ມີເດຍລາວແຂວງເຊກອງ ຂ່າວ:ນ ສະໄໝ ທ່ານ ນາງ ມະໂນລາ ສຸດທິຈັກ ຮອງພະແນກສາທາລະນະສຸກແຂວງເຊກອງ ຕ່າງໜ້າໃຫ້ຄະນະສະເພາະກິດຂັ້ນແຂວງ ໄດ້ລາຍງານ ໃນວັນທີ 15 ສິງຫາ 2021 ນີ້ວ່າ:ມາຮອດປະຈຸບັນມາຮອດປະຈຸບັນໄດ້ເກັບຕົວຢ່າງສະສົມທັງໝົດ 207 ຕົວຢ່າງ,ໄດ້ກວດວິເຄາະຢູ່ແຂວງເຊກອງຈຳນວນ 13 ຕົວຢ່າງ ເຊິ່ງຜົນອອກມາເປັນລົບ ແລະ ໄດ້ສົ່ງຕົວຢ່າງໄປກວດວິເຄາະຢູ່ສູນກາງຈຳນວນ 45 ຕົວຢ່າງ ຍັງລໍຖ້າຜົນກວດຢູ່,ມາຮອດປະຈຸບັນນີ້ມີຜູ້ເຂົ້າມາຈຳກັດບໍລິເວນຢູ່ສູນທັງໝົດ 84 ຄົນ,ຢູ່ສູນເມືອງທ່ານແຕງ 13 ຄົນ,ຢູ່ສູນເມືອງດາກຈຶງ 34 ຄົນ,ຢູ່ສູນເມືອງລະມາມ 33 ຄົນ ແລະ ຢູ່ສູນໂຮງໝໍແຂວງ 4 ຄົນ ທັງໝົດນີ້ຍັງສືບຕໍ່ຈຳກັດຢູ່ສູນໃຫ້ຄົບ 14 ມື້. ແລະ ຍັງສືບຕໍ່ເຝົ້າລະວັງ,ຊອກຫານກໍລະນີໃນກຸ່ມເປົ້າໝາຍທີາໄດ້ສຳພັດ ແລະ ໄກ້ສິດກັບຜູ້ຈິດເຊື້ອເພື່ອເກັບຕົວຢ່າງມາວິເຄາະຫາເຊື້ອພະຍາດໂຄວິດ 19 ,ແລະເອົາເຂົ້າມາຈຳກັດບໍລິເວນຢູ່ສູນໃຫ້ຄົບ 14 ມື້ຕາມລະບຽບຫລັກການຂອງພະແນກສາທາລະນະສຸກ ແລະ ຄະນະສະເພາະກິດວາງອອກ ທັງນີ້ກໍ່ເພື່ອບໍ່ໃຫ້ພະຍາດໂຄວິດ 19 ແຜ່ລະບາດສູ່ວົງກວ້າງ.

ທ່ານ ນາງ ມະໂນລາ ສຸດທິຈັກ ຮອງຫົວໜ້າພະແນກສາທາລະນະສຸກແຂວງ ຍັງໄດ້ຮຽກຮ້ອງມາຍັງພໍ່ແມ່ປະຊາຊົນ ແລະ ທຸກພາກສ່ວນທົ່ວສັງຄົມໃນແຂວງເຊກອງ ຈົ່ງໝັ່ນລ້າງມືດ້ວຍສະບູ ຫລື ລ້າງດ້ວຍເຈວ,ອາໂກນ ແລະ ໃສ່ຜ້າອັດປາກ ອັດດັງທຸກຄັ້ງທີ່ອອກ ຈາກເຮືອນ ເຖິງວ່າຈະໄດ້ຮັບສັກວັກຊິນຄົບ ແລະ ຖືກຕ້ອງກໍ່ຕາມ ແຕ່ຕ້ອງປະຕິບັດຕາມມາດຕະການຢ່າງເຄັ່ງຄັດຕາມຄະນະສະເພາະກິດວ່າງອອກຢ່າງເຂັ້ມງວດ ເພື່ອຄວາມປອດໄພໃຫ້ຕົນເອງ, ຄອບຄົວ ແລະ ທຸກຄົນໃນສັງຄົມ.