ມີເດຍລາວແຂວງບໍ່ແກ້ວ ຂ່າວ ພັດສະວົງ ບຸນຍະຜົນ ວັນທີ 9 ສິງຫາ ນີ້ ຢູ່ທີ່ບ້ານ ໃຫຍ່ປາກທາ, ບ້ານ ດອນມີໄຊ ບ້ານ ດອນສະຫວັນ ໄດ້ມີພິທີມອບເຂົ້າສານໃຫ້ປະຊາຊົນຜູ້ທຸກຍາກ ແລະ ຜູ້ທີ່ຖືກຜົນກະທົບໄພທຳມະຊາດ ໂດຍການເຂົ້າຮ່ວມຂອງ ທ່ານ ສຸໄລ ດວງຜາຄຳ ເຈົ້າເມືອງໆປາກທາ ທ່ານ ນາງ ຈັນສຸກ ວັນນະວົງ ຮອງເຈົ້າເມືອງ ຜູ້ຊີ້ນຳວຽກງານວັດທະນະທຳ-ສັງຄົມ ມີຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງ,ຕະຫຼອດຮອດອຳນາດການປົກຄອງບ້ານ ແລະ ພໍ່ແມ່ປະຊາຊົນ 3 ບ້ານ ເຂົ້າຮ່ວມ.

ເຂົ້າສານທີ່ນຳມາມອບໃນຄັ້ງນີ້ ແມ່ນໄດ້ມາຈາກການຊ່ວຍເຫຼື່ອຂອງລັດຖະບານ ຊ່ວຍເຫຼື່ອປະຊາຊົນທີ່ຖືກຜົນກະທົບໄພພິບັດທາງທຳມະຊາດໄພແຫ້ງແລ້ງ ແລະ ຜູ້ທີຖືກຜົນກະທົບນ້ຳໄຫຼຊຸ ນາ, ໄຮ່, ສວນ ຄອບຄົວທຸກຍາກອານາຖາ ໃນ 3 ບ້ານຄື: ບ້ານໃຫຍ່ປາກທາ ມີ 22 ຄອບຄົວ ຈຳນວນ 1000 ກິໂລ ບ້ານດອນມີໄຊ ມີ 10 ຄອບຄົວ ຈຳນວນເຂົ້າ 432 ກິໂລ ແລະ ບ້ານດອນສະຫວັນ ມີ 7 ຄອບຄົວ ຈຳນວນເຂົ້າ 348 ກິໂລ ລວມທັງໝົດ 39 ຄອບຄົວ ຈຳນວນເຂົ້າທີນຳມາຊ່ວຍເຫຼື່ອໃນຄັ້ງນີ້ 1,780 ກິໂລກາລາມ. ຫຼັງຈາກມອບໃຫ້ 3 ບ້ານນີ້ແລ້ວ ທາງເມືອງແມ່ນຈະໄດ້ລົງສືບຕໍ່ມອບໃຫ້ບັນດາບ້ານທີໄດ້ຮັບຜົນກະທົບ ແລະ ບ້ານທຸກຍາກທົ່ວເມືອງຕື່ມອີກ.

ທ່ານ ສຸໄລ ດວງຜາຄຳ ເຈົ້າເມືອງໆປາກທາ ໄດ້ມີຄຳເຫັນເນັ້ນໜັກໃຫ້ອຳນາດການປົກຄອງບ້ານ ແລະ ພໍ່ແມ່ປະຊາຊົນຮູ້ວ່າ ການນຳເຂົ້າມາຊ່ວຍເຫຼືອໃນຄັ້ງນີ້ກໍ່ ເພື່ອມາຊ່ວຍເຫຼື່ອບັນເທົ່າທຸກໃນເບື່ອງຕົ້ນເຫັນໄດ້ໃນຄວາມຂາດເຂີນຂອງພໍ່ແມ່ປະຊາຊົນໃນຊວງວິກິດການລະບາດຂອງພະຍາດໂຄວິດ -19 ທີ່ແຜ່ກະຈາຍເປັນວົງກວ້າງ ເຮັດໃຫ້ບໍ່ມີວຽກເຮັດ ງານທຳ ອຳນາດການປົກຄອງບ້ານຕ້ອງແບ່ງ ແລະ ແຈກຢາຍເຂົ້າໃຫ້ກັບປະຊາຊົນຜູ້ທີມີມາດຖານເງື່ນອນໄຂທີ່ຈະໄດ້ຮັບເຂົ້າເປັນຄົນຄອບຄົວທຸກຍາກ,ຄອບຄົວທີ່ບໍ່ມີກຳລັງແຮງງານ ແລະ ຄອບຄົວຜູ້ທີຖືກຜົນກະທົບທາງທຳມະຊາດໃຫ້ຖືກຕ້ອງໂປ່ງໃສ່ ແລະ ໃຫ້ທົ່ວເຖິງ.