສ້າງຄັ້ງນີ້.     ເພື່ອປະຕິຕາມການຊີ້ນຳຂອງ ທ່ານຮອງເຈົ້າແຂວງ ຜູ້ຊີ້ນຳວຽກງານເສດຖະກິດສັງຄົມ ໃຫ້ປະກົດຜົນເປັນຈີງນັ້ນ ທ່ານສົມດີເຕັງເບຼຍຈື ເລຂາຄະນະບໍລິຫານງານຊາວໜຸ່ມແຂວງອຸດົມໄຊກໍ່ໄດ້ເຫັນໄດ້ຕໍ່ຄວາມເປັນຫ່ວງເປັນໃຍຂອງການນຳແຂວງຈີ່ງໄດ້ ແບ່ງໜ້າທີ່ຮັບຜິດຊອບໃຫ້ແຕ່ລະຮາກຖານຢ່າງຈະແຈ້ງລະອຽດເພື່ອໃຫ້ວຽກງານສຳເລັດຕາມແຜນການທີ່ກຳນົດໄວ້. 

ໃນໂອກາດທີ່ການນຳແຂວງອຸດົມໄຊ ກໍ່ຄືຄະນະນຳຂັ້ນເມືອງ ຄະນະບໍລິຫານງານຊາວໜຸ່ມຂັ້ນແຂວງ ເມືອງ ທີ່ໄດ້ເຂົ້າຮ່ວມໃນການຊີ້ນຳ- ນໍາພາຂະບວນການໃນຄັ້ງນີ້ ກໍ່ໄດ້ເນັ້ນໃຫ້ຊາວໜຸ່ມທຸກສະຫາຍຈົ່ງພ້ອມກັນສຸມທຸກເຫື່ອແຮງຂອງຕົນເຂົ້າໃນພາລະກິດຄັ້ງນີ້ໃຫ້ສຳເລັດ ແລະ ໃນຕໍ່ໜ້າກໍ່ຈະໄດ້ສ້າງຂະບວນການເພື່ອຕອບແທນບຸນຄຸນຂອງພໍ່ແມ່ປະຊາຊົນຕື່ມອີກສະນັ້ນຈີ່ງຮຽກຮ້ອງໃຫ້ທຸກພາກສ່ວນຈົ່ງເຂົ້າຮ່ວມດ້ວຍຄວາມສະໝັກໃຈ.

ພາບ-ຂ່າວ: ແສງອາທິດ