ກອງປະຊຸມເຜີຍແຜ່ເຊື່ອມຊືມເອກະສານອົບຮົມສະມາຊິກພັກໃໝ່ ໄດ້ຈັດຂື້ນຢ່າງເປັນທາງການໃນວັນທີ່ 11 ສີງຫາ 2021 ນີ້ ທີ່ສະໂມສອນແຂວງອຸດົມໄຊ ໂດຍການເປັນປະທານຂອງທ່ານ ມໍຊົງ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ, ມີມ່ານນາງ ແກ້ວໄຊ ມະນິວົງ ຮອງຫົວໜ້າຄະນະໂຄສະນາອົບຮົມແຂວງ ພ້ອມດ້ວຍຄະນະຮັບຜິດຊອບ ແລະ ສະມາຊິກພັກໃຫມ່ທີ່ມາຈາກ 22 ພາກສ່ວນ ເຂົ້າຮ່ວມ. ຈຸດປະສົງຂອງການເຜີຍແຜ່ເອກະສານຄັ້ງນີ້ ກໍ່ເພື່ອເຮັດໃຫ້ສະມາຊິກພັກໃຫມ່ເຂົ້້າໃຈຢ່າງເລີກເຊີ່ງເຖີງແນວທາງນະໂຍບາຍຂອງພັກ, ກົດລະບຽບ ແລະ ອຸດົມການຂອງພັກຢ່າງແທ້ຈີງ.  

ທ່ານ ມໍຊົງ ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ, ໄດ້ກ່າວໃນກອງປະຊຸມວ່າ: ການອົບຮົມສະມາຊິກພັກໃຫມ່ອ້ອມຂ້າງແຂວງຄັ້ງນີ້ເປັນບາດກ້າວໜື່ງທີ່ສຳຄັນ  ເພາະມັນຈະເຮັດໃຫ້ມີຄວາມເຂົ້າໃຈກ່ຽວກັບເອກະສານຕ່າງໆໄດ້ຢ່າງເລີກເຊີ່ງ, ໂດຍສະເພາະແມ່ນຄວາມຮູ້ພື້ນຖານກ່ຽວກັບລັດທິທາກ-ເລນິນ, ວຽກງານກໍ່ສ້າງ ແລະ ປັບປຸງພັກ, ຄຸນທາດການເມືອງ ແລະ ຄຸນສົມບັດ ສິນທຳປະຕິວັດຂອງສະມາຊິກພັກ, ເຊີດຊູຄວາມເປັນແບບຢ່າງນຳໜ້າຂອງສະມາຊິກພັກ, ແກ້ໄຂພະຍາດອາດຍາສິດ, ສະກັດກັ້ນ ແລະ ຕ້ານການສໍ້ລາດບັງຫຼວງ ແລະ ອື່ນໆ, ທັງນີ້ ກໍ່ເພື່ອເຮັດໃຫ້ສະມາຊິກພັກໃໝ່ເຊື່ອມຊືມ ແລະ ເຊື່ອໝັ້ນຕໍ່ກັບອຸດົມການຂອງພັກ ກໍຄືແນວທາງປ່ຽນແປງໃໝ່ຂອງພັກ, ລະບຽບກົດໝາຍລັດ,  ຮັບຮູ້, ເຂົ້າໃຈ ແລະ ຍຶດໝັ້ນຕໍ່ອຸດົມການຂອງພັກ ກໍ່ຄືຈຸດໝາຍສັງຄົມນິຍົມ, ​ຮູ້​ຈຳ​ແນກ​ໄດ້ມິດ – ສັດຕູ​ຢ່າງ​ຈະ​ແຈ້ງ ເປັນເຈົ້າການຕ້ານ ແລະ ສະກັດກັ້ນທຸກປະກົດການຫຍໍ້ທໍ້ເກີດຂື້ນ, ມີຄວາມດຸໝັ່ນ, ພາກພຽນ, ສັດຊື່, ປອດໃສ  ມີຄວາມຫ້າວຫັນ, ບຸກບືນ, ຕື່ນຕົວເປັນເຈົ້າການຈັດຕັ້ງປະຕິບັດວຽກງານໃນຄວາມຮັບຜິດຊອບ, ວຽກງານຂະບວນການລວມຕ່າງໆ ແລະ ເຮັດວຽກມີແບບແຜນ,  ມີຄວາມສັດຊື່, ປອດໃສຕໍ່ການຈັດຕັ້ງ ກໍຄືຕໍ່ພັກ ແລະປະຊາຊົນສະເໝີ ບໍ່ເຄີຍຄິດທີ່ຈະສວຍໂອກາດຍັກຍອກສໍ້ໂກງເອົາຊັບສົມບັດ ສ່ວນລວມມາເປັນຂອງຕົ້ນເອງ.

ພາບ-ຂ່າວ: ແສງອາທິດ