ມີເດຍລາວແຂວງເຊກອງ ຂ່າວ-ພາບ: ແດນວົງວິຈິດ ໃນວັນທີ 13 ສິງຫາ 2021 ນີ້ ທ່ານ ສົມເພັດ ເອີດລັດດາ ກໍາມະການພັກແຂວງ,ເລຂາພັກເມືອງເຈົ້າເມືອງໆທ່າແຕງພ້ອມດ້ວຍຄະນະສະເພາະກິດຂັ້ນເມືອງໄດ້ລົງຕິດຕາມ, ກວດກາການຈັດຕັ້ງປະຕິບັດມາດຕະການ ປ້ອງກັນ, ຄວບຄຸມ, ສະກັດກັ້ນ ແລະແກ້ໄຂການແຜ່ລະບາດຂອງພະຍາດໂຄວິດ-19 ຢູ່ສອງຈຸດກວດກາຄົນເຂົ້າ-ອອກເມືອງຄື: ດ່ານ ບ້ານ ຫຼັກຂາວ ແລະ ດ່ານ ບ້ານ ກົກພຸງໄຕ້.ການລົງ ເຄື່ອນໄຫວ, ຕິດຕາມກວດກາຄັ້ງນີ້ເພື່ອຫັວງໃຫ້ເອົາໃຈໃສ່ຕໍ່ບັນດາເນື້ອໃນຄໍາສັ່ງຂອງນາຍຍົກ ແລະ ແຈ້ງການຕ່າງໆລວມທັງຂັ້ນແຂວງ ແລະ ເມືອງຢ່າງເປັນເຈົ້າການ.

ໃນໂອກາດນີ້ ທ່ານ ສົມເພັດ ເອີດລັດດາ ເຈົ້າເມືອໆທ່າແຕງໄດ້ຊີ້ໃຫ້ພະນັກງານແພດໜໍ ແລະ ເຈົ້າໜ້າທີ່ເພີ່ມທະວີເຂັ້ມງວດກວດກາຄົນເຂົ້າ – ອອກເມືອງດ້ວຍການວັດແທກອຸນຫະພູມ ແລະ ໃສ່ແໝັດອັດປາກ – ດັງ,ຖ້າເປັນຄົນຕ່າງແຂວງຫຼືຕ່າງປະເທດທີ່ເຄື່ອນໄຫວເຮັດທຸລະກິດພາຍໃນແຂວງ ແລະ ຕ່າງແຂວງ ແມ່ນໃຫ້ອຳນວຍຄວາມສະດວກໃນການເດີນທາງ ແຕ່ຕ້ອງມີໜັງສືຢັ້ງຢືນຈາກຄະນະສະເພາະກິດຂັ້ນແຂວງ-ເມືອງ ແລະມີບັດຢັ້ງຢືນສັກຢາວັກຊິນຈິ່ງສາມາດຜ່ານໄດ້ໃນຂະນະດຽວກັນນີ້ທ່ານເຈົ້າເມືອງໆທ່າແຕງຍັງໄດ້ມອບເຄື່ອງບໍລິໂພກໃຫ້ພະນັກງານທີ່ປະຈຳຢູ່2ຈຸດກວດກາຄົນເຂົ້າ-ອອກເມືອງດັ່ງກ່າວຕື່ມອີກ.