ມີເດຍລາວແຂວງສາລະວັນ ດີລໍາພົນ ພົມມະຈັນ ຄະນະສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 14 ແຂວງສາລະວັນ ໄດ້ນຳເອົາເຄື່ອງຊ່ວຍເຫຼືອ ມາມອບໃຫ້ສະພາປະຊາຊົນແຂວງສາລະວັນ, ໃນຄັ້ງວັນທີ 7 ສິງຫານີ້, ເຊີ່ງມີປະເພດ: ຜ້າອັດປາກ-ດັງ ຈຳນວນ 9 ແກັດ, ໝີ່ 35 ແກັດ ລວມມູນຄ່າ 6.500.000 ກີບ. ມອບໂດຍ: ທ່ານ ສຸບັນ ສະວະບຸດ ຄະນະປະຈໍາສະພາແຫ່ງຊາດ (ສພຊ) ກໍາມາທິການວຽກງານສະມາຊິກສະພາແຫ່ງຊາດ ທັງເປັນ ສສຊ ປະຈໍາເຂດເລືອກຕັ້ງທີ 14 (ຜູ້ປະຈໍາຢູ່ສູນກາງ), ຮັບໂດຍ ທ່ານ ສີເຮັງ ຫອມສົມບັດ ຮອງເລຂາພັກແຂວງ ປະທານສະພາປະຊາຊົນແຂວງສາລະວັນ ພ້ອມດ້ວຍຄະນະ. ສຳລັບເຄື່ອງທີ່ນຳມາມອບໃນຄັ້ງນີ້ ຈະໄດ້ສືບຕໍ່ນໍາໄປມອບໃຫ້ສູນຈຳກັດບໍລິເວນ ເພື່ອນຳໃຊ້ເຂົ້າໃນວຽກງານປ້ອງກັນພະຍາດໂຄວິດ-19.