ມີເດຍລາວແຂວງວຽງຈັນ ພາບ-ຂ່າວ:ດາວເພັດແກ້ວປະເສີດ ໃນວັນທີ 5 ສິງຫາ 2021 ຜ່ານມານີ້ ທ່ານ ອຸດອນ ແກ້ວສີນທະວອນ ກຳມະການພັກເມືອງ ຫົວໜ້າຫ້ອງການພາຍໃນ ເມືອງແກ້ວອຸດົມພ້ອມດ້ວຍທີມງານໄດ້ລົງຊຸກຍູ້ວຽກງານການປົກຄອງທ້ອງຖີ່ນຢູ່ 5 ບ້ານເປົ້າໝາຍສາມສ້າງຕິດພັນກັບ 5 ໜ່ວຍງານຂອງບ້ານເຊີ່ງປະກອບມີ:ບ້ານແສງສະຫວ່າງ,ບ້ານພູເຂົາຄຳ,ບ້ານໂພນຄຳ,ບ້ານສາມັກຄີໄຊ ແລະ ບ້ານຫາດທາ ເມືອງແກ້ວອຸດົມ ໃຫ້ຮູ້ວ່າ:ກົດໝາຍສະບັບນີ້ໄດ້ກຳນົດຫຼັກການ ແລະ ລະບຽບການກຽ່ວກັບການຈັດຕັ້ງ,ການເຄື່ອນໃຫວ ແລະ ລະບອບແຜນວິທີເຮັດວຽກຂອງອົງການປົກຄອງທ້ອງຖີ່ນເພື່ອປັບປຸງ ແລະ ສ້າງອົງການປົກຄອງທ້ອງຖີ່ນໃຫ້ມີຄວາມໜັກແໜ້ນເຂັ້ມແຂງ,ໂປ່ງໃສ ແລະ ເປັນລະບົບໃນທົ່ວປະເທດ ແນໃສ່ຮັບປະກັນການປະຕິບັດລັດຖະທຳມະນູນ,ກົດໜາຍ,ແຜນພັດທະນາເສດຖະກິດ-ສັງຄົມ,ແຜນງົບປະມານແຫ່ງລັດ,ວຽກງານປ້ອງກັນຊາດ-ປ້ອງກັນຄວາມສະຫງົບ,ວຽກງານການຕ່າງປະເທດ ຕາມການແບ່ງຂັ້ນຄຸ້ມຄອງ,ປົກປ້ອງຜົນປະໂຫຍດຂອງລັດ,ລວມໜູ່,ສິດ ແລະ ຜົນປະໂຫຍດອັນຊອບທຳຂອງປະຊາຊົນ

ປະກອບສ່ວນເຮັດໃຫ້ປະຊາຊົນຮັ່ງມີຜາສຸກ,ປະເທດຊາດມັ່ງຄັ່ງແຂັ້ມແຂງ,ສັງຄົມສາມັກຄີປ່ອງດອງ,ປະຊາທິປະໄຕ,ຍຸຕິທຳ ແລະ ສີວິໄລ.ເອກະສານທີ່ນຳໄປຈັດຕັ້ງປະຕິບັດໃນຄັ້ງນີ້ປະກອບມີ:ກົດໝາຍວ່າດ້ວຍການປົກຄອງທ້ອງຖິ່ນ(ສະບັບປັບປຸງ)ເລກທີ 68/ສພຊ,ລົງວັນທີ 14 ທັນວາ 2015,ເອກະສານມາດຕະການບ້ານໜັກແໜ້ນເຂັ້ມແຂງ ແລະ ເອກະສານການຈັດຕັ້ງ ແລະ ການເຄື່ອນໄຫວຂອງອົງການປົກຄອງຂັ້ນບ້ານ,ກອງປະຊຸມແມ່ນໄດ້ຈັດຂື້ນຢູ່ທີ່ຫ້ອງປະຊຸມຫ້ອງການປົກຄອງບ້ານແສງສະຫວ່າງເມືອງແກ້ວອຸດົມ,ໂດຍການເປັນກຽດເຂົ້າຮ່ວມມີ ເລຂາພັກບ້ານ,ນາຍບ້ານພ້ອມດ້ວຍບັນດາອົງການຈັດຕັ້ງບ້ານ 5 ບ້ານເປົ້າໜາຍສາມສ້າງເຂົ້າຮ່ວມ 80 ກ່ວາຄົນ.