ມີເດຍລາວແຂວງບໍ່ແກ້ວ ພາບ-ຂ່າວ ພັດສະວົງ ບຸນຍະຜົນ
ວັນທີ 17 ສິງຫາ 2021 ນີ້ ກໍາມະບານຮາກຖານຫ້ອງວ່າການເມືອງປາກທາ ຈັດພິທີເຊື່ອມຊືມເອກະສານຂອງສະຫະພັນລາວຂື້ນໂດຍການເຂົ້າຮ່ວມຂອງ ສະຫາຍ ສົມຈິດ ແກ້ວອຳພອນ ກຳມະການພັກເມືອງ ເລຂາໜ່ວຍພັກຫ້ອງວ່າການເມືອງປາກທາ ທັງເປັນຜູ້ຊີ້ນຳອົງການຈັດຕັ້ງມະຊົນຫ້ອງວ່າການ ມີປະທານ-ຮອງປະທານກຳມະບານຮາກຖານຕະຫຼອດຮອດສະມາຊິກກຳມະບານຮາກຖານຫ້ອງວ່າການເຂົ້າຮ່ວມ.

ພິທີໄດ້ຮັບຟັງເອກະສານສຳຄັນຂອງສະຫະພັນກໍາມະບານເຊັ້ນວ່າ:ມະຕິກອງປະຊຸມໃຫຍ່ຄັ້ງທີ VIII ຂອງສູນກາງສະຫະພັນລາວ ແລະ ມະຕິກອງປະຊຸມໃຫຍ່ຄັ້ງທີ VIII ຂອງສະພັນກຳມະບານແຂວງ ບົດແນະນຳກ່ຽວກັບການຈັດຕັ້ງປະຕິບັດຂໍ້ແຂ່ງຂັນ 5 ເປັນເຈົ້າ ແລະ ກົດລະບຽບຂອງສະຫະພັນກຳມະບານລາວສະໄໝທີ VIII ເຊິງປະກອບມີ 15 ໝວດ 70 ມາດຕາ ທັງນີ້ກໍ່ເພື່ອເຮັດໃຫ້ສະມາຊິກກຳມະບານທຸກສະຫາຍກຳໄດ້ເນື້ອໃນສຳຄັນ ແລະ ຮັບຮູ້ເຂົ້າໃຈຢ່າງເລິກເຊິງໂດຍສະເພາະເນື້ອໃນສຳຄັນຕົ້ນຕໍຈຸດສຸມຂອງວຽກງານກຳມະບານລາວທີຈະຕ້ອງໄດ້ເອົາໃຈໃສຊີ້ນຳນຳພາເສີມຂະຫຍາຍກຳລັງແຮງລວມຂອງສະມາຊິກກຳມະບານ,ກຳມະກອນ,ຊາວຜູ້ອອກແຮງງານລາວໃຫ້ມີສະຕິຕື່ນຕົວເປັນເຈົ້າການປົກປ້ອງສິດຜົນປະໂຫຍດອັນຊອບທຳຂອງກຳມະ ບານລາວໃນການພັດທະນາຕົນເອງຢ່າງຮອບດ້ານ ແລະ ຕັ້ງໜ້າເຂົ້າຮ່ວມການຈັດຕັ້ງປະຕິບັດຕາມແນວທາງຂອງພັກ ລະບຽບກົດໝາຍຂອງລັດ,ແຜນພັດທະນາເສດຖະກິດສັງຄົມຂອງລັດແນ່ໃສ່ເຮັດໃຫ້ສະມາຊິກກຳ ມະບານທຸກສະຫາຍມີຄວາມໜັກແໜ້ນເຂັ້ມແຂງຍົກສູງຄວາມຮັບຜິດຊອບຂອງຕົນຕໍ່ໜ້າທີການເມືອງທີພັກລັດມອບໝາຍໃຫ້ໄດ້ຮັບຜົນສຳເລັດ,ແນ່ໃສປັບປຸງປົວແປງການຈັດຕັ້ງກຳມະບານຮາກຖານຂອງຕົນ ພ້ອມທັງປະເມີນຂໍ້ແຂ່ງຂັ່ນ 5 ເປັນເຈົ້າໃຫ້ສຳເລັດຕາມລະດັບຄາດໝາຍທີວາງໄວ້.