ມີເດຍລາວແຂວງຜົ້ງສາລີ
(ສພຂ. ຜລ) ວັນທີ 6 ສິງຫາ 2021 ສະພາປະຊາຊົນແຂວງຜົ້ງສາລີ (ສພຂ) ສ້າງຂະບວນການອອກແຮງງານ ລວມ ເພື່ອຂໍ່ານັບຮັບຕ້ອນ ວັນລັດຖະທໍາມະນູນແຫ່ງຊາດ ຄົບຮອບ 30 ປີ. ມີພະນັກງານ-ລັດຖະກອນພາຍໃນ ສພຂ ເຂົ້າຮ່ວມຢ່າງເປັນຂະບວນຟົດຟື້ນ.

ການສ້າງຂະບວນການອອກແຮງງານລວມຄັ້ງນີ້ ກໍເພື່ອຂໍ່ານັບຮັບຕ້ອນວັນລັດຖະທໍາມະນູນ ຄົບຮອບ 30 ປີ (15 ສິງຫາ 1991-15 ສິງຫາ 2021) ທີ່ຈະເຖິງໃນມໍ່ໆນີ້ ແລະ ເພື່ອເປັນການປະກອບສ່ວນຊຸກຍຸ້ ເຫດການປະຫວັດສາດໃນດ້ານນິຕິບັດຍັດ, ທາງດ້ານການເມືອງຂອງລາວ ໂດຍສະເພາະ ການຈັດຕັ້ງສະເຫຼີມສະຫຼອງວັນລັດຖະທໍາມະນູນແຫ່ງຊາດ ຄົບຮອບ 30 ປີ ຢູ່ແຂວງຜົ້ງສາລີ.

ໃຫ້ເຕັມໄປດ້ວຍບັນຍາກາດ, ຂະບວນການທີ່ຟົດຟື້ນ ແລະ ມີຄວາມໝາຍ, ຄວາມສໍາຄັນທາງດ້ານເນື້ອໃນ, ພິທິການ. ຊິ່ງການສ້າງຂະບວນການໃນຄັ້ງນີ້ ທາງ ສພຂ ກໍໄດ້ຈັດແຈງບັນດາໜ້າວຽກ ເປັນຕົ້ນ: ອະນາໄມອ້ອມແອ້ມຕຶກສໍານັກງານ ສພຂ ໃຫ້ມີຄວາມສະອາດ ແລະ ຄວາມເປັນລະບຽບຮຽບຮ້ອຍ, ຕັດຫຍ້າອ້ອມແອ້ມຕຶກສໍານັກງານ ແລະ ໃສ່ຝຸ່ນ ຕາມຕົນໄມ້ປະດັບ ທີ່ໄດ້ປຸກໄວ້ໃນໄລຍະຜ່ານມາໃຫ້ມີຄວາມຂຽວງາມ, ພ້ອມກັນນັ້ນ ກໍໄດ້ປູກ ຕົ້ນດອກໄມ້ຕື່ມອີກຈໍານວນໜຶ່ງ.
ສະພາປະຊາຊົນແຂວງຜົ້ງສາລີ (ນາງ ສຸກສົມພອນ ແກ້ວແສງພະຈັນ)