ມີເດຍລາວແຂວງວຽງຈັນ ພາບ-ຂ່າວ: ບຸນມາ ແກ້ວບຸດດາ. ໃນວັນທີ 5 ສິງຫາ 2021 , ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງວຽງຈັນ ໄດ້ສ້າງຂະບວນການອອກແຮງງານລວມ ເພື່ອຕ້ອນຮັບວັນສຳຄັນຕ່າງໆ ຂອງຊາດ ແລະ ຂອງແຂວງ, ໂດຍການນຳພາຂອງທ່ານ ນາງ ອິ່ນຄຳ ພັນດາລາ ກຳມະການພັກແຂວງ, ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງວຽງຈັນ, ມີບັນດາຄະນະພະແນກ, ພ້ອມດ້ວຍພະນັກງານຂອງພະແນກດັ່ງກ່າວເຂົ້າຮ່ວມ.

ທ່ານ ສຳພັນ ມະນີຈັນ ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງ ໄດ້ໃຫ້ສຳພາດຕໍ່ຜູ້ສື່ຂ່າວວ່າ: ການອອກແຮງງານລວມໃນຄັ້ງນີ້ເພື່ອເປັນການສ້າງຂະບວນການຕ້ອນຮັບວັນສຳຄັນຂອງຊາດ ແລະ ຂອງແຂວງເປັນຕົ້ນແມ່ນ ວັນສື່ມວນຊົນແຫ່ງຊາດ ແລະ ວັນການພິມຈຳໜ່າຍ ຄົບຮອບ 71 ປີ, ວັນລັດຖະທຳມະນູນແຫ່ງຊາດ ຄົບຮອບ 30 ປີ, ວັນຍຶດອຳນາດທົ່ວປະເທດ ຄົບຮອບ 46 ປີ ແລະ ວັນສ້າງຕັ້ງແຂວງວຽງຈັນ ຄົບຮອບ 40 ປີ ໃຫ້ມີບັນຢ່າງກາດຟົດຟຶື້ນ, ກິດຈະກຳໃນການອອກແຮງງານຄັ້ງນີ້ໄດ້ມີການຖ່າງປ່າຕາມຂອບເຂດຂອງພະແນກ, ສະຖານີວິທະຍຸ-ໂທລະພາບແຂວງ ແລະ ອານາໄມທຳຄວາມສະອາດສຳນັກງານ, ຫ້ອງການຂອງແຕ່ລະຂະແໜງການ ເພື່ອເຮັດໃຫ້ພາຍໃນພະແນກມີຄວາມສະອາດງາມຕາ ແລະ ທັງເປັນການທຳລາຍແຫຼ່ງເພາະພັນຍຸງລາຍ ທີ່ອາດຈະນຳເຊື້ອພະຍາດໄຂ້ຍຸງລາຍ ຫຼື ພະຍາດໄຂ້ເລືອກອອກ ມາສູ່ພະນັກງານຂອງພະແນກດັ່ງກ່າວ.