ມີເດຍລາວແຂວງວຽງຈັນ ພາບ- ຂ່າວ: ເມືອງ​ແມດ ບຸນ​ລ້ອມ ໃນ​ວັນ​ທີ່ 6 ສິງ​ຫາ 2021 ຜ່ານ​ມານີ້, ຢູ່​ທີ່​ສະ​ໂມ​ສອນ​ຂອງ​ເມືອງ​ແມດ ແຂວງວຽງ​ຈັນ ໄດ້​ມີ​ຊຸດຝຶກ​ອົບ​ຮົມ​ສ້າງ​ຄວາມ​ເຂັ້ມ​ແຂງ​ການ​ຄຸ້ມ​ຄອງ​ໂຄງ​ການ​ລົງ​ທຶນ​ຂອງ​ລັດ, ໂດຍ​ການເປັນ​ປະ​ທານ​ຂອງ​ທ່ານ ນາງ ສົມ​ພອນ ພິ​ນິດ ຫົວ​ໜ້າ​ຂະ​ແໜງ​ປະ​ເມີນ​ຜົນ , ພະ​ແນກ​ແຜນ​ການ ແລະ ການ​ລົງ​ທຶນ​ແຂວງ​ຈັນ, ທ່ານ ທອງ​ຫວັນ ມຸງ​ຄຸນ​ວິ​ໄລ ກຳ​ມະ​ການ​ພັກ​ເມືອງ ຮອງ​ເຈົ້າ​ເມືອງໆ​ແມດ ແລະ ມີ​ນັກ​ສຳ​ມະ​ນາ​ກອນ​ຈາກ​ພະ​ແນກ​ແຜນ​ການ ແລະ ການ​ລົງ​ທຶນ, ພ້ອມ​ດ້ວຍ​ນັກ​ສຳ​ມະ​ນາ​ກອນ​ຈາກ​ຫ້ອງ​ການ​ທີ່​ກ່ຽວ​ຂ້ອງ​ພາຍ​ໃນ​ເມືອງ​ເຂົ້າ​ຮ່ວມ 20 ທ່ານ, ຍິງ 1 ທ່ານ,

ໃນ​ໂອກາດນີ້ ທ່ານ ນາງ ສົມ​ພອນ ພິ​ນິດ ຫົວ​ໜ້າ​ຂະ​ແໜງ​ປະ​ເມີນ​ຜົນ ພະ​ແນກ​ແຜນ​ການ ແລະ ການ​ລົງ​ທຶນ​ແຂວງວຽງ​ຈັນ ກໍ່​ໄດ້​ຂື້ນ​ເຜີຍ​ແຜ່​ຄຳ​ແນະ​ນຳ​ກ່ຽວ​ກັບ​ການ​ຈັດ​ຕັ້ງ​ປະ​ຕິ​ບັດ​ກົດ​ໝາຍ​ການ​ລົງ​ທຶນ​ຈອງ​ລັດ​ສະ​ບັບ​ເລກ​ທີ່ 0889 / ກ ຜ ທ ລົງ​ວັ​ຮ​ທີ່ 9 ມີ​ຖຸ​ນາ 2021 ແລະ ແນະ​ນຳ​ຂັ້ນ​ຕອນ​ການ​ປະ​ກອບ​ເອ​ກະ​ສານ​ເພື່ອ​ມາ​ເຮັດ​ການ​ປະ​ເມີນ​ຕາມ​ແຕ່​ລະ​ຂັ້ນ​ຕອນ, ຄຳ​ແນະ​ນຳ​ສະ​ບັບ​ນີ້ວາງ​ອອກ​ເພື່ອ​ຜັນ​ຂະ​ຫຍາຍ​ ແລະ ແນະ​ນຳ​ການ​ຈັດ​ຕັ້ງ​ປະ​ຕິ​ບັດ​ເນື້ອ​ໃນ​ບາງ​ມາດ​ຕາ​ຂອງ​ກົດ​ໝາຍ​ວ່າ​ດ້ວຍ​ການ​ລົງ​ທຶນ​ຂອງ​ລັດ​ສະ​ບັບ​ເລກ​ທີ່ 72/ສ​ພ​ຊ ລົງ​ວັນ​ທີ່ 15 ທັນ​ວາ 2015 ເພື່ອ​ຜັນ​ຂະ​ຫຍາຍ​ເນື້ອ​ໃນ​ຂອງ​ກົດ​ໝາຍ​ດັ່ງ​ກ່າວ ມີ​ຄວາມ​ລະ​ອຽດ​ຈະ​ແຈ້ງ​ຂື້ນ, ມີ​ຄວາມ​ເຂົ້າ​ໃຈ ແລະ ສາ​ມາດ​ປະ​ຕິ​ບັດ​ໄດ້​ຖືກ​ຕ້ອງ​ຕໍ່​ບັນ​ດາ​ເນື້ອ​ໃນ​ທາງ​ດ້ານ​ວິ​ຊາ​ການທີ່​ບັນ​ຍັດ​ໄວ້​ໃນ​ກົດ​ໝາຍ​ດັ່ງ​ກ່າວ, ເພື່ອ​ໃຫ້​ບັນ​ດາ​ກະ​ຊວງ, ອົງ​ການ​ລັດ​ທຽບ​ເທົ່າ​ກະ​ຊວງ, ອົງ​ການ​ປົກ​ຄອງ​ທ້ອງ​ຖິ່ນ ແລະ ພາກ​ສ່ວນ​ທີ່​ກ່ຽວ​ຂ້ອງ​ໄດ​ນຳ​ໄປ​ເປັນ​ບ່ອນ​ອິງ​ໃນ​ການ​ສ້າງ, ຄຸ້ມ​ຄອງ, ປະ​ຕິ​ບັດ, ຕິດ​ຕາມ, ກວດ​ກາ ແລະ ສະຫຼຸບ​ລາຍ​ງານ​ແຜນ​ການ​ລົງ​ທຶນ​ຂອງ​ລັດ​ປະ​ຈຳ​ປີ,

ຫຼັງ​ຈາກນັ້ນຍັງ​ໄດ້​ຜ່ານບົດ​ສະ​ເໜີ​ໂຄງ​ຄື: ​ການ​ສຳ​ລັບ​ສົ່ງ​ເສີມ​ວິ​ຊາ​ການ​ທີ່​ຕິດ​ພັນ​ກັບ​ການກໍ່​ສ້າງ, ບົດ​ສະ​ເໜີ​ໂຄງ​ການ​ສຳ​ລັບ​ການ​ສຶກ​ສາ​ຄວາມ​ເປັນ​ໄປ​ໄດ້ ແລະ ຫຼື​ ສຳຫຼວດ​ອອກ​ແບບ, ບົດ​ສະ​ເໜີ​ໂຄງ​ການ​ສຳ​ລັບ​ໂຄງ​ການ​ທີ່​ຖືກ​ໂຈະ ແລະ ພື້ນ​ຟູ​ຄືນ​ໃໝ່, ບົດ​ສະ​ເໜີ​ໂຄງ​ການ​ສຳ​ລັບ​ສົ່ງ​ເສີມ​ວິ​ຊາ​ການ​ທີ່​ຕິດ​ພັນ​ກັບ​ການກໍ່​ສ້າງ, ບົດ​ສະ​ເໜີ​ໂຄງ​ການກໍ່​ສ້າງ ແລະ ສ້ອມ​ແປງ​ພື້ນ​ຖານ​ໂຄງ​ລ່າງ, ບົດ​ສະ​ເໜີ​ໂຄງ​ການ​ສຳ​ລັບ​ໂຄງ​ການ​ສະ​ໜອງວັດ​ຖຸ​ປະ​ກອນ, ບົດ​ລາຍ​ງານຄວາມ​ຄືບ​ໜ້າ​ສຳ​ລັບ​ໂຄງ​ການກໍ່​ສ້າງ ແລະ ສ້ອມ​ແປງ​ພື້ນ​ຖານ​ໂຄງ​ລ່າງ ແລະ ພ້ອມ​ທັງ​ຜ່ານບົດ​ລາຍ​ງານຄື: ບົດ​ລາຍ​ງານ​ຄວາມ​ຄືບ​ໜ້າ​ສຳ​ລັບ​ສົ່ງ​ເສີມ​ວິ​ຊາ​ການ​ທີ່​ຕິດ​ພັນ​ກັບ​ການກໍ່​ສ້າງ​, ບົດ​ລາຍ​ງານ​ການ​ສຳ​ເລັດ​ໂຄງ​ການກໍ່​ສ້າງ ແລະ ສ້ອມ​ແປງ​ພື້ນ​ຖານ​ໂຄງ​ລ່າງ, ບົດ​ລາຍ​ງານ​ການ​ສຳ​ເລັດ​ໂຄງ​ການ​ສຳ​ລັບ​ສົ່ງ​ເສີມ​ວິ​ຊາ​ການ​ທີ່ບໍ່​ຕິດ​ພັນ​ກັບ​ການກໍ່​ສ້າງ-ທີ່​ຕິດ​ພັນ​ກັບ​ການກໍ່​ສ້າງ ແລະ ໂຄງ​ການ​ສະ​ໜອງວັດ​ຖຸ​ປະ​ກອນ, ບົດ​ລາຍ​ງານ​ການ​ສຳ​ເລັດ​ໂຄງ​ການ​ສຳ​ລັບ​ການ​ສຶກ​ສາ​ຄວາມ​ເປັນ​ໄປ​ໄດ້ ແລະ ຫຼື​ສຳຫຼວດ​ອອກ​ແບບ, ສຳ​ລັບ​ການ​ຝຶກ​ອົບ​ຮົມ​ໃນ​ຄັ້ງ​ນີ້ ເຊິ່ງ​ໄດ້​ຕີ​ລາ​ຄາ​ປະ​ເມີນ​ຜົນ​ໄດ້​ຮັບ​ໃນ​ການ​ຝຶກ​ອົບ​ຮົມ​ໄດ້ 85 %