ມີເດຍລວແຂວງຈຳປາສັກ ຂ່າວ:ປັນຍາ ແກ້ວພິລົມ ຖວທເມືອງສຸຂຸມາ ເມືອງສຸຂຸມາຈັດກອງປະຊຸມປືກສາຫາລືແລະສ້າງຄວາມເປັນເອກະພາບກ່ຽວກັບວຽກງານລະດົມທຶນເພື່ອນຳໃຊ້ເຂົ້າການກໍ່ສ້າງອາຄານຮຽນ ຊັ້ນມັດທະຍົມຕົ້ນ ຢູ່ຈຸດໂຮງຮຽນມັດທະຍົມປາຍສຸຂຸມາເພື່ອທົດແທນໂຮງຮຽນມໍຕົ້ນຫຼັງເກົ່າທີ່ຖືກນຳໃຊ້ເປັນສູນກັກກັນກຸ່ມສ່ຽງຈາກພະຍາດໂຄວິດ19.

ວັນທີ16 ສິງຫາ 2021,ຢູ່ທີ່ຫ້ອງປະຊຸມອົງການຈັດຕັ້ງມະຫາຊົນ,ເມືອງສຸຂຸມາ,ແຂວງຈຳປາສັກ,ໄດ້ຈັດກອງປະຊຸມປືກສາຫາລືແລະສ້າງຄວາມເປັນເອກະພາບກ່ຽວກັບວຽກງານລະດົມທືນເພື່ອນຳໃຊ້ເຂົ້າການກໍ່ສ້າງອາຄານຮຽນຊັ້ນມັດທະຍົມຕົ້ນ ຢູ່ຈຸດໂຮງຮຽນມັດທະຍົມປາຍສຸຂຸມາເພື່ອທົດແທນໂຮງຮຽນມໍຕົ້ນເກົ່າທີ່ຖຶກນໍ້າໃຊ້ເປັນສູນກັກກັນກຸ່ມສ່ຽງຈາກພະຍາດໂຄວິດ19,ໂດຍພາຍໄຕ້ການເປັນປະທານຂອງທ່ານ ສົມເພັດ ບຸດສະດີ ເລຂາພັກເມືອງ ເຈົ້າເມືອງໆສຸຂຸມາ,ມີທ່ານຮອງເລຂາພັກເມືອງ,ບັນດາທ່ານໃນຄະນະປະຈຳພັກເມືອງ,ກຳມະການພັກເມືອງ,ຫົວໜ້າ-ຮອງຫົວໜ້າຫ້ອງການ,ເລຂາຄະນະພັກຮາກຖານກຸ່ມບ້ານ,ກົມກອງອ້ອມຂ້າງເມືອງແລະເລຂາພັກບ້ານໃຫ່ຍເຂົ້າຮ່ວມ.

ໃນກອງປະຊຸມທ່ານ ສົມເພັດ ບຸດສະດີ ເລຂາພັກເມືອງ ເຈົ້າເມືອງກໍ່ໄດ້ປະກອບຄຳຄິດຄຳເຫັນວ່າ:ທຸກພາກສ່ວນຕ້ອງໄດ້ເອົາໃຈໃສ່ເປັນເຈົ້າການນຳກັນໃນການຕ້ານແລະສະກັດກັ້ນການລະບາດຂອງພະຍາດໂຄວິດ-19,ເປັນວຽກງານໜື່ງທີມີຄວາມສຳຄັນຫຼາຍ,ໂດຍສະເພາະກໍ່ແມ່ນສະຖານທີ່ຮອງຮັບຫຼືສູນກັກກັ້ນກຸ່ມສ່ຽງພະຍາດໂຄວິດ19,ແຮງງານທີ່ມາຈາກປະເທດໄທແລະເຂດທີ່ມີຄວາມສ່ຽງເຂົ້າມາເມື່ອເຂົ້າມາແລ້ວກໍ່ຕ້ອງໄດ້ກັກກັ້ນບໍລິເວນຄົບ14ວັນຫາ21ວັນ,ສະຖານທີ່ຮອງຮັບກຸ່ມສ່ຽງມີພຽງແຕ່3ແຫ່ງຄື:ສູນບ້ານບາກ,ສູນສາມແຍກແລະສູນມໍຕົ້ນສຸຂຸມາ,ບໍ່ພຽງພໍຕໍ່ການຮັບເພາະສູນມໍຕົ້ນສຸຂຸມາກໍ່ເປັນສະຖານທີ່ໂຮງຮຽນ,ໄລຍະນີ້ກໍ່ແມ່ນນັກຮຽນກະກຽມພ້ອມເຂົ້າໂຮງຮຽນສະນັ້ນເພື່ອທົດແທນໂຮງຮຽນຫຼັງເກົ່າທີ່ນຳໃຊ້ເປັນສູນກັກກັ້ນກຸ່ມສ່ຽງ,ເພາະສະນັ້ນຈີ່ງໄດ້ປືກສາຫາລືກ່ຽວກັບການກໍ່ສ້າງອາຄານຫຼັງໄໝ່ໃຫ້ໂຮງຮຽນມໍຕົ້ນໄດ້ຮໍ່າຮຽນ,ພ້ອມນັ້ນຜູ້ເຂົ້າຮ່ວມກອງປະຊຸມກໍ່ໄດ້ປະກອບຄຳຄິດຄຳເຫັນຢ່າງກົງໄປກົງມາເຊີ່ງໄດ້ຕົກລົງເຫັນດີເປັນເອກະພາບກັນລະດົມທືນນຳພະນັກງານ-ລັດຖະກອນໃນທົ່ວເມືອງ,ກຳລັງປ້ອງກັນຊາດ-ປ້ອງກັນຄວາມສະຫົງບເມືອງ,ອົງການປົກຄອງບ້ານ,ພາກສ່ວນລັດວິສາຫະກິດ,ຜູ້ປະກອບທຸລະກິດແລະບັນດາອົງການຈັດຕັ້ງສາກົນປະຈຳເມືອງ,ການລະດົມທຶນໃນຄັ້ງນີ້ກໍ່ເພື່ອນຳໃຊ້ເຂົ້າໃນການປັບປຸງ,ການກໍ່ສ້າງສູນກັກກັ້ນແຮງງານທີ່ມາຈາກບັນດາປະເທດແລະເຂດທີ່ມີຄວາມສ່ຽງຕໍ່ການຕິດເຊື້ອພະຍາດໂຄວິດ-19.