ມີເດຍລາວແຂວງບໍ່ແກ້ວ ພາບ-ຂ່າວ: ບຸນຈັນ ບຸນປັນຍາ
ວັນທີ 4 ສິງຫານີ້, ຄະນະກວດກາພັກອົງການກວດກລັດເມືອງຫ້ວຍຊາຍ, ຈັດພິທີ ປະກາດເລຂາຮອງເລຂາໜ່ວຍພັກ ຄະນະກວດກາພັກ-ອົງການກວດກລັດເມືອງຫ້ວຍຊາຍ, ເປັນກຽດເຂົ້າຮ່ວມຂອງ ສະຫາຍ ບຸນຄົງ ວົງຄໍາຈັນ, ຮອງເລຂາພັກເມືອງ ປະທານອົງການກວດກາພັກ-ອົງການກວດກລັດເມືອງຫ້ວຍຊາຍ, ມີບັນດາເລຂາຮອງເລຂາໜ່ວຍພັກ, ແຂກຖຶກເຊີນ ຕະຫຼອດຮອດພະນັກງານສະມາຊິກພັກເຂົ້າຮ່ວມ.

ສະຫາຍ ຄໍາວົງ ຄໍາມຸງຄຸນ ຮອງຫົວໜ້າຄະນະຈັດຕັ້ງເມືອງຫ້ວຍຊາຍ, ໄດ້ຜ່ານມະຕິຕົກລົງຂອງຄະນະປະຈໍາພັກເມືອງ ວ່າດ້ວຍການບົງຕົວແຕ່ງຕັ້ງເລຂາ-ຮອງເລຂາໜ່ວຍພັກ ອົງການກວດກາພັກ-ອົງການກວດກລັດເມືອງຫ້ວຍຊາຍ, ເຫັນດີແຕ່ງຕັ້ງ ສະຫາຍ ສີວອນ ກິ່ງທະວັນ ເປັນເລຂາໜ່ວຍພັກ, ສະຫາຍ ບຸນທອງ ວິລະພັນ ເປັນຮອງເລຂາໜ່ວຍພັກ, ສະຫາຍ ຄໍາສີ ຄໍາມຸງຄຸນ ເປັນກໍາມະການໜ່ວຍພັກ, ເຫັນດີແຕ່ງຕັ້ງປະທານ-ຮອງປະທານກວດກາໜ່ວຍພັກ, ສະຫາຍ ບຸນທອງ ວິລະພັນ ເປັນປະທານກວດກາໜ່ວຍພັກ, ສະຫາຍ ຄໍາພູ ອິນທະໄຊ ເປັນຮອງປະທານກວດກາໜ່ວຍພັກ.

ໂອກາດນີ້, ສະຫາຍ ບຸນຄົງ ວົງຄໍາຈັນ, ຮອງເລຂາພັກເມືອງ ປະທານອົງການກວດກາພັກ-ອົງການກວດກລັດເມືອງຫ້ວຍຊາຍ, ໄດ້ມີຄຳເຫັນຍ້ອງຍໍຊົມເຊີຍຊົມເຊີຍຕໍ່ຜົນງານທາງຄະນະພັກສະມາຊິກພັກຍາດມາໄດ້ໃນໄລຍະຜ່ານມາ, ສະຫາຍໄດ້ເນັ້ນໜັກໃຫ້ສະຫາຍທີຖຶກແຕ່ງຕັ້ງຈົ່ງພ້ອມກັນສືບຕໍ່ສຶກສາອົບຮົມການເມືອງ-ແນວຄິດ ແລະ ເຕົ້າໂຮມຄວາມສາມັກຄີພາຍໃນເປັນປຶກແຜ່ນ,ແກ້ໄຂສະພາບປະກົດການຫຍໍ້ທໍ້ທີ່ເກີດຂຶ້ນຢູ່ພາຍໃນໜ່ວຍພັກໃຫ້ໝົດໄປ, ເພື່ອເຮັດໃຫ້ໜ່ວຍພັກກາຍເປັນໜ່ວຍພັກແຂງຮູ້ນໍາພາຮອບດ້ານໃຫ້ປະກົດຜົນເປັນຈິງເທື່ອລະກ້າວ.