ມີເດຍລາວແຂວງຫຼວງພະບາງ ຂ່າວ: ບຸນຈັນ ຖົມມະນີ ນັກຂ່າວເມືອງໂພນທອງ ວັນທີ 10 ສິງຫາ 2021ນີ້ ທີ່ຫ້ອງປະຊຸມສາທາລະນະສຸກເມືອງໂພນທອງ ແຂວງຫຼວງພະບາງ ໄດ້ຈັດກອງປະຊຸມປືກສາຫາລືກ່ຽວກັບການສັກວັກຊິນ ຈອນສັນ ແອນ ຈອນສັນ ,ໂດຍມີທ່ານ ທອງດີດວງພະຈັນ ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະແກ້ໄຂການແຜ່ລະບາດພະຢາດໂຄວິດ-19 ຂັ້ນເມືອງ ພ້ອມດ້ວຍຄະນະສະເພາະກິດຂອງເມືອງເຂົ້າຮ່ວມ.

ທ່ານ ນາງ ນຸແກ້ວ ພັນພອນຈະເລີນ ໄດ້ຕາງໜ້າຄະນະສະເພາະກິດ ເມືອງໄດ້ລາຍງານ ການແບ່ງປັນວັກຊີນ ຈອນສັນ ແອນ ຈອນສັນ ຈາກພະແນກສາທາລະນະສູກແຂວງ ຈຳນວນ 1500 ໂດສໃຫ້ເມືອງໂພນທອງ, ເພື່ອຈະນໍາໄປສັກໃຫ້ກັບຜູ້ຢູ່ຫ່າງໄກຊອກຫລີກ ແລະຜູ້ສູງອາຍຸ, ເຊິ່ງການປະຕິບັດຕົວຈິງອາດຈະມີຄວາມລຳບາກ ເພາະເປັນໄລຍະລະດູຝົນ, ເສັ້ນທາງຫລາຍຈຸດບໍ່ອຳນວຍຄວາມສະດວກ, ຄະນະສະພະກິດຈຶງໄດ້ຄົ້ນຄວ້າປຶກສາຫາລື ແລະຕົກລົງເຫັນດີເປັນເອກະພາບກຳນົດເອົາ 3 ຈຸດເປັນຈຸດບໍລິການສັກວັກຊີນຄື: ໂຮງໜໍນ້ອຍນາຫຼວງ, ໂຮງໝໍຊຸມຊົນຂອງເມືອງ ແລະໂຮງໝໍນ້ອຍກີວເກຍ. ເຊິງຈະເລີ່ມປະຕິບັດ ໃນວັນທີ 13 ສີງຫາປີ 2021. ໃນນັ້ນ ຈະເລັ່ງສັກໃຫ້ກັບກຸ່ມເປົ່າໝາຍ ທີມີອາຍຸ 18-60 ປີ ແລະຄູສອນ ທີ່ຍັງບໍ່ທັນສັກວັກຊິນສະນິດອື່ນມາກ່ອນ.ຈາກນັ້ນຈະສືບຕໍ່ສັກໃຫ້ກັບປະຊາຊົນທົ່ວໄປຈົນກ່ວາຈະຄົບ 1.500 ໂດສ ແລະອາດຈະຂໍການແບ່ງປັນວັກຊີນຕຶ່ມອີກ ຫາກຍັງມີກຸ່ມເປົ້າໝາຍບໍ່ທັນໄດ້ສັກທົ່ວເຖິງ.

ໂອກາດດັ່ງນີ້ທ່ານ ທອງດີ ດວງພະຈັນ ໄດ້ເນັ້ນໃຫ້ຄະນະສະເພາະກິດ ຈົ່ງເປັນເຈົ້າການ ໃນການຈັດຕັ້ງປະຕິບັດວຽດງານສັດວັກຊີນ, ຢ່າງມີແບບແຜນ, ມີຫຼັກການ, ມີຄວາມວ່ອງໄວ ແລະທັນການ ເພື່ອໃຫ້ບັນລຸຕາມເປົ່າໝາຍທີ່ວາງໄວ້.