ມີເດຍລາວແຂວງຈຳປາສັກ ຂ່າວ-ພາບ: ນາງ ພຽນຖະຫນອມ ນັກຂ່າວຫ້ອງການແນວເມືອງ
ໃນວັນທີ 12ສິງຫາ2021 ຫ້ອງການແນວລາວສ້າງຊາດເມືອງບາຈຽງຈະເລີນສຸກແຂວງຈຳປາສັກ ໄດ້ລົງເຄື່ອນໄຫວຊຸກຍູ້ວຽກງານກອງທຶນຊ່ວຍເຫຼືອເຊິ່ງແລະກັນຂອງແນວລາວສ້າງຊາດຢູ່ທີ່ບ້ານກວາງຊີ ນຳໂດຍທ່ານ ຕຽງຄຳ ບຸດສີລິ ຮອງປະທານແນວລາວສ້າງຊາດເມືອງບາຈຽງຈະເລີນສຸກ ພ້ອມພະນັກງານວິຊາການ ມີຄະນະກຳມະການແນວລາວສ້າງຊາດບ້ານ ແລະ ອຳນາດການປົກຄອງບ້ານເຂົ້າຮ່ວມທັງຫມົດ 35 ທ່ານ,ຍິງ 3 ທ່ານ

ໃນກອງປະຊຸມທ່ານ ຕຽງຄຳ ບຸດສິລິ ຮອງປະທານແນວລາວສ້າງຊາດເມືອງໄດ້ຜັນຂະຫຍາຍກ່ຽວກັບກົດລະບຽບກອງທຶນສະບັບປັບປຸງໃໝ່ເພຶ່ອເປັນບ່ອນອີງໃນການຈັດຕັ້ງປະຕິບັດຕິດພັນກັບການປຸກລະດົມປະກອບສ່ວນເຂົ້າຮ່ວມໃນວຽກງານດັ່ງກ່າວໃຫ້ມີຄວາມເຂັ້ມແຂງໜັກແໜ້ນທັງເປັນການຍົກສູງພາລະບົດບາດ,ສິດແລະໜ້າທີ່ຂອງອົງການແນວລາວສ້າງຊາດຂັ້ນທ້ອງຖິ່ນມີຄວາມສາມັກຄີປອງດອງຂື້ນເລື້ອຍໆ ພ້ອມນັ້ນຍັງມີຄະນະກຳມະການແນວບ້ານດັ່ງກ່າວສະໝັກໃຈເຂົ້າເປັນສະມາຊິກກອງທຶນຊ່ວຍເຫຼືອເຊິ່ງກັນ ແລະ ກັນຕື່ມທັງໝົດ 32 ທ່ານ ຍິງ 2 ທ່ານ.